上個月我寫蒙古航空，已經講過我另一個心願係去北韓！今日收到Travelzoo嘅Email，話星級假期8月尾有團去北韓！唉！咁遲先講，請唔切假呀！小弟從來無喺「又飛啦！」介紹旅行團，但去北韓必須跟團，無計！

查實呢個團都幾抵：HK$6,399已經包埋香港<->遼寧<->平壤4程機票，齋機票起碼HK$3,000以上。至於行程，由於北韓政府有嚴格規定，無論景點、住宿都有限制，所以你跟邊間旅行社行程都一式一樣，呢個團亦唔例外。平壤就住羊角島酒店（內有賭場！），觀光點就包括戰爭紀念館、萬壽台紀念碑、主體思想塔、凱旋門、妙香山、少年宮學校、普賢寺，當然仲有重頭行程：板門店同埋搭下平壤地鐵（一個站）啦！至於自費項目就包括睇阿里郎（EUR 90，我好想睇！）、食開城人參雞、登主體思想塔頂同向金日成銅像獻花（呢3樣加埋就CNY 360），加埋都係HK$1,400。

最快26/8有一團出發，晚間搭南方航空去瀋陽，第二日下午搭高麗航空去平壤。

想知呢個鐵幕國家有幾好玩？有乜嘢規舉要遵守？可以參考呢篇Blog友遊記。

留意位：

1. 未包機場稅HK$1,545、導遊小費HK$460同保險HK$235

2. 北韓簽證費HK$550（只限BNO/SAR），需時約10個工作天

查詢電話：2802 3355（星級假期）

（記得按下面「讚好」Share俾Facebook朋友）