請即Like 又飛啦！Facebook Page
依家距離農曆新年只有2個月，Check過系統，去曼谷同布吉啲機位極度緊張。唔少Facebook網友都問過幾錢，唉！齋機票都貴到成四五千港紙一張，點介紹得落手？好在我哋有新發現！只要你唔介意澳門來回，搭AirAsia去曼谷喺假期個幾日仲有較筍選擇！唔知點解，AirAsia香港飛曼谷每日只有2班機，但澳門就有4班，加上當地需求冇香港咁勁，形成仲有平飛賣。Check過系統，如果唔想請假，5日5夜玩盡農曆新年，建議星期五放工後（20/5）趕去搭18:55嗰班機，去到曼谷仲係20:55；回程年初三（25/5）搭14:45，返到澳門都只係18:20，呢個至靚組合來回連稅仲只係HK$2,714，起碼平千三蚊！分分鐘包埋酒店都抵過香港出發嘅齋機票。不過溫馨提示下你，如果真係咁樣飛法，回程由澳門返港記得提早買定船飛，事關每逢農曆新年，尤其係年初三晚，澳門船飛都炒到不亦樂乎，一票難求！
（記得按下面「讚好」Share俾Facebook朋友）
留言