AirAsiaGo開賣韓國3大旅遊熱點酒店半價劈，包含首爾、釜山、濟州，合共54間酒店，最平未連稅計每晚HK$327起，總有您心水啦！入住日期由依家至4月30日，以下酒店值得推介：
1. 首爾：希爾豪斯酒店（Hill house Hotel）每晚HK$327起（未連稅，下同），由會賢站地鐵站1號出口行返酒店約8分鐘，至於行去明洞大概15分鐘，另外酒店已包早餐，可以食到飽飽先去Shopping戰鬥；
2. 首爾：明洞中央經濟酒店（Ekonomy Hotel Myeongdong Central）每晚HK$476起，酒店位於明洞中心區，由酒店行去乙支路-1地鐵站約8分鐘，無論咩化妝品定各式各樣嘅韓式地道美食，只要您肯行出去酒店就見到；
3. 釜山：東橫旅館（Toyoko Inn 2）每晚HK$392起，您冇睇錯，呢間係日本嘅連鎖酒店品牌，佢係韓國都有唔少分店，其中釜山呢間都唔錯，行5分鐘到中央地鐵站17號出口，行10分鐘就到南浦洞商業區，鄰近就係景點釜山塔同扎嘎其市場，仲包埋早餐，係性格比高嘅酒店；
4. 釜山：穆姆爾酒店（Residence Mumum Hotel）每晚HK$428起，行5分鐘到西面地鐵站12號出口，加上西面站係兩線交匯點，去邊都易過借火，旁邊就係樂天百貨，房間仲有洗衣機同微波爐，所以酒店獲得100%房客推薦；
5. 濟州：MJ 酒店（MJ Hotel）每晚HK$535起，酒店位於市中心，鄰近機場，仲有免費泊車，方便自駕遊環島玩啦，而保健路、神話街、美食街同新羅免税店都係酒店5-10分鐘內路程，而酒店正門對面有間地道韓燒，值得一試；
6. 濟州：卡爾酒店（Jeju KAL Hotel）每晚HK$700起，酒店為大韓航空附屬酒店，品質有保證，如果想睇櫻花，酒店對面就有500號巴士去濟洲大學睇櫻花，酒店為4星級酒店，筆直多少少可揀。
仲有其他平房，可上番佢官網望望。提提您，最後訂房日期為2月1日。
（覺得抵可用Whatsapp同LINE Share俾朋友架）
AirAsiaGo首爾、釜山、濟州酒店5折起，4月30日前入住
留言