首爾機票再現跌勢，今次追擊目標係韓亞航空：來回淨機票HK$2,013，連稅HK$2,738起，出發日期為14/6 – 30/6。價錢雖然仲比其他航空公司貴，但韓亞質素始終高少少，加上去程可以坐靚靚A380零晨班次（OZ746 00:40 / 05:10），回程冇限制睇供應，機票有效期又有1個月，呢口價仍然值得考慮。Check過系統，供應量唔多，都係集中6月平日出發，回雞假就冇。最後出票日期為23/5，可以去ZUJI買。

提提您：去程週五OZ746及回程週四OZ745，並非A380班次

網址：www.zuji.com.hk

（覺得抵請記得按Like同Share俾朋友）

搭A380飛首爾！韓亞航空6月中下旬出發，來回$2,013起

如果您想暑假初段平飛首爾，呢隻盤有得諗：搭韓亞航空，出發日期為13/6 – 11/7，來回首爾淨機票HK$2,295起，連稅HK$3,054，來回皆可揀A380班次（去程係零晨機添），最大賣點係機票有效期長達1個月，俾您足夠時間玩埋其他南韓城市。Check過系統，如果揀8/7去，6/8返，都仲有呢口價，咁就超級抵買，除非香港快運稍後失驚無神出劈盤，否則以價論價係抵買，因為韓亞係傳統航空公司，包行李寄艙及飛機餐，亦坐得舒服啲（A380啲位鬆動少少），時間仲好靚仔添～

網址：www.zuji.com.hk

（覺得抵請記得按Like同Share俾朋友）

暑假初筍貨！韓亞航空飛首爾$2,295起，坐A380，1個月有效期添！

當濟洲航空隻HK$888來回首爾劈盤去得七七八八後，其他競爭對手陸續推出平盤，首先係韓亞航空，由依家到11/7前飛首爾，來回淨機票HK$2,125起，連稅HK$2,875，當然相比起濟洲航空差成千蚊，但呢隻盤最大賣點係機票有效期長達1個月，而且航班選擇多（包括大家至愛嘅凌晨機呢），最後出發日期仲可以去到11/7，好適合學生哥趁暑假漫遊韓國唔同城市。Check過系統，除咗週日回程剩番早機外，其他日子早去晚返都冇問題。老規舉：官網冇得賣，上ZUJI啦！

網址：www.zuji.com.hk

（覺得抵請記得按Like同Share俾朋友）

依家先決定復活節去旅行？仲要想唔請假嚟個四日三夜Trip？Well！日本機票超級貴（炒到六七千連稅），不如飛首爾啦！Check過各大訂票網，做埋比價，發現韓亞仲有少量來回淨機票HK$3,740連稅HK$4,579之選，係就貴啲，但韓亞不嬲都唔係便宜之選，呢個價比淡季只係貴一千左右，算合理啦！喺真旅網有得賣，去程OZ722（13:15/17:30），勝在回程OZ749（20:10/23:00）係夜機，叫住仲有3.5日玩。當然您肯請假避開紅日來回，梗係平啲啦！睇下您想要乜囉～以咁Last Minute先買大節目飛嚟講，OK啦！

網址：www.travelzen.com

（記得按下面「讚好」Share俾Facebook朋友）

尋日您搶唔搶到國泰首爾HK$1,090 fanfares機票？冇？買韓亞啦！由依家到26/3出發（7/2 – 13/2農曆新年期間不適用），來回機票都只係HK$2,070（連稅HK$2,863），係就貴國泰fanfares成千蚊，但佢有兩大賣點：1. 冇限班次（可以揀零晨機去夜機返，慳酒店錢 + 賺時間）；2. 機票有效期長達1個月（fanfares只係14日），況且以韓亞質素，HK$2,070係非常超值之選。至於佢會唔會再劈？簡單答您：唔似佢作風囉～去Zuji出飛啦！最後出票日期為31/1。

網址：www.zuji.com.hk

（記得按下面「讚好」Share俾Facebook朋友）

30/10，我哋「又飛啦！」先同大家報大韓冬天飛首爾HK$2,000，對手韓亞終於還拖！淨機票減至HK$2,125，連稅HK$2,943，跌破HK$3K，以韓亞嚟講算係好少有（上一次已經喺上年28/10，剛好一年前），出發日期去到19/12，機票有效期為1個月。雖然比大韓貴HK$125，但呢隻特價飛賣點係班次選擇比大韓多，連勁受歡迎嘅零晨機OZ75o（01:10/05:30）都有！方便大家週五放工後趕去首爾Happy！回程最夜嗰班OZ745（19:40/22:30）亦可以俾您選擇，不過Check過系統，呢兩班機非常受歡迎，有啲日子已經搶光，想早去夜返者，快喇！呢隻特價飛可以去Zuji買。您可能話：國泰本週fanfares飛首爾只係 HK$990咋喎！但人家機票有效期短，短玩首爾者，的確國泰係抵啲，但首爾線坐位向來唔係太吉，國泰駛唔駛每週都劈首爾呢？都要觀察一段時間先可定論。

網址：www.zuji.com.hk

（記得按下面「讚好」Share俾Facebook朋友）

我哋「又飛啦！」7/5時寫過，首爾七月揀國泰，八月揀泰航，噢！八月原來仲有更好選擇！19/8至23/9飛首爾，機票有效期7日，去Zuji訂淨機票只需HK$2,508，連稅就HK$3,329，以八月暑假出發嚟講非常抵（仲要19/8到八月尾供應量足），況且韓亞班次密，你大可以揀OZ750零晨01:00出發，回程揀最夜個班OZ745晚上21:20回港，可以玩盡頭尾兩日，適合Weekend跑去首爾掃貨狂玩朋友。至於兩間廉航（真航／濟洲）唔係唔好，只係依家訂暑假飛，連稅大多係HK$2.5K以上，差八舊水，似乎韓亞抵啲，起碼慳番尾一晚酒店。

網址：www.zuji.com.hk

（記得按下面「讚好」Share俾Facebook朋友）

4-7月飛首爾嘅筍盤，除咗尋晚報個隻濟州航空HK$1,850（未連稅，下同）外，韓亞航空呢隻HK$2,509又點可以漏提呢！尤其係好多「又飛啦！」Fans貪佢可以凌晨去晚機返，既可慳番第一晚酒店錢，回程又可以搭最夜個班20:10班機，返到香港23:00，可以Chur盡成個Weekend嘛！呢口價可以去到12/7，又係個句：暑假初仲可以平飛首爾，爽啦！一於去Zuji訂飛先。

網址：www.zuji.com.hk

（記得按下面「讚好」Share俾Facebook朋友）