請即Like 又飛啦！Facebook Page
去日本，東京大阪甚至沖繩好多人都去過，有冇諗過發掘下啲冷門地方（反正依家日Yen咁抵）？鄰近台灣嘅石垣島，以往冇國際航班（包機除外），去就要經沖繩，但連埋轉機都要六七小時。隨著石垣島機場擴建完成，終於開辦台北桃園<->石垣島定期國際航線。復興航空將於23/5起逢週日及四各對飛一班，去程為GE686（13:25/15:20），回程為GE685（16:10 /16:10，因為台灣跟日本有1小時時差）。雖然香港人對復興航空感陌生，但其實佢喺台灣規模都唔細，喺亞洲區內都有幾條國際航線（例如新加坡，曼谷，澳門，札幌等等），小弟坐過幾次，都唔錯架！依家佢推出早餐盤：出發日期為1/9 – 30/10，來回淨機票TWD5,588（HK$1,510），連稅TWD7,368（HK$1,990），由於係獨市（華航都有開辦呢條線，不過暫時包機運作），所以價錢仍屬合理。至於首航至8月暑假，連稅約HK$3.1K左右，寧願食早餐盤好過，皆因連埋香港<->台北超平機票，埋單分分鐘三千港紙，話晒叫去埋日本吖（而且又係一雞兩味玩埋台灣）！Check過系統，供應量充足。機票有效期為14日，最後出票日期為22/5。
（記得按下面「讚好」Share俾Facebook朋友）
留言