請即Like 又飛啦！Facebook Page
明年冬春日本航線早餐盤，繼日航／樂桃後，ANA終於都有啦！佢一次過將東京、大阪同名古屋大晒冷，出發日期為1/1 – 1/2；15/2 – 27/3（即係農曆新年同復活節正日No Way），7日有效期，連稅約HK$2,747，1人飛都得。Check過系統，依家剛開始，好多日子都有得揀，如果仲想跨復活節去東京睇櫻花嘅，揀27/3去（早餐盤最後一日），1/4返，呢一刻仲有位！去程NH910（15:20/20:15），回程NH909（10:00/13:40），時間就差啲，但遲一日出發，機票價已升到HK$4,600（連稅HK$5,447）！雖知復活節飛東京一定貴到阿媽都唔認得，趁依家冇乜人知，搶定先啦喂～至於大阪／名古屋，可能來回時間麻麻地（大阪去程NH176 15:25/19:45；回程NH175 10:50/13:45；名古屋去程NH1242 14:10/18:45；回程NH1241 09:30/12:45），所以亦唔難搵。雖然今時今日，$1,900飛日本唔係乜嘢超筍盤（如果您唔介意Last Minute先買飛，國泰fanfares係抵啲），但今次優惠ANA可以俾你出Open-Jaw飛：即係可以揀東京入／大阪出，總之三個城市點揀來回都得，單係呢點，就值得推介啦！最後出票日期為14/12。
（記得按下面「讚好」Share俾Facebook朋友）
留言