首先，恭喜今日ZUJI成功賣出接近200張高雄$10來回機票，唔知有幾多張係由「又飛啦！」Fans買咗呢？作為今次ZUJI指定合作夥伴，「又飛啦！」已全天候為大家直擊ZUJI 4個開賣時段！堪稱全港同類型網站最快最多！今日只要您手快，加上善用我哋嘅提示，唔難買到$10機票！
若然今日搶唔到，唔駛灰心！聽日仲爆呀！ZUJI正式宣佈聽日（26/2）$10機票地點：大阪！來回$10！連稅估計HK$1,000左右！嘩！飛日本喎！不過講明先：呢隻大阪機票係要轉機嘅，大家可以有一晚時間考慮喇！買唔買，自己決定，不過真係史上最平！至於4個搶購時段係乜同最緊要嘅”搶飛”攻略，一切留待聽早我哋同ZUJI於早上9:30後聯合公佈！單料咁爆，仲唔Share俾朋友？
總括今日搶飛經驗，發現有少少心得可以同大家分享：
1. ZUJI唔會一次過將所有$10機票倒入系統，佢分4個時段發放，ZUJI Facebook日日都有搶購時段嘅提示，我哋「又飛啦！」亦會全天候跟進，一有消息立即Post上嚟，所以記得Set定「又飛啦！」Facebook Page “Get Notification”功能，一有消息，無論你用桌上電腦抑或手機，馬上Alert（教學請睇：http://on.fb.me/123nSXl）！
2. 今次去大阪嘅飛每人最多可以買2張，記得準備好信用卡資料，自已及/或同行者資料（包括護照上嘅姓名，出生日期，性別），因為難得Load到入網站買到，一返轉頭就無晒架喇！到時喊都無謂！
3. 如果有小朋友同行，唔駛揀小童，揀番成人就得！
4. 建議選用+/-3日嘅機票搜尋器，比較易搵到目標，不過記住顯示嘅價錢唔會係$10，因為呢一頁所顯示嘅價錢係包含稅項同燃油附加費。就以聽日大阪為例，連稅後價錢預計約為HK$1,0XX，咁呢個價即代表$10機票喇！
5. 開賣時，如果見到$10機票但再Click落去見唔到，唔駛灰心住，可能當下已經有人搶咗，但如果佢最終選擇唔交易，系統會放番張$10機票出嚟，您可以屆時再搶過，所以只要Keep住Reload版面，直到我哋喺Facebook Page同大家講「經已沽清」先收手都未遲。
6. 請記住：話就話某個時段會開賣，但絕對唔係第一分鐘就即刻賣，而係當．中．嘅某個時間，ZUJI會突擊放飛，然後開賣20分鐘，只要您Keep住Search，又或者開啟「又飛啦！」Facebook Page “Get Notification”功能，甚至乎上嚟我哋「又飛啦！」Facebook Page打聽下各路fans匯報！搶飛？Easy Job！
7. 出發時段同航空公司名稱會於開賣時先揭曉，您必須喺限時內完成交易，正所謂：速速磅，唔好兩頭望！
搶票網址：www.zuji.com.hk
條款及細則：zuji.com
（推廣活動內之航班為指定航空公司營運，包括中國國際航空、中華航空、中國東方航空或香港航空。機票數量有限，售完即止。）
想知其他日子劈邊度，記得日日留意我哋「又飛啦！」同ZUJI聯合公佈！
（記得按下面「讚好」Share俾Facebook朋友）
留言