請即Like 又飛啦！Facebook Page
呢單首輪猛料，相信所有「又飛啦！」Fans都期待已久！講緊嘅係日本直航平機票，ANA終於郁手！佢一口氣推出東京／大阪／名古屋2人同行機票，每人淨機票HK$2,200，連稅HK$3,071起。咁您會話：車！連稅都要三千，有幾平先？達美差唔多價啦！之但係如果有買開ANA嘅，都知佢嘅劈盤淨機票一向都企喺HK$2K咁上下（您大可以喺右邊搜尋欄中打”ANA” Search番舊文），所以今次係咁二收多HK$200，一來反映日元貶值啦（依家100日元兌7.81，抵到爆炸），二嚟佢出發日期夠長，暑假頭尾段都飛得（出發日期：1/5 – 15/5；18/5 – 27/6；30/6 – 12/7；25/8 – 18/9；21/9 – 26/9），學生哥一定勁Like。機票有效期7日，官網未有得賣住，上Priceline啦！Check過系統，暫時供應量唔少。相信對手如日航及國泰好快會跟手劈，仲有說好的香港航空呢？佢計劃7月起復飛東京線喎！
（記得按下面「讚好」Share俾Facebook朋友）
留言