請即Like 又飛啦！Facebook Page
香港飛美國東岸不嬲都好鬼貴，就算轉機，慳極連稅都起碼HK$7K（國航最近有優惠）。提起阿聯酋航空，好少會聯想起飛美國，皆因一向唔平，但最近情況有變，官網終於推出美國東岸城市機票優惠：飛紐約及華盛頓，來回連稅HK$7,540，出發日期由依家到7/2；15/2至27/3；3/4至10/6，機票有效期1個月。最大賣點當然係性價比超高：只係貴國航幾舊水，來回就可以坐A380（杜拜轉機，不過四程機中可能有一程唔係A380），長途機坐A380點都舒服啲；而且阿聯酋航空最近推出咗里數推廣，搭指定班次即可獲贈額外里數，就以香港<->紐約一次來回為例，連埋Bonus可以賺16,500里左右，非常接近免費換領一張來回香港<->曼谷機票，又或者下次飛曼谷時每程用10,000里起幫自己Upgrade一個Class（例如經濟Up上商務，商務Up上頭等）；呢隻機票可以免費中停杜拜（有啲轉機時間超過10小時，仲好！嚟個Day Trip玩杜拜已經Good Enough）。最後提提您，經TopCashBack.com入阿聯酋官網可享有1.25％回贈優惠，唔知點玩回贈？按此睇睇吧！最後出票日期為6/2。
（記得按下面「讚好」Share俾Facebook朋友）
留言