13:35 Updated：漏洞已封！

09:42 2/1 Updated：今早零晨2點幾急報嘅〔大漏洞！AirAsia吉隆坡返澳門單程連稅HK$205！來回$1,365〕一早醒來，漏洞仲未Fix！剛剛Check過，呢一刻吉隆坡返澳門單程連稅HK$205日子有：13/1 – 21/1；25/1；27/1 – 29/1，即係由零晨到依家，22/1同埋31/1都賣晒，要快手啦！正如fans ＠喵遊天下講：Check左香港25/1夜機去$839, 如果香港去經澳門返加埋船飛都係$12XX, 啱晒即興weekend trip的朋友！

夜媽媽都要報呢單漏洞猛料，相信聽早返工後必定被人Fix架啦！簡單講句：AirAsia官網內，吉隆坡返澳門嘅票價出現超大漏洞，每張機票只賣RM0.1（約HK$0.24），連稅RM77.1（約HK$205），同$0冇分別！由於官網冇任何宣傳，所以百份百肯定係漏洞價！Check過系統，直到呢一刻（02:36am 2/1），呢批漏洞飛嘅出發日期為13/1 – 22/1；25/1；27/1 – 29/1以及31/1，不過可惜澳門去程吉隆坡冇特價，搞到最後來回連稅仍然要HK$1,365起，澳門嘅朋友，如果咁啱1月想飛吉隆坡，以Last Minute嚟講仍算抵買架～

網址：www.airasia.com

（記得按下面「讚好」Share俾Facebook朋友）

尋晚AirAsia開倉（需經指定Link進入先有：https://booking.airasia.com/Search.aspx?culture=zh-HK&promocode=121212ID），如果您有小朋友同行嘅，您會發現…加埋條數，咦？點解平咗啲（以圖為例，來回2大2小4張機票，左邊加埋本來係HK$2,716，但右邊預訂總結竟然只係HK$2,511，兩者相差HK$205）？唔單止圖例的香港<->曼谷線，基本上乜航線都有！呢個小漏洞，只適合有小朋友同行，無嘅就享受唔到嘞！趁AirAsia未留意，快手啦喂！^.^

（記得按下面「讚好」Share俾Facebook朋友）

立即搶！依家AirAsia經已開倉！明年1/6至30/9出發，飛吉隆坡、沙巴、曼谷、布吉單程連稅$469起，來回連稅計，吉隆坡、沙巴HK$878起，曼谷、布吉同樣HK$968起，連稅通通唔駛HK$1,000，超級抵！呢個優惠必須經以下指定Link入AirAsia官網先得，就咁入去www.airasia.com係唔得架！全因呢個優惠針對國內微博Fans：咁當然唔係佢商務總裁陳凱霖Fans都可以買得啦！呢批早餐盤早喺29/10賣過，當時單程連稅飛曼谷賣HK$598，布吉HK$688，吉隆坡沙巴HK$658，檳城HK$568起，即係話今次遲買仲平！但唔好太開心住：未必日日都有架！一陣開倉時候自己發掘下啦（點解今次冇檳城嘅？一陣試下先）！優惠期只有3日，最後出票日期為14/12。

指定網址：https://booking.airasia.com/Search.aspx?culture=zh-HK&promocode=121212ID　（必須經此Link進入AirAsia官網才可見到優惠價，手機版及Chrome版不能，除非喺iPhone安裝Puffin瀏覽器啦～）

（記得按下面「讚好」Share俾Facebook朋友）

00:43 26/12 Update：〔AirAsia開倉實報〕吉隆坡平飛一如所料，集中喺新開航班上（去程AK1653 13:20/17:10，回程早機AK1652 08:55/12:45），供應量睇嚟唔少！曼谷線3月份大把平飛，來回連稅HK$1,226唔難搵喎～澳洲平飛12月中後就冇啦，想聖誕節去就唔駛搵喇～

新鮮滾熱辣！漏夜都同大家講AirAsia今晚零晨（26/11 00:00）劈價詳情：首先講AirAsia，出發日期一如所料：3/12/2012 – 31/3/2013，飛吉隆坡單程連稅HK$328起，來回連稅HK$537起（嘩！仲平過上星期做嘅來回HK$698？呢個價係咪要捱早機返呀？），曼谷單程連稅HK$708起，來回連稅HK$1,409起（一般平，唔算太特別，有需要者可以補飛），咁當然AirAsia飛馬來西亞／泰國／印尼短途內陸航線都有幾十蚊機票優惠啦～不過根據經驗，AirAsia嘅Last Minute平機票一向數量唔多，唔好抱太大期望先；反而較大期望嘅係AirAsia X！因為佢亦會同時首度開賣明年下半年超遠期貨：出發日期為1/6/2013 – 31/12/2013，香港經吉隆坡飛澳洲（柏斯／墨爾本／黃金海岸）去程連稅HK$1,665起，回程連稅AU$279起（HK$2,232起），來回連稅HK$3,897起，都算抵玩，有興趣者今晚00:00捕實AirAsia官網啦（澳門出發當然有平，曼谷來回連稅MOP1,000起，吉隆坡MOP1,045起）。提提您，搶飛想快人一步，可以去Chrome瀏覽器去呢個AirAsia網站：http://chrome.airasia.com，會較少出現Waiting Room。

