請即Like 又飛啦！Facebook Page

近排有唔少粉絲向我哋查詢有關伊朗德黑蘭平機票，今日就同大家講吓呢個冷門航點。由於香港冇直航去德黑蘭，最近都要去到廣州坐伊朗籍嘅馬漢航空（Mahan Air），不過呢條直航線要Over HK$13K，仲要擔心佢安全質素。其實我哋Check過，中東三寶之一嘅卡塔爾航空有筍盤，由廣州經多哈轉飛德黑蘭來回淨機票約HK$4,896起（CNY3,900起），連稅約HK$6,934起（CNY5,523起），雖然上廣州車費來回大概HK$500，但加埋都唔駛HK$8K，想去嘅值得入手。出發日期由9月1日至12月31日。Check過系統，呢口價10月同11月唔難搵到，12月屬於伊朗旅遊淡季，所以聖誕節前後都有飛，18號出發，跨年後先返都得。機票有效期1個月，啱就上官網買啦。

提提您：前往伊朗嘅BNO持有人，必須到領事館辦理簽証，文件要求較多，收費約HK$900；所以建議使用特區護照入境，可於抵達後申請落地簽証（約HK$630），最長停留期7天，不過建議都係先到領事館辦理，收費HK$700，可逗留30天。不過如果護照內印有以色列嘅簽證或蓋章，入境伊朗係違法架！美國護照持有人簽証或入境都有一定困難，所以用邊本護照自己諗清楚。

雖然講到入境已經好麻煩，但呢啲神秘嘅地方，總有唔少支持者。其實伊朗有好多景點，包括伊朗國家博物館、巴列維皇宮建築群、尼雅瓦朗皇宮建築群、德黑蘭現代藝術博物館等。而且德黑蘭有地鐵，交通都算方便。其實伊朗人好親切，去當地旅遊其實無咩大問題。要留意，伊朗為黃色旅遊警示，我哋亦都唔建議女仕們獨自出發，都係人多啲，多個照應會更好！

網址：www.qatarairways.com

（記得按下面「讚好」Share俾Facebook朋友）

AXA安盛「卓越」優遊樂旅遊保，手提電話都保！立即報價+投保

「又飛啦捕票器」App，一有新Post即響機！iOS下載；Android下載

Booking.com訂房：泰國 | 日本 | 台灣 | 韓國 | 其他

AGODA訂房：泰國 | 日本 | 台灣 | 韓國 | 其他

＊由於優惠產品供應有限，最終格價或因反應熱烈而有所調整，敬請留意。