請即Like 又飛啦！Facebook Page
虎航剛推出一個3折機票優惠，俾我哋「又飛啦！」發現一個漏洞！是咁的：原本虎航嘅3折Promotion只限新加坡出發，回程係冇，但奇就奇在如果係聯程機票（例如香港經新加坡去另一處），第一程香港往新加坡竟然都有3折（獨立買香港往新加坡係冇）；至於回程，由另一處經新加坡返香港，第一程都一樣打埋3折。最搞笑嘅係：今次3折優惠，唔同航點有唔同出發日期，但只要其中一段有3折，另一段就算唔符合要求都自動打3折，咁就要研究下啦！經我哋測試，最抵莫過於去澳洲珀斯，新加坡去珀斯3折機票出發日期為17/10/2013 – 19/12/2013，新加坡去香港3折機票出發日期為1/7/2014 – 31/3/2014（不過Check過系統，唔係每一日每一班都有3折，需要自己發掘下），所以最平係冬天飛珀斯，春天返香港，來回連稅（包括硬食嘅手續費，包新加坡禁區轉機，不包括行李寄艙同飛機餐）只係HK$2,097起（如果揀澳門來回，仲可平多兩三舊水），分分鐘平過去台灣曼谷添呀（不過記住要分開兩個單程買，齋揀香港來回珀斯係冇呢個漏洞價嘅）！咁長有效期，好適用移民客／讀書客／Working Holiday客搶購。至於一般旅客，最正Timeslot係聖誕同新年，例如18/12去6/1返，來回連稅只係HK$2,538起，想玩埋澳洲其他城市？只需另購內陸平機票，玩盡澳洲各地機票都係三千鬆啲，連稅喎！抵成咁，唔駛諗啦下話？
（覺得抵請記得按Like同Share俾朋友）
係咪已經無左??
Yes，冇咗