14:32 9/12 Update：〔優惠升級〕之前教大家去PointsHound訂酒店房賺聯合或達美里數，最近收到佢嘅email，突然無啦啦升我一級（冇訂過都照升），由HK$8賺4里（Level 1）加至5里（Level 2），如果您曾經介紹過幾位朋友入會，仲會跳升到6里（Level 3），我估因為新開張想吸多啲客，話唔定遲啲又嚟So大家！除此之外，連新登記嘅迎新里數由100里增至250里，仲未係PointsHound會員嘅（免費登記），可Click呢條迎新Link入會：https://pointshound.com/bsojlw，即入會即袋250里！自己再介紹一位新會員而佢又成功入住，您再可以賺500里，介紹越多，里數越多～

PointsHound會員登記網址：https://pointshound.com/bsojlw

相信大家都有上網訂酒店經驗，一般訂房網會設有回贈優惠，例如Agoda賺積分換免費房，Hotels.com訂10晚送1晚等等。最近有一間新開嘅國際酒店訂房網叫PointsHound，首創訂酒店送飛行里數，暫時適用於聯合航空（Star Alliance）／達美航空（Sky Team）／夏威夷航空以及墨西哥航空（Sky Team），由於飛行里數可以兌換同一聯盟上其他航空公司機票，換言之透過PointsHound訂酒店您可賺取里數兌換所有Star Alliance或Sky Team成員嘅免費機票（例如Star Alliance嘅新航／國航／土耳其航空／加航／ANA／新西蘭航空／韓亞航空／泰航等等；Sky Team嘅華航／南航／東航／大韓航空／法航／荷航／俄羅斯航空等等），聽落都幾著數。

至於賺多少里數，就視乎您係邊個會員級別。最低嘅Level 1，訂第1-5間房，每US$1消費可賺取約4里（達美／聯合同分，有時是3.X，有時是4.X）；當訂第6-20間房，會升級至Level 2，每US$1消費可賺取約6里；當訂第21間以上，會再升一級至Level 3，每US$1消費即可賺取約9里。由於升級方法只計房間數量，不計消費金額，所以想儘快升呢，不妨先訂20間平價酒店房間：當然親身住就最好，但最絕嘅方法係訂20間幾蚊美金嘅超平特價房，然後唔住，錢照比佢扣，當用錢去升呢（平房可以試下喺泰國／印尼／馬來西亞一帶發掘下），又或者幫親戚朋友代訂酒店都得！等升到Level 3後先開始出盡力賺里數。就以香港飛美國咁，無論東西岸，以Star Alliance分數兌換來回經濟客位機票只需65,000里，以Level 3身份去儲，約簽HK$56,333（65,000/9 * $7.8）房價就可以換到，比起一般簽信用卡快7-9倍：就算用全港最易儲嘅DBS AE卡（HK$6賺1里），都要簽HK$360,000先換到國泰美國西岸經濟客位機票，而東岸嘅就更加要簽HK$540,000！

至於房價，Check過系統，PointsHound冇因為送里數而刻意提價，價錢同其他大型訂房網相若。如果想更準確比價，可透過http://www.hotelcombined.com，當您發現PointsHound比其他網站貴5%以上，寧願幫襯其他訂房網，否則用PointsHound賺飛行里數係最化算。

依家只要經以下Link登記，新用戶即可賺100里，介紹一位新用戶而佢又成功入住，您再可以賺500里。另外，如果您仲未係達美航空會員，仲正！依家首次登記，飛第一次達美航班即可賺5,000里，其後嗰4次每次飛亦可賺2,500里，最高可賺15,000里！只可惜Sky Team嘅航空公司小弟較少捧場，如果您搭開嘅話，建議喺PointsHound集中火力儲達美里數係最So！

PointsHound會員登記網址（新登記即賺100里，您成功入住我都可以賺500里）：https://pointshound.com/bsojlw

達美新會員登記優惠詳情：http://zt.delta.com/sddmn/ace_offers/New_Member_Curriculum/

（記得按下面「讚好」Share俾Facebook朋友）