聽日端午節，冇得飛？唔怕！留喺香港影下相，仲有機會贏取HK$100 Starbucks現金儲值卡添！是咁的：皇家加勒比國際遊輪（Royal Caribbean）旗下以亞洲為母港的最大遊輪「海洋水手號」將會喺聽日端午節至週四（13/6）嚟香港，仲會停泊喺全新啟德郵輪碼頭添！為歡迎佢大駕光臨，皇家加勒比國際遊輪搞緊一個Facebook活動：只要拍攝到「海洋水手號」英姿（唔理您喺邊度影），並上載到佢Facebook專頁上，提供最靚靚相嘅100位參加者就會獲得Starbucks HK$100現金儲值卡乙張（參加者當然要Like埋”Royal Caribbean Hong Kong 皇家加勒比國際遊輪” Fanpage（https://www.facebook.com/RoyalCaribbeanHongKong）啦）！經小弟查問，要贏呢HK$100其實唔太難！留意以下溫馨提示：
1. 端午節當日（12/6）：「海洋水手號」將會喺晚上8pm到達啟德郵輪碼頭，屆時佢會由鯉魚門進入香港，香港東部會由7pm起見到佢入港蹤跡（包括港島嘅小西灣／藍灣半島／北角警署／鯉景灣／太古城／鰂魚涌等等，仲有九龍東部嘅藍田／麗港城／觀塘／牛頭角等等），咁您可以慢慢影，當然最簡單直接方法係8pm後等佢泊定咗後，先搵個對正啟德遊輪碼頭嘅靚位影佢啦！
2. 週四（13/6）：「海洋水手號」會大約4pm離開啟德郵輪碼頭，亦會途經鯉魚門離開香港，所以4pm打後港島及九龍東部又會再見到佢，到時見到，就狂影啦！
3. 記得喺17/6/2013 23:59前，將相片上傳到”Royal Caribbean Hong Kong 皇家加勒比國際遊輪” Fanpage上（https://www.facebook.com/RoyalCaribbeanHongKong）。皇家加勒比國際遊輪會按作品嘅質素選出優秀作品，得獎者佢哋會專人通知。
4. 吓？您呢兩日都唔得閒？咁試下搵住東區朋友幫手，叫佢順手影多幾張，咁佢又有，您又有，其他朋友又有，當然小弟都鼓勵大家親自去睇下影下，話晒新地標啟德郵輪碼頭，一啟用就有隻咁巨型嘅「海洋水手號」泊喎！大家一齊參加，獎品齊齊拎啦！
活動詳情請睇：https://www.facebook.com/RoyalCaribbeanHongKong
（覺得正請記得按Like同Share俾朋友）
留言