請即Like 又飛啦！Facebook Page
華航近排成日失驚無神跌啲幾舊水飛台北Last Minute機票，我哋「又飛啦！」當然有報啦！至於暑假高峰期，觀察咗一排，似乎華航冇心再劈啦！因為佢近排力谷兩隻飛台灣平盤（叫得平盤，梗係唔係最筍但都食得落），一隻係暑假旺季0-7日機票連稅HK$2,189，如配合PayPal付款可再減HK$155，減番開淨機票HK$1,295（飛台北／高雄／台中同價），早去晚返。咁當然唔係HK$655個啲咁筍啦！但暑假算啦！以前太平啫！至於尋日推出嘅送高鐵飛優惠，連稅話就話HK$2,029起，實情只係淡季價，喺7-8月最高峰期係連稅HK$2,559（台北／高雄／台中同價），兩者相差HK$370，剛好與買一張台北落高雄單程高鐵一樣，咁即係冇著數啦！又要向華航預先申請，又要親身去香港Office拎換領券，仲要去到高鐵站換飛，咁Q煩，都係買番普通平盤算數。
（記得按下面「讚好」Share俾Facebook朋友）
留言