AirAsia劈價詳情：http://www.airasia.com/hk/en/promotion/rr3351203.page

AirAsia X劈價詳情：http://www.airasia.com/hk/en/promotion/rx2770612.page

（記得按下面「讚好」Share俾Facebook朋友）

你冇睇錯！係來回！仲要係來回連稅！AirAsia為慶祝加開航班（去程新增AK1653 13:20/17:10，回程新增早機AK1652 08:55/12:45），特別將21/12/2012至30/4/2013吉隆坡航班大劈特劈：去程連稅HK$389起，回程連稅HK$269起，來回連稅就HK$658起！Check過系統，呢批特價飛主要集中喺加班嗰兩班，但其實其他班次都有呢批貨，只係選擇冇加班機咁多，但搵個Weekend來回HK$658，呢一刻2月打後仲有選擇！平嘢好快掃光，行動要快！

網址：www.airasia.com

（記得按下面「讚好」Share俾Facebook朋友）

AirAsia今晚00:00又再開倉，推出明年1/2至30/4出發嘅早餐盤，航點眾多。想偷步搶飛？得！由依家到今晚23:59，只要透過呢條指定Link入AirAsia網站：http://booking2.airasia.com/search.aspx?promocode=061112PB，再利用「轉換大法」，就可以立即入AirAsia官網快人一步搶飛，唔駛等00:00喇！Check過系統，今次劈價飛竟然有意外收獲：復活節來回曼谷，去程28/3週四放工夜機去（FD 2503 20:50/22:45），1/4週一早上返（FD2508 06:30/10:15），來回連稅竟然平到HK$1,266！唔想捱早機返就要加HK$800（多超過六成，小弟情願捱早機喇），優先搶飛對象！而吉隆坡雖然冇復活節筍盤，不過其他日子出發亦唔難搵到筍嘢，來回連稅HK$1,156起，抵啦！至於飛檳城同布吉，Check過系統，極少筍飛，呢一水可以不理，趁未有人知呢條Secret Link，立即叫朋友依家齊齊搶飛啦～

偷步買飛指定Link：http://booking2.airasia.com/search.aspx?promocode=061112PB　（呢條Link將會喺今晚6/11 00:00失效，之後請直接去http://www.airasia.com訂飛）

轉換大法教學：http://flyagain.la/?p=4584

（記得按下面「讚好」Share俾Facebook朋友）

AirAsia終於公佈今晚開倉詳情！原來係劈遠期早餐盤，出發日期為1/5/2013 – 30/9/2013（呢批早餐盤曾經喺20/9賣過，不過當時4月出發都有），29/10週一零晨00:00開倉，地點繁多，就以香港出發為例，單程連稅計飛曼谷HK$598起，布吉HK$688起（飛曼谷同上次一樣價，飛布吉貴HK$30），馬來西亞飛檳城單程連稅HK$568起，吉隆坡同沙巴一樣HK$658起（同上次一樣），睇下今次暑假飛多唔多（上次就唔覺多）。其他地區如澳門及東南亞各地出發均有劈價。今晚00:00，搶埋飛先好瞓啦！

網址：www.airasia.com

（記得按下面「讚好」Share俾Facebook朋友）

上週因為劈價太細而俾網民鬧爆嘅AirAsia，今日又嚟一個秋冬小劈：飛檳城單程連稅HK$658起，曼谷單程連稅HK$799起，出發日期為1/10 – 31/12，算係即買即飛，但個價只係貴過上週劈超遠期貨少少而已，唔怪得俾網民狂炳啦！Check過系統，呢批機票數量唔多，飛檳城去程得：8,9,11/10、21,24,27,29,30/11、4/12，回程竟然只得17/12一日咁大把！係咪AirAsia未放飛？曼谷就好啲，來回日子都有唔少選擇（當然回程早上06:30大把平飛，您唔會吼掛）。順帶一提，可能AirAsia見上週開倉賣得唔好，佢暗地裡又放番啲平飛，至於邊啲日子同城市有平，不妨自己上番官網慢慢Search。

網址：www.airasia.com

（記得按下面「讚好」Share俾Facebook朋友）