請即Like 又飛啦！Facebook Page
「又飛啦！」一直堅持唔平唔報精神。前陣子，日本廉航樂桃航空曾推出過大阪來回連稅約HK$1,800推廣，我哋都力叫大家忍手（仲俾fans鬧添），話口未完，樂桃航空終於駛出終極一劈，呢次就要堅買喇：出發日期5/11 – 26/12；7/1 – 13/3（只適用於週二、三、四），暫時知道大阪單程返香港有勁劈：淨機票JPY 1,500（HK$117）起，連稅以及手續費JPY3,315（HK$259）起，至於香港去程就未有資料，今晚（18/9）香港時間23:00開賣，建議一齊上去睇，如果冇，就齋買回程先，去程可以等樂桃劈價或轉買新廉航香港快運，反正佢去程係早機，單程連稅HK$1,055，兩者合計，來回連稅亦只不過HK$1,431，時間仲好過樂桃紅眼零晨機啦！連埋其他航點（包括國內及國際線），樂桃今次全部均一價JPY 1,500，限量15,000張，應該係秒殺格局，記得今晚23:00衝入官網搶喇！以上價錢不包括行李寄艙及飛機餐。
溫馨提示：1. 用Chrome瀏覽器搶飛比較方便，因為佢有Google Translate功能，一按即把日文翻譯回中文；2. 郵政編碼打HK或其他數字都得；3. 未有護照者，可先打000000（或身份證號碼），稍後致電樂桃航空更改（3071 3564），免費嘅；4. 填英文名稱時，必須冇空格（例如您喺CHAN TAI MAN PETER，咁名就打TAIMANPETER）；5. 去程回程分開Book，總數會抵啲架～
（覺得抵請記得按Like同Share俾朋友）
留言