請即Like 又飛啦！Facebook Page
終於等到樂桃航空推秋冬劈價盤！可惜只係小劈：出發日期為9/10 – 20/12以及7/1 – 31/1（大時大節Bye Bye），最平單程HK$748（包油附，唔包稅），相比依家最平HK$888差HK$140而已（即來回慳HK$280），如果來回揀到最平HK$748，連稅大約HK$1,809起，不過唔包行李寄艙。想寄一件20kg以內行李就每程HK$160，加埋都只係HK$2,129，同印度航空接近睇齊，但前者有架妹Serve您兼準時，後者您敢坐咩？唔驚佢又Delay又罷工取消咩？總之印航幾平都假，所以近排佢推出過早盤HK$1,500我哋「又飛啦！」都費事報，以免害人。開賣日期為本週五（24/8）香港時間下午1點，嗰日食晏大家記得留喺公司叫外賣，全心捕喺電腦前搶飛啦！小弟亦會做下功課，希望買到平機票飛去大阪京都睇紅葉啦！提提您，單程HK$748唔會日日有，另一方面由28/10開始，來回時間會推遲約半小時，去程MM68 01:15/05:45，回程MM67 21:10 – 00:35+1，由於機場快線尾班車開00:48，除非佢早到+您唔駛等行李+勁跑勁趕，如無意外應該趕唔到，要搭機場巴士返屋企，住得遠者要有心理準備。
（記得按下面「讚好」Share俾Facebook朋友）
留言