之前介紹過奧地利航空同瑞士航空嘅一隻歐洲超平盤，來回歐洲再送你單程飛新加坡，都係只需連稅三千頭！依家優惠延長到2017年出發，農曆新年都有，又有更多目的地揀，超正！玩法係：由香港出發坐奧地利航空經維也納轉飛蘇黎世，回程坐瑞士航空蘇黎世直航返港，再加單程國泰飛新加坡，連稅只需HK$3,080起，飛歐洲三千蚊真係超正呀，聖誕跨年、農曆新年大旺季都組合得到，真係賣大包。
今次仲有其他歐洲目的地城市添，如果唔揀蘇黎世，經蘇黎世或維也納來回日內瓦HK$3,198起、布拉格HK$3,310起、斯德哥爾摩HK$3,746起、布魯塞爾HK$3,775起、哥本哈根HK$3,919起。只有以上城市先有平，其餘航點組合出嘅價錢達四千至五千蚊，所以唔推介喇。Openjaw不同城市往返都得，不過就冇咁平，同埋限以上城市組合。舉例聖誕及跨年期出發，可揀12月22/24日出發，出年1月2日返程，1月3日飛新加坡；如果農曆新年出發，可揀2017年1月26日（年廿九）出發，2月7日從歐洲回程，2月8日飛新加坡，都係做緊同價，旺季三千蚊飛歐，實在爆抵！
至於第三程機係坐國泰、聯合航空飛新加坡，要返港後即日飛埋，如果想隔一日先飛，就加HK$120香港機場稅，咁就可以喺香港機場拎返行李同返屋企抖抖先。呢套飛只需另購新加坡返香港廉航機票，以Scoot 10月份新加坡單程飛香港約為HK$500-700（未包行李寄艙），總計大約HK$3,600起就有1次歐洲+1次新加坡之旅，抵到無朋友（Oh no！應該講快啲搵朋友一齊去先啱）！
【出發日期】9月11日至2017年3月31日（最後從歐洲回程日期為2017年4月30日）
【機票有效期】1個月
【最後訂票日期】5月31日前或售完即止
【訂購網址】www.expedia.com.hk
【預訂教學】http://flyagain.la/31983
（覺得抵可用Whatsapp同LINE Share俾朋友架）
農曆年爆平價！奧航+瑞航香港來回蘇黎世，加國泰單程飛新加坡，連稅$3,080起，2017年3月31日前出發
留言