請即Like 又飛啦！Facebook Page
週六晨早溜溜，整一單超級猛料俾大家醒下神！Hotwire係美國一間著名網上訂酒店網站，佢低調推出一項限時優惠：訂購佢神秘酒店（即係佢只會講出某個地區／星級及價錢，您冇得揀，直到買完先知係邊間酒店），每間房可以減US$20（約HK$156）！最後訂房時間為今日（13/4）週六下午三點正！點解咁猛料呢？事關佢減US$20係冇最低價錢要求，如果您揀中一間神秘酒店連稅後係低過US$20，恭喜您！即係免費入住！而大家一向好Like嘅泰國，正因為有好多酒店／旅館都好鬼平，正如附圖所例：去曼谷Khao San住二星級酒店，最後埋單真係$0！如果您本身喜歡窮遊天下，特別係泰國者，就要拿拿聲上Hotwire搵下其他城市有冇類此咁筍福利喇！不過訂之前，有幾樣重要事項要留意：
1. 減US$20只限一晚，如果想訂多幾晚，就要分開訂（記得用唔同email去訂）。
2. 必須用唔同信用卡去訂，因為當佢知道您用同一張信用卡去訂超過一晚房，佢會拒絕訂購架！不過如果您有PayPal Account就方便啲，佢似乎唔識得阻止您重覆訂購。
3. 用IE瀏覽器似乎比較易搵到平酒店。
4. 建議只訂平酒店，例如US$40以下嘅，因為減價威力先明顯。
5. 至於入住日期則冇特別規定。
（記得按下面「讚好」Share俾Facebook朋友）
