X
近日AirAsia推出Big Sale，佢嘅競爭對手飛螢航空都出擊迎戰，推出內陸線優惠：由吉隆坡蘇丹阿都阿茲沙機場（梳邦機場）飛蘭卡威（浮羅交怡）、檳城、新山、亞羅士打、哥打巴魯、怡保等單程連稅RM49（約HK$91/TWD381）起，以上價格與上期相約，超值抵價，而且飛螢航空已包20kg行李寄艙。出發日期由10月12日至2016年10月29日，優惠供應足，最後訂票日期為10月25日，往官網出票。
（覺得抵可用Whatsapp同LINE Share俾朋友架）
深度遊馬！飛螢航空馬來西亞內陸線單程連稅$91/TWD381起，2016年10月29日前出發
馬幣低水（約RM1=HK$1.74=TWD7.41），去馬來西亞愈來愈便宜！除了吉隆坡、檳城及沙巴，如果大家想飛其他內陸城市可考慮飛螢航空：由吉隆坡蘇丹阿都阿茲沙機場（梳邦機場）飛蘭卡威（浮羅交怡）、檳城、新山、亞羅士打、哥打巴魯、怡保、登嘉樓單程連稅RM50（約HK$87/TWD370）起，以上價格確實超值，而且飛螢航空已包20kg行李寄艙。出發日期由10月12日至2016年10月29日，優惠供應足，最後訂票日期為10月11日，往官網出票。
（覺得抵可用Whatsapp同LINE Share俾朋友架）
把握低匯率！飛螢航空馬來西亞內陸線單程連稅$87/TWD370起，2016年10月29日前出發
面對對手AirAsia進行中的Big Sales，廉航飛螢航空亦推出馬來西亞內陸線優惠：由吉隆坡市中心蘇丹阿都阿茲沙機場（梳邦機場）飛蘭卡威（浮羅交怡）、檳城、新山、亞羅士打、哥打巴魯、怡保，單程連稅MYR29（約HK$52或TWD218起）起，回程同價，價格比最近數次優惠低很多，確實超值，航班選擇多，機票供應亦充足。雖然是廉航，飛螢航空的價錢已包括20kg行李寄艙配額，無需加購。出發日期由9月25日至2016年3月26日，最後訂票日期為9月11日，可在官網出票。
（覺得抵可用Whatsapp同LINE Share俾朋友架）
創新低！飛螢航空馬來西亞內陸線單程連稅$52/TWD218起，2016年3月26日前出發
雖然曼谷航空近排做香港<->蘇梅島直航優惠，不過如果想旺季去，咪玩啦！邊會咁So？都係用番我哋成日教嗰招：經檳城轉機。香港<->檳城就搵國泰（佢耐唔耐就整隻fanfares HK$990），至於檳城<->蘇梅島，就梗係搵番馬航屬下嘅廉航：飛螢航空（Firefly）幫手！依家佢又推出$0機票優惠：30天預售，機票$0，連稅及油附來回就MYR 298（HK$775），加埋國泰張機票，連稅有機票平到HK$2,500起，仲可以一雞兩味玩晒蘇梅同檳城兩地（由於回程駁唔到即日機返港，建議回程先玩檳城），一向係幾Good嘅平遊方法。Check過飛螢系統，$0機票唔難搵，暑假聖誕甚至連明年農曆新年都有，最後出發日期仲去到明年29/3添！年頭係蘇梅旅遊旺季，雖然要接遠期期貨，但呢口價加上揀啱旺季去，依然值得入手先。
（記得按下面「讚好」Share俾Facebook朋友）
