X
去馬爾代夫玩，想平平哋去，通常都係搭馬航呀，斯里蘭卡航空呀，甚至新加坡航空，不過佢哋都有一個缺點，就係抵達馬里時已經入夜，唔可以即刻駁船去你住嘅Resort度，一方面要俾多一晚馬里酒店錢，另一方面……你都知馬爾代夫呢排政局亂亂哋，首都馬里唔係百份百安全，如果中午到達可以即刻駁船就Very Good。Check過其他航空公司，原來卡塔爾航空到達馬里只係下午2:50，咁幾好呀！依家去一起飛旅遊網訂飛，連稅最平只係HK$5,557起，仲可以去到年尾15/12先出發，只係回程差啲要早上9:30，都諗得過！
（記得按下面「讚好」Share俾Facebook朋友）
雖然今日下午AirAsia已經公佈開倉詳情，不過呢單筍嘢更加迫切，AirAsia單料明早再講（反正遲少少都一樣）！斯里蘭卡航空公司為慶祝情人節，將會於格林威治時間14/2 00:00 – 23:59（即係香港時間明早08:00 – 後早07:59）推出全線14%折扣（即係86折），除咗唔包中東航線外其他都一律全包（咁即係曼谷＜－＞香港都有啦）！只限情人節1天，出發日期為1/3 – 15/7。之前報過斯航2人同行飛曼谷只係HK$960（未連稅，下同），如果佢用呢個價再減，來回咪HK$825.6？嫌平得太少？去馬爾代夫啦（局勢亂？車！我住喺Resort不知幾歎）！未折就HK$6,490，折咗就HK$5.581，又慳番成千蚊鳥～～～
留意位：
1. 訂位時必須輸入優惠編號：v14fbsp
2. 訂購時間：香港時間 08:00（14/2） – 07:59（15/2）
（記得按下面「讚好」Share俾Facebook朋友）
馬航好耐冇推出晒冷式早餐盤，今日又嚟啦！包括吉隆坡／檳城HK$1,250（未連稅，下同）、浮羅交怡HK$1,450、沙巴HK$1,500，仲有好多人鐘意嘅馬爾代夫呢！都只係HK$3,250！訂票日期直到22/2 ，出發日期去到31/10添！當然暑假唔用得啦～～～除咗以上熱門地方之外，仲有經吉隆坡轉機去印度、澳洲、印尼等東南亞城市，有興趣可上官網睇睇。
留意位
1. 最後出票日期：22/2
2. 出發日期：6/2 – 28/3；11/4 – 30/6；1/9 – 26/9；4/10 – 31/10
3. 機票有效期：0 – 14日（亞洲區）；0 – 30日（其他地方）
（記得按下面「讚好」Share俾Facebook朋友）
今早幫大家報咗馬航隻早餐盤，個陣淨係講吉隆坡同沙巴有平飛，其實仲有一啲城市都減咗落嚟！例如馬爾代夫，我哋上星期三先講過來回只需HK$4,400起，原來依家佢大劈價到HK$3,090！嘩！慳咗成HK$1,400呀陰公！澳洲就HK$2,850起，印尼峇里島就HK$1,590起，咁當然一律要喺吉隆坡轉機，所以稅會比一般直航機票貴啲，不過計埋都係抵，早起嘅鳥兒們快啲去官網食嘢啦喂！
（記得按下面「讚好」Share俾Facebook朋友）
好多情侶／夫婦勁恨去馬爾代夫渡假，之前我哋都介紹過一套美佳直航套票。如果仲想慳啲駛，不如自己拆開機票同酒店分開訂。馬航有一套特價來回機票，經吉隆坡轉機去馬里，來回只係HK$4,400起，而稅連油附方面，馬航要HK$2,498，相比美佳HK$2,240只係多HK$250左右，可以接受。佢咁平都有原因嘅！皆因搭馬航去到馬里已經夜晚九點幾，必須喺馬里島留一晚，等第二日早上搭船／飛機去你所訂嘅外島酒店，不過佢回程返吉隆坡係晚上10:45，總算用晒最後個日啦！拎住咁平嘅機票，咪留番啲錢去訂間超靚酒店俾自己開心！更開心嘅係，佢12月接近聖誕節期間都做到呢個靚價（ 系統Keep住去程21/12 – 23/12同回程26/12 – 28/12嘅飛唔賣），與其去亞洲區同其他人迫餐死，不如同至愛飛去馬爾代夫．靜靜地過二人世界啦！
（記得按下面「讚好」Share俾Facebook朋友）
Facebook網友Wai Man Leung問馬爾代夫有冇八千左右嘅平Package。其實自今年起有定期包機直航馬爾代夫後，吸引力大增，起碼唔駛去吉隆坡／新加坡轉機咁麻煩。美佳航空（Mega Maldives）今年起每隔5日提供一班香港<->馬里<->Gan島直航服務，中午機去5M 137 13:00/16:20，回程5M136 19:30/05:00+1，一共坐6.5小時，喺馬爾代夫落機後可立即轉船／水上飛機入住酒店，唔駛焗住訓馬里一晚咁慘。
Sun N Seas Holidays係美佳航空嘅香港代理，睇佢最新嘅Package List，5日4夜最平HK$7,780住Holiday Inn Kandooma。係就係平，之不過據老友講間酒店勁似青年渡假營囉！
根據性．價．比排位，我會首選Centara Grand，呢間泰國酒店集團我一向捧場，一嚟最平個隻Beach Suite雖然價錢要HK$11,880，但已經包咗早午晚三餐，要知道住得馬爾代夫，通常足不出戶餐餐留喺酒店食，每人每日伙食預HK$800，咁佢包晒5日4夜咁多餐，個度起碼都值HK$3,200-3,500卦？扣埋條數，齋房連機票咪只係HK$8,600（未包稅，下同）？間房上網賣緊HK$3,200一晚架！Beach Suite係複式設計，有800幾呎實用，面對大海，Good！想正啲？每人只要俾多HK$1,600就入住水中屋Water Villa，日抖一打開門跳落海游水，夜晚同Honey一齊數星星，浪漫到死，呢啲先叫馬爾代夫式享受嘛！
留意位：
1. 稅+油附：HK$2,240
2. 套餐有效期至27/10/2011
3. 如在2/10出發，將收附加費（成人 HKD2,800/小童 HKD2,100）
4. 不同酒店於不同時段入住或加徵附加費，詳情請瀏覽以下網址
（記得按下面「讚好」Share俾Facebook朋友）
X