香港直航北海道，機票永冇劈價，唉！唯有靠轉機啦！今次就介紹廉航捷星日本（JetStar Japan）嘅內陸線優惠，春季出發（8/5 – 4/7）全線都有劈，最平係福岡飛名古屋，單程連稅HK$206起（不包行李寄艙及飛機餐，下同），至於人人都Like嘅北海道札幌，東京出發單程連稅HK$233起，大阪出發單程連稅HK$257起，名古屋出發單程連稅HK$214起（小弟認為用名古屋做中轉站北上係最抵方法，皆因如果您有Asia Miles，香港<->名古屋嘅國泰機票基本上係超級易換〔來回30,000里〕，大阪同東京反而好難換到經濟客位），來回都係五舊有找，您話抵唔抵？唔怪得市場佔有率贏AirAsia Japan啦！Check過系統，唔太難搵，當然唔係日日有，最後出票日期為香港時間22/4（下週一） 22:59。

網址：www.jetstar.com

（記得按下面「讚好」Share俾Facebook朋友）

繼樂桃航空及AirAsia日本後，第三家新日本廉航：與日航合股籌辦嘅捷星日本（JetStar Japan）將會於今年3/7首航。當日會率先開通東京來往大阪／札幌及福岡航線，7/9就開埋東京沖繩，而大阪飛札幌及福岡就會於24/8開始，以後周遊日本各地，唔駛一定要搭子彈火車啦！至於首航優惠，由於正值暑假期間，唔會有劈價，反而9月打後就有，例如東京大阪單程連稅HK$249（日元2,490）起，東京札幌單程連稅HK$449（日元4,490）起，東京福岡單程連稅HK$509（日元5,090）起，大阪札幌單程連稅HK$529（日元5,290）起，大阪福岡單程連稅HK$359（日元3,590）起，呢個價，同AirAsia及樂桃有得鬥喎（不過以上價錢唔包飛機餐同行李寄艙服務）！

網址：www.jetstar.com

（記得按下面「讚好」Share俾Facebook朋友）