請即Like 又飛啦！Facebook Page
呢單猛料，一聽就醒神！AsiaMiles宣佈由依家到31/3，兌換國泰以及港龍免費機票可獲7折里數優惠，例如香港<->台北來回本來要15,000里，依家打7折10,500里就搞掂！飛日本各大城市／首爾來回本來要30,000里，依家21,000里就搞掂！同去曼谷（20,000）差唔多咋喎！講起曼谷仲Happy：原來20,000里，依家14,000里！一般亞洲區短途航線均適用，但長途就選擇性嘅，唔包括嘅地方有：芝加哥、洛杉磯、紐約、三藩市、多倫多、溫哥華、阿姆斯特丹、倫敦、莫斯科、羅馬及奧克蘭。換言之，長途可供7折兌換嘅選擇有米蘭、巴黎、法蘭克福、悉尼、墨爾本、阿德萊德、珀斯、布里斯本、約翰耐斯堡、杜拜、利雅德，可以選擇Open-Jaw（即係來回城市不同，如米蘭入，巴黎出），旅遊日期1/3 – 30/6（即係必須於30/6前完成旅程，23/3 – 8/4復活節期間不適用）。呢個優惠必須致電AsiaMiles或透過網上遞交申請表兌換機票先得，Online訂機票係唔可以享有7折優惠，留心啦！
（記得按下面「讚好」Share俾Facebook朋友）
留言