近排都有唔少歐洲倒頭飛（歐洲各地來回香港），至於商務艙玩法，呢隻抵玩：英國航空歐洲各地經倫敦飛香港來回連稅HK$13,153起，歐洲有多個出發地可選，而且機票有效期有1年咁長，相當實用。對於港澳粉絲？都得！用飛行里數換一套來回香港至歐洲機票，用嚟前後包抄呢套飛（因為有效期一般係1年）。無里數喺手？唯有向俄航或其他二三線航空公司入手，因為間唔中都推出長有效期（例如1年/165日）的歐洲平飛，咁就自行砌到2套歐洲來回機票。

講番呢套飛，可以選擇多個歐洲城市出發，回程亦可Openjaw，舉例6月6日從歐洲出發、9月12日返歐洲，來回連稅計：維也納出發HK$13,153起、法蘭克福HK$13,387起、慕尼黑HK$13,319起、巴塞隆拿HK$15,650起、馬德里HK$15,758起、阿姆斯特丹HK$16,240起、米蘭HK$16,600起，以上只屬舉例，大家可以上Expedia香港發掘心水組合。而呢張飛Class code（子艙位）是I/J，J class（歐洲內陸段）唔駛諗一定係儲落英航Avios有250%（儲Asia Miles得125%），至於I Class（倫敦-香港）就可儲150%Avios Miles或125% Asia Miles，舉以上由維也納來回例子，全部儲落英航Avios就有大約21,000里，夠換日本或韓國經濟位來回機票。

英航商務艙旅客可以享用機場貴賓室，香港至倫敦段仲有得歎埋180度平躺座位，仲可揀坐A380航班。出發日期由1月18日至2017年1月4日（留意番訂票系統只能訂到12月或之前回程機票），機票有效期12個月，最後出票日期為2月2日，可上Expedia香港出票。

網址：www.expedia.com.hk

相關文章：秒懂必讀！睇埋Expedia手拉手零經驗訂票教學：http://flyagain.la/31983

（覺得抵可用Whatsapp同LINE Share俾朋友架）

倒頭平坐商務！英國航空歐洲來回香港連稅$13,153起，再賺里數飛日韓，2017年1月4日前出發

2016年過咗幾日，中東三寶之一嘅阿聯酋航空就推出一個早鳥平盤，出發日期去到11月咁遠，價錢都有驚喜：經杜拜轉機來回歐洲淨機票HK$3,380起，連稅計：阿姆斯特丹HK$4,499起、博洛尼亞HK$4,695起、蘇黎世HK$4,729起、巴黎HK$4,815起、羅馬HK$4,820起、慕尼黑HK$4,940起、米蘭HK$4,987起、布達佩斯HK$5,071起、巴塞隆拿HK$5,100起、馬德里HK$5,307起、漢堡HK$5,382起、維也納HK$5,418起、布拉格HK$5,551起、伯明罕HK$5,920起、倫敦HK$6,116起、格拉斯哥HK$6,175起、紐卡素HK$6,197起。整體價錢比上期再平大約1-3百，鐘意坐EK又追求服務質素，連稅四千五起呢個水位真係抵玩，不妨考慮。

去程航班香港飛杜拜限坐EK387/EK383，回程杜拜返香港限坐EK386/EK380，可以OpenJaw（不同城市往返）。出發日期由1月15日至2月3日、2月11日至3月22日、3月30日至6月16日、9月11日至9月22日、10月2日至11月30日，機票有效期為1個月，最後出票日期為1月19日，上官網買。

提提您：想中停杜拜？補番大約HK$190機場稅就得，訂飛方法都好簡單，首先搵咗來回香港至歐洲有平飛的日子先（例如6月13日至6月23日，香港-阿姆斯特丹），抄底呢個日子，再用進階搜索，輸入三段航程，舉例6月13日由香港-杜拜；6月15日杜拜-阿姆斯特丹；6月23日阿姆斯特丹-香港，就可以Search到，留意番香港-杜拜要揀指定航班；

