又有一隻低調到冇人知嘅走漏眼筍盤，就等我哋「又飛啦！」首報！是咁的，皇家約旦航空有一批小量超級劈盤擺咗入ZUJI（官網就冇），來回淨機票HK$2,450，連稅HK$5,159，連國航都唔夠佢Flight！可惜出發日期選擇唔多，而且係超級Last Minute，去程暫時只搵到1/6，4/6，6/6三日，回程就只有10/6, 12/6, 15/6，適合可以即買即飛人士（或者走水貨朋友）。至於點飛呢？皇家約旦航空要經安曼轉機（中間須停曼谷，但唔駛落機），好在係晚間飛（去程RJ183 21:35 / 11:35，回程RJ152 16:30/20:05），可以喺機上瞓覺。最後溫馨提示：唔知點解，如果去ZUJI直接Search，只會搵到HK$2,684，但如果經SkyScanner.com.hk去Search，然後入番ZUJI，您先搵到HK$2,450，平咗HK$234，係咪因為SkyScanner有回贈？唔知喇！總之跟以下Step搶飛啦！
搵筍盤步驟：
Step 1. 利用SkyScanner Search香港<->巴黎6月機票格價。自己揀來回最平選擇（加埋共HK$5,159），應該就係皇家約旦航空：http://www.skyscanner.com.hk/flights/hkg/cdg/cheap-flights-from-hong-kong-international-to-paris-charles-de-gaulle.html?oym=1306&iym=1306&rtn=1
Step 2. 見到有ZUJI字樣及HK$5,159嘅價錢（如附圖），按”Select”
Step 3. SkyScanner會幫您再Check一次，確定價錢係HK$5,159（連稅）就按”Go to Site”
Step 4. 進入ZUJI，見到皇家約旦航空淨機票HK$2,450，連稅HK$5,159（如附圖），OK就按”Select”去訂啦！
Step 5. 如果您用番ZUJI Search Engine改時間，您會發現就算點搵，最平只會Show HK$2,684（或連稅HK$5,392），唔緊要！繼續搵！當您確定好來回日子後，請由Step 1從頭開始，入番ZUJI，系統就會Show番HK$2,450架啦！咁先去訂囉～
（覺得抵請記得按Like同Share俾朋友）
留言