請即Like 又飛啦！Facebook Page
剛收到Fans私訊報料，話發現卡塔爾航空有一個大漏洞，幫您冬天春天飛歐洲平一大截！是咁的，只要去程揀選廣州出發，回程揀返香港，連稅價比香港出發分分鐘平HK$2,000以上！由於卡航冇講出嚟係點訂，就要靠您努力自己上佢官網慢慢發掘！最快嘅方法，係先搵出廣州出發去某地嘅平日子，再揀一個地方回程返香港嘅平日子，用呢一組日子透過”Multi Destination”（多航段）方式，揀廣州（CAN）出發，回程揀香港（HKG），有一半以上機會可以拼到呢張超平機票．點解可以咁抵？只要細心一睇，就會發現呢啲組合機票嘅稅及燃油附加費平極多，平時香港出發，卡塔爾稅及油附閒閒地要你HK$4K以上，但呢啲組合飛，竟然平到HK$1K左右，呢個可能就係大漏洞！至於點解會係咁？邊個目的地邊個日子有？究竟可以平到幾多錢？唔知架！自己快手上卡航官網搵啦！通常漏洞一旦被航空公司發現，隨時Bye Bye，今晚搵完先好瞓喎！
留言