介紹個冷門俾大家，今次小小編睇見都真係超心動！又係佢：伊朗德黑蘭，真係超抵。今次仲係好少見嘅泰航：香港經曼谷來回伊朗德黑蘭只需HK$2,022（連稅HK$3,421）起。比之前介紹過坐俄航、中國南航或者阿斯塔納航空都平，泰航質素都唔駛點擔心喇。經曼谷轉機時間都唔算長，仲有一大賣點係可以去程或回程時中停曼谷一次，做夠SPA或者按摩先走，玩埋真係抵晒。暫見平飛都算易搵，橫跨聖誕可揀12月20日去、1月3日或之後返。今次做到呢口價，有心去嘅絕對值得入手，去勇闖呢個既神秘又吸引嘅地方！
至於伊朗點解咁有吸引力，全因夠晒神秘感，啱晒有冒險精神嘅背包客，其實佢唔係想像中咁神秘咁得人驚驚，當地著名景點包括國家博物館、巴列維皇宮建築群、尼雅瓦朗皇宮建築群、德黑蘭現代藝術博物館等。而且當地有地鐵，交通都算方便，去當地旅遊其實都安全無咩大問題。如果想去又想搵伴，試吓加入「又飛啦旅人團」搵旅伴。
另外提番大家簽證，前往伊朗嘅BNO持有人，必須到領事館辦理簽証，文件要求較多，收費約HK$900；所以建議使用特區護照入境，可於抵達後申請落地簽証（約HK$630），最長停留期7天，不過由於有唔成功例子，所以建議都係先到領事館辦理，收費約HK$800，可逗留14天。不過如果護照內印有以色列嘅簽證或蓋章，入境伊朗係違法架！至於，美國護照持有人簽証或入境都有一定困難，所以用邊本護照自己諗清楚。簽證資料以領事館公布為準。查詢：2845-8002；地址：灣仔港灣道6號瑞安中心2418室。
至於想訂中停曼谷，方法好簡單，首先搵咗就咁來回德黑蘭有平嘅日子先，例如12月20日去、1月3日返，抄低呢個日子，再用多個目的地功能分三段Search，舉例輸入A. 香港-德黑蘭（12月20日），B. 德黑蘭-曼谷（12月29日） C. 曼谷-香港（1月3日），連稅HK$3,834起，訂中停曼谷要去Zuji訂平好多，Ctrip係貴好幾百，但如果就咁來回就去Ctrip訂。[曼谷往返德黑蘭逢週二、四、六、日有航班]
【出發日期】8月25日至12月21日、12月26日至12月31日
【機票有效期】1個月
【最後訂票日期】9月30日或售完即止
【訂購網址】www.ctrip.com.hk 或 www.zuji.com.hk
【預訂教學】http://flyagain.la/34618 或 http://flyagain.la/34794
（覺得抵可用Whatsapp同LINE Share俾朋友架）
超正！冷門爆平！泰航香港來回伊朗德黑蘭$2,022起，一雞兩味兼玩曼谷，12月31日前出發
留言