請即Like 又飛啦！Facebook Page
21/11，我哋「又飛啦！」介紹過漢莎冬春飛歐洲HK$3,380（未連稅）優惠，依家一Check，好多日子冇晒，本來唔駛再睇，點知漢莎最近同萬事達卡搞推廣，咁又值得望番喎！只要去以下指定網頁登記簡單個人資料（例如姓名及電郵地址），佢就會Send優惠電郵俾您，內附指定優惠Code（相信一人一個，唔會重覆），去番漢莎官網訂飛時就可以憑Code減HK$450（溫馨提示：就算訂幾多張，都只會減HK$450，如果訂超過1張，宜逐一申請優惠Code再分開購買）。以直航法蘭克福為例，雖然平飛所剩無幾，但緊貼復活節出發嘅仲有少量！例如31/3（週日）去，10/4（週三）返，連稅本來已經低至HK6,528，用埋優惠Code，減至HK$6,078，直航喎！仲要係復活節添！值得入手！就算今次睇唔啱，拎住呢個優惠Code等漢莎下一水劈價吧！反正申請優惠Code又免費，有效期仲去到28/2，所購買嘅機票只需喺31/5前回港就得。另一方面，所有申請者都會自動參加抽獎，有機會贏取Rimowa行李箱：但網頁冇講獎品有幾多份，而且係咪一定要用過Code買漢莎機票先有資格，算啦！當Bonus算數，主菜一定係HK$450優惠！反而小弟有興趣知道：由申請Code到輸入Code，都冇問過我Master Card資料，係咪Payment時先至Check呢？抑或根本無需Master Card只要入啱優惠Code就得呢？由於小弟冇堅訂，唔知答案，煩請知道嘅Fans相告吧！
（記得按下面「讚好」Share俾Facebook朋友）
留言