請即Like 又飛啦！Facebook Page
上次我鬧爆大韓機師，今日就要讚長榮機師喇！今早喺台北桃園機場，長榮一架編號B17918嘅MD90客機，機上有152名旅客同7名機組員，喺上午9點幾由台北桃園出發前往澳門。當架機喺跑道準備滑行起飛，機長就喺儀表板發現引擎有異常燈號著咗，為安全起見立即放棄起飛。當駛番去停機坪泊位個陣，地勤人員發現機上1號引摯尾管有冒煙現象（後來查明冇起過火，只係聞到有異味，冇冒出白煙），機長立即疏散所有乘客，過程中有15位乘客係利用緊急逃生滑梯離開時輕微擦傷，送院檢查冇大礙。
長榮一向飛安紀錄良好，今次又再一次肯定！不過我就覺得有啲奇怪：點解咁多乘客逃生時受傷？MD90係細機嚟，機艙同地面距離唔高，而且當時冇起火冇冒煙，照計疏散時唔會太亂播！我估計可能大部份人當正自己玩緊公園”sir”滑梯，唔記得將雙手舉起，又或者冇除低身上一啲用品，阻礙滑行導致擦傷。現時一般機上飛行安全指導影片，都冇教人點樣用緊急逃生梯，航空公司將來不如加番呢一Part吖！
詳細新聞網址：http://udn.com/NEWS/SOCIETY/SOC2/6482330.shtml
（記得按下面「讚好」Share俾Facebook朋友）
留言