今日大阪機票繼續群情洶湧！作為今次ZUJI指定合作夥伴，「又飛啦！」已全天候為大家直擊ZUJI 4個開賣時段，堪稱全港同類型網站最快最多！只要您眼明手快，加上善用我哋每次提供嘅「搶票教學」，希望您聽日都買到$10來回機票！
若然今日搶唔到，唔駛灰心！聽日更爆呀！ZUJI正式宣佈聽日（27/02）$10機票地點：法蘭克福！來回$10，要轉機！連稅估計三千有找！長途呀！玩完法蘭克福，有時間仲可以去埋其他歐洲城市玩，一於用盡今次優惠！至於果4個搶購時段係乜，一切留待聽早09:30我哋同ZUJI聯合公佈！記得Share俾朋友齊齊搶喇！
總括呢兩日搶飛經驗，發現有少少心得可以同大家分享：
1. ZUJI唔會一次過將所有$10機票倒入系統，佢會分4個時段發放，ZUJI Facebook日日都有搶購時段嘅提示，我哋「又飛啦！」亦會全天候跟進，一有消息立即Post上嚟，所以記得Set定「又飛啦！」Facebook Page “Get Notification”功能（教學請睇：http://on.fb.me/123nSXl），一有消息，無論你用桌上電腦抑或手機，馬上Alert！
2. 今次去法蘭克福嘅飛每人最多可以買2張，記得準備好信用卡資料，自已及/或同行者資料（包括護照上嘅姓名，出生日期，性別），因為難得Load到入網站買到，一返轉頭就無晒架喇！到時喊都無謂！
3. 同一開賣時段，應該有幾個出發時段，等大家可以有多啲機會搶到飛！
4. 建議選用+/-3日嘅機票搜尋器，比較易搵到目標，不過記住顯示嘅價錢唔會係$10，因為呢一頁所顯示嘅價錢係包含稅項同燃油附加費。就以聽日法蘭克福為例，連稅後價錢預計約為HK$2,XXX，咁呢個價即代表$10機票喇！
5. 開賣時，如果見到$10機票但再Click落去見唔到，唔駛灰心住，可能當下已經有人搶咗，但如果佢最終選擇唔交易，系統會放番張$10機票出嚟，您屆時可以再搶過，只要Keep住Reload版面，直到我哋喺Facebook Page同大家講「經已沽清」先收手都未遲。
6. 請記住：話就話某個時段會開賣，但絕對唔係第一分鐘就即刻賣，而係當．中．嘅某個時間，ZUJI會突擊放飛，然後開賣20分鐘，只要您Keep住Search，又或者開啟「又飛啦！」Facebook Page “Get Notification”功能，甚至乎上嚟我哋「又飛啦！」Facebook Page打聽下各路fans匯報，搶飛無難事，只怕有心人。
7. 出發時段同航空公司名稱會於開賣時先揭曉，您必須喺限時內完成交易，正所謂：速速磅，唔好兩頭望！
搶票網址：www.zuji.com.hk
條款及細則：zuji.com
（推廣活動內之航班為指定航空公司營運，包括中國國際航空、中華航空、中國東方航空或香港航空。機票數量有限，售完即止。）
想知其他日子劈邊度，記得日日留意我哋「又飛啦！」同ZUJI聯合公佈！
（記得按下面「讚好」Share俾Facebook朋友）
留言