請即Like 又飛啦！Facebook Page
4/1，我哋「又飛啦！」同大家介紹過塞舌爾+阿提哈德航空香港飛歐洲首航優惠，淨機票HK$3,960起，連稅五千頭都有交易。不過如果倒番轉：歐洲出發，來回香港，價錢立即平一大截！例如巴黎出發，來回香港淨機票HK$2,057，連稅HK$2,709！您冇睇錯，係連稅HK$2,709！至於其他歐洲城市，暫時仲搵到法蘭克福（連稅HK$3,570起）、曼徹斯特（連稅HK$4,160起）有類似超平價機票（如果fans搵到其他航點，請留言告知）。只可惜：超平機票只限歐洲城市出發，香港出發就冇呢批價，不過都唔係完全冇用，如果：1. 有朋友住歐洲（特別係巴黎）來港；2. 香港留學生／移民客返港渡假；3. 歐洲水貨客，可以用里數換香港單程去歐洲，再食埋呢隻筍盤。點解會咁平？好簡單！因為歐洲返港需要廿幾小時，喺阿布扎比等大半日時間轉機（歐洲飛阿布扎比由阿提哈德航空執飛，阿布扎比飛香港由塞舌爾航空執飛）。講真，呢隻盤筍成咁，曾經有諗過係咪大漏洞？經反覆比較全球各地網上旅行社，發現好多都賣緊呢個價，所以推論只屬特價，唔係漏洞，放心訂啦！俾個小貼士您：香港只有逢週一、三、五先有機出發，想搵到超平價，不妨揀週一歐洲出發，週三香港返，同埋集中火力揀五至六月出發。官網冇呢個價，上香港Zuji出飛啦！
（記得按下面「讚好」Share俾Facebook朋友）
Cannot find your fare.
Try another period
Tried many dates in May/June without success. Same with flights FRA and MAN. Give me a date that works please.
CDG 6/5 HKG 15/5 連稅HK$3,293，不過啲飛真係去得好快！
Thanks for your effort. But still can’t find the fare.
本來想推介比歐洲的朋友，也試下你提意第3個方法，用里數換去程… 結果，已經無你介紹的平飛！謝謝你介紹！