都好耐冇同大家分享下有趣航空新聞，趁週五晚咁靜焗，醒單猛料俾大家！依家航空業生意難造，想突圍，除咗減價，近日竟然有航空公司喺機上大搞噱頭活動：性感比堅尼Cat Walk Show！如此大膽創意，出自於越南新廉航VietJet Air上：在3/8一班由胡志明市飛芽莊航班上，一群參加選美佳麗在機上舉行一場火辣比堅尼Cat Walk Show，立即成為越南新聞頭條！Facebook被瘋狂轉載，結果被越南航空監管當局注意，最後竟然以：1. 活動未有事先申請 + 2. 容許乘客以手機拍片為由，向航空公司罰款越南盾20,000,000，折合HK$7,445。罰咁少錢，就換來全國甚至全球爭相報導，乜都抵番晒啦！^.^

我哋「又飛啦！」都有介紹Last Minute機票優惠，但論Last程度都冇呢隻咁勁：事關係要聽晚出發！是咁的，因為尋晚打風關係，樂桃航空取消原本來回大阪航班，為疏導旅客，樂桃將會於週六深夜（i.e. 19/3週日清晨）03:05特別加開一班客機（到達大阪07:45），為咗順道益街坊，總代理特別拎部份坐位出嚟大平賣：來回大阪連稅HK$2,073，仲送行李寄艙一件（不超過20kg）以及可自行揀位！回程就8月內任你揀一日都得。呢隻Fare必須致電總代理出票，上網係冇得訂嘅，有興趣就快手Call 3678 2068出飛啦！手快有手慢冇（多謝總代理第一時間報料通知）～～～

查詢電話：3678 2068

（記得按下面「讚好」Share俾Facebook朋友）

成日都介紹熱門旅遊點，今次就介紹一隻冷門筍盤：每逢入冬，俄羅斯機票都會被大劈突劈，今年亦唔例外，就好似俄航飛遠東不凍港城市海蔘威（Vladivostok）為例，今年2月我哋「又飛啦！」都曾經介紹過一隻S7筍盤，來回連稅HK$3,800左右，點知對手俄航依家仲有更平：淨機票來回HK$1,895（Euro 198），連稅亦只係HK$2,880（Euro 299.93），話晒都係5個鐘頭直航機呀！呢個價9月中到11月尾先有，其實個陣己經凍啦！但當地有唔少億年冰河與極地俾你欣賞，想睇嘅，要入手！至於航班時間，佢逢週三及六各對開一班，去程開晚上23:00，到達海蔘威06:40；回程海蔘威開20:20，到香港晚上22:00，論時間就靚仔嘅。9月中之前嘅，淨機票來回就賣HK$3,150（Euro 329），連稅HK$4,120（430.93），兩者相差HK$1,300，想平定想暖，自己諗啦！

網址：www.aeroflot.ru

（記得按下面「讚好」Share俾Facebook朋友）