網址：www.emirates.com

相關文章：秒懂必讀！睇埋阿聯酋航空Emirates官網手拉手零經驗訂票教學：http://flyagain.la/35333

（覺得抵可用Whatsapp同LINE Share俾朋友架）

早鳥筍盤！阿聯酋航空香港來回歐洲連稅$4,499起，可中停杜拜，11月30日前出發

俄羅斯航空飛歐洲一向係平霸，面對其他大陸航空攻勢，佢終於都發威劈餐勁！香港直航莫斯科HK$3,064（連稅HK$3,409）起，經莫斯科轉飛歐洲各市都有，連稅計：伊斯坦堡HK$3,555起、赫爾辛基HK$3,565起、斯德哥爾摩HK$3,582起、日內瓦HK$3,624起、巴塞隆拿HK$3,633起、哥本哈根HK$3,643起、阿姆斯特丹HK$3,668起、馬德里HK$3,670起、布達佩斯HK$3,717起、米蘭HK$3,781起、羅馬HK$3,779起、雅典HK$3,795起、巴黎HK$3,897起、柏林HK$4,160起、慕尼黑HK$4,060起、法蘭克福HK$4,122起、維也納HK$4,199起、倫敦HK$5,304起，大部份航點連稅價唔駛四千好抵買，兼且復活節都有呢口價（可揀3月22/23/24日去、31日回程）。倫敦就一向稅貴，不過可用Openjaw（不同城市往返）方法，舉例倫敦入、莫斯科走連稅HK$3,842起，出發日期由即日起至2016年3月31日（回程日期必須為3月31日或之前），Check過系統，供應暫見充足。機票有效期為165日，最後出票日期為2016年1月20日，上Ctrip或Expedia香港訂票。（就咁訂香港來回歐洲上Ctrip訂較平，如果想Openjaw轉去Expedia香港訂較抵。）

網址：www.ctrip.com.hk
網址：www.expedia.com.hk

相關文章：秒懂必讀！睇埋Ctrip手拉手零經驗訂票教學：http://flyagain.la/34618
相關文章：秒懂必讀！睇埋Expedia手拉手零經驗訂票教學：http://flyagain.la/31983

（覺得抵可用Whatsapp同LINE Share俾朋友架）

嘩！俄航怒劈！復活節有！香港直航莫斯科連稅$3,409，轉飛歐洲$3,555起，可Openjaw，2016年3月31日前出發

英航呢啲傳統名牌，香港飛歐洲價位不嬲企得硬，不過歐洲飛香港呢？兩個世界囉：英航歐洲各市經倫敦來回香港HK$1,070起，連稅計：從馬德里出發HK$3,656起、巴塞隆拿HK$3,666起，其餘城市包括法蘭克福、米蘭、羅馬、倫敦、巴黎、阿姆斯特丹、布魯塞爾等地都有，但連稅價超過4千唔算太平，建議可用Openjaw方法，從馬德里/巴塞隆拿出發，回程返以上城市就會組合到較平價，舉例從馬德里出發，回程返法蘭克福連稅HK$3,864起，大家可以上Expedia香港發掘心水組合。而且呢張飛Class code（子艙位）是O/S，儲落美國航空AAdvantage會有100%里數（大約13,000里），有呢張飛就冇藉口唔返香港探親同拜年啦。出發日期由2016年1月4日至3月11日，Check過系統，供應量足，機票有效期12個月，最後出票日期2016年1月3日，上Expedia香港訂票。

農曆新年返港有平飛日子：（只供參考）
馬德里：2016年1月29日、2月3/7日出發，2月15/16日回程
巴塞隆拿：2016年1月27/28/29日、2月3/7日出發，2月14/15/16/17/18日回程

網址：www.expedia.com.hk

（覺得抵可用Whatsapp同LINE Share俾朋友架）

返香港啦！英國航空歐洲來回香港連稅$3,656起，2016年3月11日前出發

卡塔爾航空近排優惠都幾密，佢又翻兜歐洲平盤，香港出發來回歐洲各市HK$2,290起，連稅計：雅典HK$4,634起、馬德里HK$4,758起、米蘭HK$4,789起、羅馬HK$4,922起、巴黎HK$4,990起、曼徹斯特HK$5,737起、倫敦HK$6,051起，以上各價連稅五千樓下都係入手範圍，而且飛雅典都少有呢口靚價，想平飛希臘探索神話衛城不妨諗諗。飛英國就預咗稅貴，呢個水位都OK。至於其他歐洲城市例如布達佩斯、法蘭克福、慕尼黑、斯德哥爾摩、巴塞隆拿、阿姆斯特丹等都有，但Check過連稅都5千5以上，所以唔推介了，唔急就等下。出發日期由即日起至2016年5月31日，Check過系統，供應量暫見充裕，而且卡航有30kg行李寄艙配額，幫大家掃多啲貨。機票有效期為1個月，最後出票日期為2016年1月10日，上官網出票。

