英國航空除咗有來回連稅HK$4,137起嘅「港歐亞」（詳情按此：http://flyagain.la/35814），倒頭玩法都可以砌到特別組合，由歐洲城市經倫敦飛香港後，再飛一轉來回吉隆坡，再從香港飛回歐洲各市，來回連稅只需HK$4,314起。而呢套機票有效期12個月，兩次飛香港後都可以長時間中停，最適合歐洲居住嘅粉絲入手。港澳朋友呢？都得！用飛行里數換一套來回香港至歐洲機票，用嚟前後包抄呢套飛（因為有效期一般係1年）。無里數喺手？唯有向俄航或其他二三線航空公司入手，因為間唔中都推出長有效期（例如1年/165日）的歐洲平飛，咁就自行砌到2套歐洲來回機票，不過唔一定有。
講番呢套飛，基本上出發地同最終目的地覆蓋英航航點，例如巴黎、阿姆斯特丹、羅馬、慕尼黑、威尼斯、巴塞隆拿、倫敦、都柏林等，舉例4月23日坐英航從歐洲各市飛香港，可中停一段時間後，轉坐馬航/國泰香港來回吉隆坡（4月30日至5月4日），7月28日從香港坐英航飛歐洲，來回連稅舉例如下：
華沙->香港 // 香港->吉隆坡 // 吉隆坡->香港 // 香港->法蘭克福 HK$4,314起
巴塞隆拿->香港 // 香港->吉隆坡 // 吉隆坡->香港 // 香港->倫敦 HK$4,346起
都柏林->香港 // 香港->吉隆坡 // 吉隆坡->香港 // 香港->法蘭克福 HK$4,364起
馬德里->香港 // 香港->吉隆坡 // 吉隆坡->香港 // 香港->巴塞隆拿 HK$4,409起
華沙->香港 // 香港->吉隆坡 // 吉隆坡->香港 // 香港->日內瓦 HK$4,464起
都柏林->香港 // 香港->吉隆坡 // 吉隆坡->香港 // 香港->倫敦 HK$4,534起
以上只屬舉例，可選的機票組合極多，大家不妨花時間上Expedia香港組合心水來回城市（用多個目的地功能Search）。如果加入都柏林、法蘭克福、倫敦、華沙、日內瓦等地會較易組合出平價。出發日期由4月4日至6月16日，機票有效期1年，所以第一程歐洲返香港可以4月出發，12月先飛歐洲亦可以（因為系統最長只可以搜尋到12月回程機票）。最後出票日期為2月2日，數量有限，上Expedia香港訂票。
相關文章：秒懂必讀！睇埋Expedia手拉手零經驗訂票教學：http://flyagain.la/31983
（覺得抵可用Whatsapp同LINE Share俾朋友架）
倒頭正玩法！英航歐洲飛香港+來回吉隆坡再返歐洲，連稅$4,314起，6月16日前出發
留言