今日大家等到頸都長嘅捷星JetStar新加坡買1送1優惠（話就話JetMail登記用戶先有，不過多謝有關人士特別通知，有好嘢我哋梗係益大家啦），終於有得賣！今次佢係賣超遠期期貨，出發日期為6/1/2014 – 22/1/2014及11/2/2014 – 13/3/2014（即係農曆新年byebye），2人同行，來回連稅每人HK$748起，非常接近歷史低價（記得要揀Friend For Free先有優惠），不過計番遠期溢價同旅遊風險，呢隻飛只適宜：1. 買咗唔去冇所謂，或2. 堅要去，唔去唔得人士選購，自問係以上呢兩種人，趁依家剛剛暗地開賣，冇乜人知就去搶啦！一陣其他fans page通晒天就冇架啦！

網址：www.jetstar.com

（記得按下面「讚好」Share俾Facebook朋友）

去日本，東京大阪甚至沖繩好多人都去過，有冇諗過發掘下啲冷門地方（反正依家日Yen咁抵）？鄰近台灣嘅石垣島，以往冇國際航班（包機除外），去就要經沖繩，但連埋轉機都要六七小時。隨著石垣島機場擴建完成，終於開辦台北桃園<->石垣島定期國際航線。復興航空將於23/5起逢週日及四各對飛一班，去程為GE686（13:25/15:20），回程為GE685（16:10 /16:10，因為台灣跟日本有1小時時差）。雖然香港人對復興航空感陌生，但其實佢喺台灣規模都唔細，喺亞洲區內都有幾條國際航線（例如新加坡，曼谷，澳門，札幌等等），小弟坐過幾次，都唔錯架！依家佢推出早餐盤：出發日期為1/9 – 30/10，來回淨機票TWD5,588（HK$1,510），連稅TWD7,368（HK$1,990），由於係獨市（華航都有開辦呢條線，不過暫時包機運作），所以價錢仍屬合理。至於首航至8月暑假，連稅約HK$3.1K左右，寧願食早餐盤好過，皆因連埋香港<->台北超平機票，埋單分分鐘三千港紙，話晒叫去埋日本吖（而且又係一雞兩味玩埋台灣）！Check過系統，供應量充足。機票有效期為14日，最後出票日期為22/5。

網址：www.tna.com.tw

（記得按下面「讚好」Share俾Facebook朋友）