網址：www.qatarairways.com

（覺得抵可用Whatsapp同LINE Share俾朋友架）

翻劈！卡塔爾航空來回歐洲連稅$4,634起，2016年5月31日前出發

阿提哈德航空年尾拎咗唔少航空業界的獎項，服務質素備受肯定，歐洲線經濟艙就做緊限時優惠，來回連稅HK$4,687起（詳情按此：http://flyagain.la/34842），至於豪玩一族，呢個商務艙夠抵玩！由韓國首爾飛歐洲，回程返香港，來回連稅只需HK$15,969起，記住是商務艙呢！歐洲目的地選擇極多，可選倫敦、阿姆斯特丹、馬德里、伊斯坦堡、都柏林、布魯塞爾、法蘭克福、慕尼黑等，還可以OpenJaw（不同城市往返），隨您喜好選擇，舉例2016年3月8日出發、3月15日回程，來回連稅價錢如下：

1. 首爾->米蘭 // 羅馬->香港 HK$15,969起
2. 首爾->馬德里 // 羅馬->香港 HK$15,980起
3. 首爾->倫敦 // 威尼斯->香港 HK$16,154起
4. 首爾->慕尼黑 // 柏林->香港 HK$16,350起
5. 首爾->維也納 // 布魯塞爾->香港 HK$16,756起
6. 首爾->巴黎 // 伊斯坦堡->香港 HK$16,789起
7. 首爾->倫敦 // 都柏林->香港 HK$17,306起
8. 首爾->羅馬 // 法蘭克福->香港 HK$18,035起

以上組合只屬建議，您可以依據自己喜好拼合，大家不妨花時間於Expedia香港網站發掘心水城市組合。

提提您：所有阿提哈德商務艙旅客可免費享用其阿布扎比機場的貴賓Lounge及15分鐘Six Senses Spa水療（屬泰國名牌！）。賺取里數方面，往歐洲的子艙位（Class Code）為Z、回程為Z/W，Z艙位儲在儲在南非航空SA Voyager有150%里數，儲在全日空Mileage Club亦有125%。W艙位儲在大韓Skypass有150%里數，儲在美國航空AAdvantage或全日空Mileage Club亦有125%里數，舉例以上第一個例子將往返程里數都儲在全日空Mileage Club可賺取約17,000里，剛好夠換香港或台北來回日本的全日空經濟客位機票。

至於出發時只需補一張香港至首爾的單程廉航機票，例如HK Express、真航空、濟州航空，舉例明年3月HK Express往首爾單程連稅約HK$500-700（未包行李寄艙），建議可等有促銷時入手；出發日期由即日至12月31日、2016年1月12日至1月28日、2月15日至5月31日，優惠主要集中平日淡季，可以OpenJaw，機票有效期1個月。最後出票日期為2016年1月5日，可到Expedia香港訂票。

還沒有坐過阿提哈德航空？可以參考下我們的乘搭報告：http://flyagain.la/ey-flight-report

網址：www.expedia.com.hk

（覺得抵可用Whatsapp同LINE Share俾朋友架）

「豪」抵玩！阿提哈德航空首爾往歐洲回程返香港，商務艙連稅$15,969起，2016年5月31日前出發

好耐冇見中東三寶之一嘅阿聯酋航空做優惠，人地卡塔爾做得咁密咁平，佢就跟減少少，鐘意坐EK又追求服務質素，不妨一看：經杜拜轉機來回歐洲淨機票HK$3,440起，連稅計：阿姆斯特丹HK$4,798起、蘇黎世HK$4,879起、羅馬HK$4,996起、慕尼黑HK$5,003起、巴黎HK$5,057起、米蘭HK$5,186起、巴塞隆拿HK$5,259起、馬德里HK$5,316起、漢堡HK$5,433起、維也納HK$5,450起、伯明罕HK$6,001起、倫敦HK$6,337起、格拉斯哥HK$6,346起、紐卡素HK$6,391起。整體價錢比上期再平3百左右，呢口價都係佢入手範圍，不妨考慮。

