請即Like 又飛啦！Facebook Page
睇新聞，依家莫斯科凍到零下三十幾度！鬼都唔敢去啦！不過夏天就唔同，天氣都有廿幾三十度，咁如果有埋張平機票，梗係去得過啦！今次就介紹一隻比較冷門嘅優惠：坐海南航空，經北京轉機飛去莫斯科（SVO），來回淨機票HK$908，連稅HK$4,106！香港去北京係坐番同集團嘅香港快運，北京來往莫斯科就坐母公司海南航空，機票有效期長達3個月，兼且來回都俾您免費停北京，都算幾抵玩，尤其係呢個價錢適用於2013全年（當然大時大節就冇），只需提早60日出票就得。以價論價，雖然國泰fanfares曾經推出過兩次莫斯科（DME）優惠，淨機票HK$1,990，連稅HK$4,453，驟眼國泰係抵啲，不過來回日期皆被限死，況且唔係期期有要撞手神，尤其係暑假旺季，歐洲機票一定好緊張，以fanfares咁Last Minute先推出嚟，好難有咁平價錢卦？小弟認為呢張機票非常適合學生哥放暑假暢遊歐洲，有成3個月有效期，玩完北京／莫斯科，再夾多張歐洲來回莫斯科（SVO）機票，玩足成個暑假都得！溫馨提示：香港去程北京，系統有時會派班香港快運夜機俾您，但要喺北京機場等16小時先轉機，不過有時會派班早機飛上北京，咁中轉時間大大縮短至3小時左右，但價錢又一樣播！買之前，記得格下日子先好決定。
（記得按下面「讚好」Share俾Facebook朋友）
留言