上周五,我哋「又飛啦!」教大家免費登記做卡爾森Carlson酒店集團金卡會員,反應一樣熱烈!見大家咁Like呢類酒店著數Topic,好!今日再醒另一教學:登記Best Western酒店集團新會員,拎迎新著數之餘順手即時升呢!
雖然Best Western啲酒店只算中檔貨色(美加個啲Best Western直頭係Cheapy酒店嘅代名詞),不過近幾年佢新開嘅酒店支線:Best Western Plus 同埋 Best Western Premier,都甚有驚喜:就好似曼谷新開嗰幾間(Best Western Plus at 20 Sukhumvit/Best Western Premier Amaranth Suvarnabhumi Airport),一晚US$60-100左右,就己經有靚泳池/早餐/免費WiFi等等4星級選擇,地點仲近BTS/MRT等地點,性格比一流,所以做佢會員賺分再搏Upgrade係值得嘅!
Best Western做緊一個新會員優惠(優惠到31/12/2012止,只限亞洲區內人士,國內同胞除外):只需經以下指定Link登記,即可享有以下著數:
1. 一登記,即送2,000分;
2. 住第一晚,再送2,000分(近近地,可以住澳門嗰2間Best Western:新新酒店或格蘭酒店,賺鬼埋佢);
3. Like 埋Best Western Facebook Page,再喺佢Fans Page裡登記會員資料,即可參加每月新會員抽獎,有機會贏取10,000分(名額1位)
登記後,您會成為最低級嘅藍卡級別(之後順序係:金卡Gold Elite/白金Platinum Elite/鑽石Diamond Elite),分數係每US$1有10分(卡爾森係20分,但兩家換房所需分數相若)。不過唔駛灰心:仲記唔記得之前教大家免費登記雅高白金卡/卡爾森金卡呀?依家就大派用場啦!只要透過Best Western嘅”Status Match”服務,就可以立即跳升級別,冇住過都得!方法好簡單:只需Email去[email protected],同佢講話您已經係雅高白金/卡爾森金卡會員,並提供基本資料(最好有埋會員卡副本,冇就Screen Capture電腦版本俾佢睇),再話正打算稍後入住閣下酒店,Best Western就會幫你處理。至於升到邊級,就冇一定準則,不過應該係坐白金望鑽石個隻(如果您有埋其他酒店如SPG/Hilton等金卡以上會藉,可增加直升上鑽石級機會)。
不過講真:Best Western會藉級別分野冇其他酒店會藉大,就算去到鑽石級別,每晚Bonus Point只係比藍卡多30%而已(卡爾森就多50%),白金嘅更只係多15%,而且兩者都可以獲贈Welcome Drink或小食。至於講到Late Check Out同埋免費Upgrade,金卡以上已經有資格(不過都係睇當日房間供應),所以就算最終只係Match到金卡,都無需太介意啦!
順手一提:依家Best Western做緊Promotion,每次訂房可額外享有250分,小恩小惠,好過冇啦!
新會員指定登記網址:http://www.bwrewardsasia.com/offers/ota.php?iata=00162850
Best Western Asia Facebook:http://www.facebook.com/BestWesternAsia
會員福利介紹:http://www.bestwestern.com/rewards/benefits/levels.asp
Status Match簡介:http://www.bestwestern.com/rewards/offers/status-match.asp
(記得按下面「讚好」Share俾Facebook朋友)
AXA安盛「卓越」優遊樂旅遊保,手提電話都保!立即報價+投保 「又飛啦捕票器」App,一有新Post即響機!iOS下載;Android下載 Booking.com訂房:泰國 | 日本 | 台灣 | 韓國 | 其他 AGODA訂房:泰國 | 日本 | 台灣 | 韓國 | 其他 *由於優惠產品供應有限,最終格價或因反應熱烈而有所調整,敬請留意。
Hi, 多謝你share呢d咁有用既資訊!!
我已經用果條link成功登記左, 但係依家仲係0分, 想問係唔係要等一陣間先會有送果2000分架?
http://www.bestwestern.com/rewards/offers/ota-faq.pdf
Individuals who reside in North America who sign up as new BWR members may participate in the promotion
在 Best Western Rewards 的 http://www.bwrewardsasia.com/bwrbonus/ -> Frequently asked questions 內 -> http://www.bwrewardsasia.com/bwrbonus/ 這條 link 是 Best Western Rewards 為亞洲新會員指定登記網址;與以上提供的 — 新會員指定登記網址:http://www.bwrewardsasia.com/offers/ota.php?iata=00162850 內容是一樣的!
Best Western Rewards 回覆 有offers/ota.php?iata=00162850 是介紹人的 referral ,有點兒不同,需要查記錄,沒有問題,才會存入積分,會較久。
Yeah~~ 我Status Match升左去Diamond
其實佢d會藉有無限期嫁?
NO EXPIRY DATE !
在 Best Western Rewards 的 http://www.bwrewardsasia.com/bwrbonus/ -> Frequently asked questions 內 -> http://www.bwrewardsasia.com/bwrbonus/ 這條 link 是 Best Western Rewards 為亞洲新會員指定登記網址;與以上提供的 — 新會員指定登記網址:http://www.bwrewardsasia.com/offers/ota.php?iata=00162850 內容是一樣的!
Best Western Rewards 回覆 有offers/ota.php?iata=00162850 是介紹人的 referral ,有點兒不同,需要查記錄,沒有問題,才會存入積分,會較久。
請問是否每個會員都可以介紹朋友成為新會員,可賺取積分?
請問怎樣在佢Fans Page裡登記會員資料