去程航班香港飛杜拜限坐EK387/EK383，回程杜拜返香港限坐EK386/EK380，可以OpenJaw（不同城市往返）。如果想中停杜拜，補番少少機場稅就得（先揀”進階搜索”，再將香港<->杜拜及杜拜<->歐洲拆開兩程搜尋價格）。出發日期由12月21日至12月31日、2016年1月12日至1月28日、2月15日至3月22日、3月30日至4月30日，機票有效期為1個月，最後出票日期為12月21日，上官網買。

網址：www.emirates.com

（覺得抵可用Whatsapp同LINE Share俾朋友架）

跟風減！阿聯酋航空香港來回歐洲連稅$4,798起，2016年4月30日前出發

土耳其航空優惠真係好罕見，嚟到年尾終於派聖誕禮物俾大家，呢隻盤由吉隆坡出發，經伊斯坦堡飛歐洲，回程返香港，來回連稅HK$3,402起，土航質素喺歐洲嚟講絕對唔錯，呢口價都好抵！去程及回程航點方面選擇眾多（如：阿姆斯特丹、布魯塞爾、米蘭、巴塞隆拿、馬德里、蘇黎世、巴黎、法蘭克福等），其中去程加入法蘭克福會較易拼出平價。舉例2016年2月28日出發，3月6日回程，來回連稅參考如下：

1.吉隆坡->法蘭克福 // 哥本哈根->香港，來回連稅HK$3,402起
2.吉隆坡->法蘭克福 // 阿姆斯特丹->香港，來回連稅HK$3,689起
3.吉隆坡->阿姆斯特丹 // 布魯塞爾->香港，來回連稅HK$3,803起
4.吉隆坡->法蘭克福 // 馬德里->香港，來回連稅HK$3,819起
5.吉隆坡->法蘭克福 // 尼斯->香港，來回連稅HK$3,836起
6.吉隆坡->法蘭克福 // 馬賽->香港，來回連稅HK$3,838起
7.吉隆坡->巴黎 // 巴塞隆拿->香港，來回連稅HK$3,892起
8.吉隆坡->倫敦 // 威尼斯->香港，來回連稅HK$3,894起

以上組合只屬建議，您可以依據自己喜好，花少少時間於Expedia香港網站發掘心水城市組合。出發日期由依家至2016年6月30日，優惠集中2016年2月底、3月及5月淡季期間。至於香港飛吉隆坡單程可以考慮廉航Air asia（亞洲航空），舉例出年2月去單程連稅約HK$488起（未包行李寄艙），埋單可能四千左右，又可順便玩埋吉隆坡，呢口價抵買呀！機票有效期1個月，最後訂票日期為2016年1月17日。

如果想單買香港出發來回，土耳其航空都有平價選擇，佢地有隻超Last Minute出發平盤（適用於12月25日至2016年1月2日出發），經伊斯坦堡來回歐洲HK$2,820起，來回連稅計：米蘭HK$4,242起、羅馬HK$4,321起、巴塞隆拿HK$4,455起、馬德里HK$4,814起、倫敦HK$5,900起。以價講價連稅5千樓下以香港出發及回程都抵買，機票有效期仲有3個月，只可惜限Last Minute出發，最後出票日期為12月31日，上Ctrip出票。

Expedia香港網址：www.expedia.com.hk（訂購吉隆坡出發，回程返香港，用多個目的地功能搜尋）
Ctrip網址：www.ctrip.com.hk（訂購香港出發來回歐洲機票）

（覺得抵可用Whatsapp同LINE Share俾朋友架）

罕見勁平！土耳其航空吉隆坡飛歐洲，回程返香港連稅$3,402；香港出發連稅$4,242起，2016年6月30日前出發