好多Fans都想平飛蘇梅島，之不過……曼谷航空極難有平盤！想去玩Full Moon Party又想慳啲駛，又要搵飛螢航空（Firefly）幫手喇！其實我哋「又飛啦！」都介紹過呢個方法：先由香港飛去檳城，然後轉飛蘇梅島，回程玩埋檳城先走。依家飛螢航空又再推出$0機票優惠，只要俾稅就得，來回MYR293，折合HK$733，再配合國泰檳城平機票，來回淨機票HK$1,400起，連稅HK$2,168起，加埋兩套來回機票都係HK$2,900，比直航蘇梅島平近半，仲可以順便玩埋檳城。未聽過飛螢航空？其實佢係馬來西亞航空旗下子公司嚟，專飛國內短途航線，質素有保證。提提您：香港去檳城嘅國泰機票，記得揀CX633（08:20/11:55），咁先可以駁到飛螢航空嘅FY3602（14:25/14:55），至於回程，由於飛螢航空嘅FY3603（15:15/17:45）點都駁唔到國泰返港班機，所以需要留一日檳城，索性喺呢個美食之都食過痛快吧！飛螢$0機票最後出發日期為30/11，Check過系統，供應量仲算充裕。
（記得按下面「讚好」Share俾Facebook朋友）
漏夜都同大家講呢隻$0機票，雖然唔係香港出發，但都有賣點：馬航屬下嘅飛螢航空（Firefly）剛推出$0機票，出發日期為12/12/2012至12/6/2013，馬來西亞城市出發，無論內陸線抑或國際線（例如檳城／吉隆坡蘇邦飛蘇海）都搵到$0選擇。Check過系統，暫時唔太難搵到$0機票，連4月份復活節都有（例如檳城來回浮羅交怡，31/3去2/4來回；檳城來回泰國蘇梅島，2/4去11/4返，可能馬來西亞冇復活假放卦）！您只要俾番油附連稅就得（前者RM120/HK$312，後者RM394/HK$1,024），再配番張AirAsia香港<->檳城機票就得。呢一刻復活節AirAsia賣香港<->檳城來回機票連稅大約HK$2.5K左右，唔介意等一等，可以先入手呢張飛螢平機票，再等下AirAsia稍後可能開倉時先補飛，不過如果太多人去，就無謂搏，依家一炮過買埋啦！話晒復活節一遊兩地連稅都只係HK$3K左右，仍屬抵買範圍呢！提提您：雖然飛螢係廉航，但亦會免費提供每人20kg行李寄艙服務。
（記得按下面「讚好」Share俾Facebook朋友）
馬航旗下嘅飛螢航空（Firefly）今日推出新一批平機票，由吉隆坡蘇邦機場（唔係吉隆坡國際機場）／檳城以及哥打巴鲁出發嘅馬來西亞國內線固然會劈（單程連稅HK$195起）；至於國際線，就以今次介紹嘅檳城飛蘇梅島最抵：逢二／四／六出發，秋季出發（29/8 – 30/11）單程連稅RM199（折合港幣約HK$520）起，來回預HK$1,040，再配多張AirAsia香港<->檳城，一雞兩味連埋稅HK$3K左右，比直航搭曼谷航空平HK$2K以上，雖然唔可能做到即日轉機，來回各留檳城一日，但去蘇梅歎完Resort再返檳城食個痛快，聽落都吸引呀！Check過系統，暫時10月頭／11月頭及尾仲有少量供應，係就爽手Book！
（記得按下面「讚好」Share俾Facebook朋友）
唔少「又飛啦！」Fans都想平飛蘇梅島，但直航由於被曼谷航空獨市經營，想佢劈都難（唔劈都爆）！轉機係其中一個平飛蘇梅島方法．其中馬航屬下嘅廉航飛螢航空（Firefly）一向有做吉隆坡蘇邦來往蘇梅島平機票，而11/8起更新增檳城飛蘇梅島，逢二／四／六各對開一班，又多一個平方法去蘇梅島啦！不過可惜來回時間夾唔到AirAsia班次（飛螢檳城飛蘇梅島14:15，回程15:05，而AirAsia香港飛檳城19:05，回港15:40），做唔到即日轉機，算啦！順便玩埋檳城囉！由11/8 – 31/10出發，最平單程馬幣7元起，連稅馬幣199（約港幣HK$520），來回都揀到呢隻Fare嘅話，來回連稅約HK$1,040，仍算唔錯之選，不過check過系統，數量唔多，搵唔搵到睇你彩數啦！
（記得按下面「讚好」Share俾Facebook朋友）
X