請即Like 又飛啦！Facebook Page
「又飛啦！」好少介紹瑞士航空，因為佢好少減價，不過機會又嚟啦！佢將歐洲各航點機票劈劈劈，淨機票價錢由HK$3,800起（日內瓦更低至HK$3,400），連稅預七千幾起，以瑞士航空嚟講算係抵啦！出發日期30/10/2012 – 31/3/2013，有5個月有效期，機票有效期1個月，值得去佢官網望望。今次劈價目的地非常之多，基本上覆蓋主要歐洲城市，包括：阿姆斯特丹、巴塞隆拿、伯明翰、布魯塞爾、布達佩斯、柏林、哥本哈根、都伯林、杜爾塞多夫、佛羅倫斯、法蘭克福、日內瓦、漢堡、漢諾威、里斯本、倫敦（希斯路）、倫敦（城市機場）、盧森堡、馬德里、馬拉加、曼徹斯特、米蘭、慕尼黑、尼斯、紐倫堡、巴黎、布拉格、羅馬、斯德哥爾摩、斯圖加特、維也納、威尼斯、華沙、蘇黎世（打都打到手軟）。瑞士航空官網有樣好：佢會幫你用月曆形式Show晒邊啲來回日子有特價飛，唔駛您逐日逐日搵咁煩！
（記得按下面「讚好」Share俾Facebook朋友）
你好呀!!我成日都睇你地個blog, 真係好有用呀!!
經常都見到呢D飛歐洲既特價飛, 但其實我自己打算下年9月/10月飛LONDON然後PARIS返呀, 請問我應該點買會比較平呀?好似見親D特價飛都係要點到點。THANKS!!
倫敦去巴黎返，可以去卡塔爾航空望望，不過依家太早啦！明年九月？你明年七／八月先去睇就差唔多喇．
多謝你既回覆呀!!
我見卡塔爾航空大約連稅都要差唔多 $8500, 同CX直飛差唔多..請問其實係咪都係咁上下?
可以等下一次做優惠時再check，你大把時間啦～
請問知唔知呢隻機票有冇得cancel? 因為想出年3月尾出發,但假期要在12月尾才能confirm.
平機票不宜搞Cancel，如果不肯定行程，建議不買。