請即Like 又飛啦！Facebook Page
成日都介紹熱門旅遊點，今次就介紹一隻冷門筍盤：每逢入冬，俄羅斯機票都會被大劈突劈，今年亦唔例外，就好似俄航飛遠東不凍港城市海蔘威（Vladivostok）為例，今年2月我哋「又飛啦！」都曾經介紹過一隻S7筍盤，來回連稅HK$3,800左右，點知對手俄航依家仲有更平：淨機票來回HK$1,895（Euro 198），連稅亦只係HK$2,880（Euro 299.93），話晒都係5個鐘頭直航機呀！呢個價9月中到11月尾先有，其實個陣己經凍啦！但當地有唔少億年冰河與極地俾你欣賞，想睇嘅，要入手！至於航班時間，佢逢週三及六各對開一班，去程開晚上23:00，到達海蔘威06:40；回程海蔘威開20:20，到香港晚上22:00，論時間就靚仔嘅。9月中之前嘅，淨機票來回就賣HK$3,150（Euro 329），連稅HK$4,120（430.93），兩者相差HK$1,300，想平定想暖，自己諗啦！
（記得按下面「讚好」Share俾Facebook朋友）
Good