請即Like 又飛啦！Facebook Page
19/3，我哋「又飛啦！」曾經同大家報料，話巴西天馬航空（TAM）出現機票漏洞：歐洲飛南美來回連稅只需HK$2,036起。點知今日佢官網又被人穿咗個大漏洞！今次係由西班牙馬德里出發飛秘魯首都利馬（巴西聖堡羅轉機，不設中停），回程飛法蘭克福或倫敦，來回連稅只係US$393.83（HK$3,072）！正常來回連稅係賣緊US$800以上（HK$6,400）。點解咁得意？因為佢稅及油附計錯數，起碼計錯US$300以上！雖然比上次貴HK$1,000，但出發日期為十月頭，回程十月至十二月尾都有，咁就唔同講法：事關十月係南美春天，上次漏洞出發日期為五至六月，係南美冬天，咁俾多HK$1,000都非常合理，況且今次係官網出錯，認數機會大啲。Check過系統，暫時以回程法蘭克福較易搵到（見到US$313就係喇！因為未連稅計），倫敦就比較困難啲，不過請大家努力試！記得揀Multi-City，去程輸入MAD（馬德里） / LIM（利馬），回程輸入 LIM（利馬）/ LHR（倫敦希斯路） or FRA（法蘭克福），就算結果唔係US$313，可以再按”See More Prices and Dates”，您就會見到US$313，一Click佢就會話您知邊啲來回日子有US$313漏洞機票賣！巴西天馬航空係Star Alliance成員，可能都有分儲！記住：千祈唔好打電話／email問航空公司，以免打草驚蛇！漏洞嘅嘢，手快有手慢冇！
（記得按下面「讚好」Share俾Facebook朋友）
留言