聽早8點搶fanfares？早1小時起身啦！因為新加坡廉航酷航（Scoot）會推出更早鳥優惠：只要喺香港時間今日早上07:00 – 09:00去官網，任何由新加坡出發嘅機票（不論目的地），首5,000張經濟客位每張淨機票SGD 0.02，折合HK$0.12（此價不包行李寄艙同飛機餐）！當然稅同油附唔包啦！至於回程就冇特價，您預咗會比平時貴少少喇！其後第5,001張開始，會改為經濟客位減半價，但必須輸入Promotion Code先減到（酷航會喺早上07:00於facebook：https://www.facebook.com/flyscoot 公佈半價Code），整個活動會於同日早上09:00截止。特價機票出發日期為1/9 – 31/11。搶得酷航，首選梗係新加坡飛去澳洲悉尼／黃金海岸啦！祝各位好運！

網址：www.flyscoot.com

（覺得抵請記得按Like同Share俾朋友）

又有暑假平機票！今次係新加坡廉航Scoot。由於今晚香港時間23:00，日本AirAsia會正式公佈台北<->東京線詳情及首航優惠票價，同樣係廉航嘅Scoot當然要先發制人。由依家到今晚23:59，佢推出限時優惠，利用Promotion Code：SUPER50，所有台北出發嘅Scoot航班來回機票半價（不包括商務艙）！出發日期由1/7 – 30/9，來回連稅計，東京HK$1,836，首爾HK$1,958，自己再搭番張港航香港<->台北平機票，暑假一雞兩味連稅三千鬆少少，其實OK Good（暑假直航依家夠膽死賣五六千），當然唔急嘅，等埋今晚日本AirAsia公佈都冇壞（我直頭怕佢立即開賣添，所以今晚大家要捕實AirAsia日本官網）。

其實Scoot東京回程唔太差，中午12:10出發，返到台北14:20，建議今次先買Scoot回程，去程就買番日本AirAsia（台北去程開09:45週三／日；10:35週一／二／四／五；11:05週六），咁時間又OK，價錢又Happy；至於首爾，台北去程19:15，首爾回程23:45，返到台北零晨01:25，預咗回程先玩台北啦！

溫馨提示：由於必須輸入Promotion Code：SUPER50，系統先會減價，建議如果改地點者，要去番首頁，再輸入Promotion Code，然後先重新Search。

網址：www.flyscoot.com

（記得按下面「讚好」Share俾Facebook朋友）

淡季飛澳洲，平完可以再平！新加坡廉航酷航（Scoot）今日起至30/4，將新加坡出發來回悉尼機票打67折，出發日期為1/5至30/6，最平來回連稅SGD352.42（HK$2,220），再配隻香港<->新加坡廉航如虎航或捷星，加埋香港來回悉尼連稅亦只係HK$3,200起，比起直航平一大半，如果唔嫌悉尼天氣凍，或堅要去者，呢個價的確接近底線，值得入手。提提您：以上價錢唔包行李寄艙同飛機餐，如果有大件行李需要寄，建議買佢”FlyBag”選項，都有67折，但包埋15kg行李寄艙量（數量不限，只計總重量唔超過15kg），每程都係俾多SGD10（HK$63）左右，其實非常抵，但如果只係諗住帶Hand Carry（7kg以內），揀番”Fly”坐位就最慳。除咗悉尼，其實佢飛黃金海岸都有67折，新加坡來回連稅最平係SGD349.84（HK$2,200），同飛悉尼相若，不過供應量只集中喺5月，6月就冇平嘢，但黃金海岸唔係夏天先好去咩？請指教～

網址：http://bit.ly/ScootToAUSale（必須經呢條Link入去，系統先會識得減67折）

（記得按下面「讚好」Share俾Facebook朋友）

新航旗下嘅新廉航酷航Scoot，其新加坡來回澳洲悉尼或黃金海岸不嬲都做得好平，來回連稅港紙千鬆啲左右。之前做單程連稅SGD111起，出發時間只去到10月底，澳洲仲係春天咋！今日佢終於推出27/10至明年30/3夏天旺季平機票，雖然去程價錢升至連稅SGD 158（HK$957）起，回程就連稅SGD 191（HK$1,156）起，加埋就HK$2,113（價錢不包括行李寄艙及飛機餐），但配埋香港飛新加坡嘅廉航機票，總價連稅都仲係HK$3.8K左右，同東航淡季價差唔多 － 東航旺季一定加價啦！若然依家已決定今年年尾或明年初去澳洲玩夏日，酷航呢隻早餐盤，宜早食早著喇！

網址：www.flyscoot.com

（記得按下面「讚好」Share俾Facebook朋友）

澳洲就嚟凍凍凍，平機票就熱熱熱！搶唔到AirAsia X飛澳洲平機票？仲有Scoot（酷航）幫你！呢間今年26/6先啟航嘅全新廉航，由新加坡飛澳洲悉尼及黃金海岸，單程連稅SGD111起，來回連稅SGD 222起，折合港幣約HK$1,380（只包括座位，不設免費行李寄艙及飛機餐），只要再搭多套來回香港<->新加坡機票（國泰／新航六七月連稅你預HK$2.5-3K左右，廉航如Tiger或JetStar可以平到HK$1.5-1.8K唔包行李），加埋晒都係HK$3-4.5K，好抵啦！仲可以順道玩埋新加坡。除此之外，呢間新航旗下嘅Scoot正式宣佈兩條新航線：曼谷<->新加坡以及天津<->新加坡，都有首航特價，有興趣可以上佢官網望望。

留意位：

1. 出發日期：新加坡<->悉尼   6/6 – 31/7；新加坡<->黃金海岸  13/6 – 31/7

2. 以上價錢不包括行李寄艙及飛機餐，需額外收費。

網址：www.flyscoot.com

（記得按下面「讚好」Share俾Facebook朋友）

今年有更多新廉航投入服務，其中一家係新航屬下專走中長途線嘅Scoot，將會於今年26/6啟航，採用波音777-200客機，先開兩個航點：新加坡<->悉尼及黃金海岸，今日起率先開放網站俾大家訂購，更推出首航優惠：由26/6到27/10，揀最平嘅”Fly”（只有座位，不設免費行李寄艙及飛機餐），新加坡出發單程連稅SGD88，澳洲出發單程連稅就AUD88，加埋來回連稅HK$1,300！佢仲有另外3種Class俾你揀，一種係包埋15kg行李寄艙嘅”FlyBag”，另一種係包埋飛機餐嘅”FlyBagEat”，商務艙就係叫”ScootBiz”（呢個Class可以免費借iPad玩）。雖然HK$1,300連稅來回新加坡同澳洲非常抵（你再配多一套香港<->新加坡嘅廉航Tiger/JetStar甚至國泰/新航，成個澳洲新加坡Trip加埋晒都只係二千零三千幾），我反而會推介大家試下佢ScootBiz商務客位，新加坡<->澳洲來回連稅只係HK$4,980，假假地每程都飛7個幾鐘頭吖！值得豪一豪佢！

航班時間：

新加坡－＞悉尼：OQ2　02:10/11:40（每日）

新加坡－＞黃金海岸：OQ6　22:25/07:50（逢週一／二／三／五／六）

悉尼－＞新加坡：OQ1　13:50/19:00（每日）

黃金海岸－＞新加坡：OQ5　09:00/15:00（逢週一／二／三／五／六）

（記得按下面「讚好」Share俾Facebook朋友）

網址：www.flyscoot.com