請即Like 又飛啦！Facebook Page
星期一先介紹樂桃航空大阪出發返港首航特價HK$498，誰不知一開唔駛半小時已經搶清光。至於香港出發嘅，今早樂桃航空先通知我哋會喺今日香港時間下午3:30開賣！單程連油附只需HK$698（咦！貴咗兩舊？同埋唔知回程仲有冇呢口價？），出發日期為2/7 – 11/7、21/7 – 6/8、1/9 – 27/9（好在我張飛係七月中去，如果唔係實激Q死）。講真比佢最平只差兩舊水，暑假去就梗係超抵，九月先出發就不如等埋其他航空公司稍後推出嘅淡季劈盤。我估一陣下午3:30開賣時又學上次咁，唔駛10分鐘就搶清光，食完飯下午返到公司，記得準時捕佢開倉啦！提提你，呢口價未包括兩地機場稅、交易手續費HK$42以及行李寄艙費。
（記得按下面「讚好」Share俾Facebook朋友）
留言