剛剛由關島回來，又有平機票去關島！仲要係一雞兩味添：長榮航空經台北轉機，來回淨機票HK$1,968（連稅HK$2,491）起，有兩大賣點：1. 台北<->關島段搭Hello Kitty歡樂機；2. 回程可中停台北（只需加HK$124，請用多目的地搜尋），機票有效期有17日，夠晒時間一票玩兩地。出發日期由依家至2月3日；2月15日至3月23日；3月31日至4月27日；5月2日至6月30日。Check過系統，供應量足，想試下US$120揸飛機（詳情請睇：http://flyagain.la/bldb）？又想初嘗潛水（詳情請睇：http://flyagain.la/qjyw）？把握機會啦！最後出票日期2月29日，上Expedia香港買。

提提您：雖然台北轉機時間唔耐（最快約2小時），但要留意回程關島出發係早上06:10，變相浪費一晚酒店（當地少有平酒店），想慳錢就要瞓機場。

網址：www.expedia.com.hk

相關文章：秒懂必讀！睇埋Expedia手拉手零經驗訂票教學：http://flyagain.la/31983

（覺得抵可用Whatsapp同LINE Share俾朋友架）

平遊關島兼坐Hello Kitty機！長榮來回連稅$2,491起，回程可中停台北，6月30日前出發

馬來西亞另一間低成本航空馬印航空，將於2月5日起正式開辦香港來回吉隆坡直航航線，同另一間廉航「空氣亞洲」正面交鋒！單程連稅HK$844起，來回連稅HK$1,401起（唔知點解，獨立買單程比買來回時之一程要貴），馬印航空係包30kg行李，加上設有機上個人娛樂系統，又有USB插頭叉電，雖然唔係震撼平，但性價比而言比「空氣亞洲」更So。Check過系統，呢口價除咗農曆新年外，其他大時大節都有，例如復活節，勞動節，暑假，中秋節等等都有！唔駛請假！正呀！至於之前買咗卡塔爾航空「吉歐港」朋友，亦可以考慮用嚟補票。

提提您：馬印航空之飛機餐及揀位需額外收費，詳情請睇官網。

航班時間：
OD606 HKG 1510 / 1905 KUL
OD605 KUL 1015 / 1410 HKG

網址：www.malindoair.com

新航線！大節日都有！馬印航空香港來回吉隆坡連稅$1,401起，包30kg行李

介紹過港航一隻Last Minute台北平飛後（http://flyagain.la/34524），再講吓佢另一隻臨尾劈：沖繩！來回HK$930（連稅HK$1,214）起，1人成行都得，比起對手廉航樂桃，當然唔係最平，但佢始終包埋來回行李及簡單餐飲，去到呢個價位，雖云超淡季，無水游，咪當去散下心都好，順道去Outlet睇下仲有冇激安貨尾執。Check過系統，如果只想玩幾日，最快可揀9號去12號返，都係一個Weekend Trip嚟。機票有效期7日，最後出票日期為12月16日，可上Hutchgo買。

網址：www.hutchgo.com.hk

（覺得抵可用Whatsapp同LINE Share俾朋友架）

Last Minute平飛沖繩！港航來回$930起，1月3至15日出發

1月一過咗元旦，又係大淡季時候（因為大家都等農曆新年先飛），所以港航即推1月台灣平飛，清埋啲貨尾：來回$644（連稅HK$933）起，又一次跌破HK$1,000心理大關，去程限坐HX254（12:05/13:55）及HX284（23:05/00:50），回程冇限制睇供應，有機會搭到尾班夜機HX283（20:00/22:05）。Check過系統，平飛主要集中平日出發，Weekend飛要貴HK$200左右。無計！同期賣過N次平票，供應有限屬正常。機票有效期7日，最後出票日期為12月16日，官網無此價，可上Expedia香港買（最近Expedia做緊台灣酒店5折優惠，詳情可睇埋：http://flyagain.la/34405）。

網址：www.expedia.com.hk

（覺得抵可用Whatsapp同LINE Share俾朋友架）

清貨尾！連稅跌破1千！港航來回台北$644起，1月4至15日出發

台北線經濟艙劈價連連，勢估唔到戰線去到商務艙上：香港航空率先發難，如果用埋佢週末熱價HK$100折扣Code，來回台北只需HK$1,140（HK$1,429）起，係商務唔係經濟！只係俾多幾舊水就可以坐得舒服啲（有Flat Bed俾您，雖然冇時間瞓），又可以用埋兩地貴賓室，帶埋父母去就更值得俾多少少孝順吓。出發日期為2016年1月15日至2月2日、2月11日至3月22日，3月27日至3月31日，去程限坐HX284（23:05/00:50+1），回程限坐HX285（08:00/09:55）或HX253（11:45/13:45），如果想多少少選擇，只需加HK$180去程可以揀HX254（12:05/13:55），回程可揀埋HX255（14:55-16:50）。Check過系統，供應量不俗，機票有效期7日，最後出票日期為2016年3月27日，上官網訂先有咁平。

「週末熱價」台北HK$100折扣碼：D4HDVFIO

提提你：必須先登記成為會員，登入後方可以輸入折扣碼，如同一訂單訂多於一張機票，都只會扣減HK$150，所以可選擇分開訂單訂購，但留意番機位供應。

網址：www.hongkongairlines.com

（覺得抵可用Whatsapp同LINE Share俾朋友架）

嘩！即搶！商務大劈！香港航空來回台北商務艙$1,140起，3月31日前出發

尋日卡塔爾航空起勢劈歐洲線（詳情請睇：http://flyagain.la/33953），同屬中東三寶之一嘅阿堤哈德航空立即還手，部份航點仲平過卡航，不過就無咁慷慨劈埋暑假兼真係平嘅城市唔多。出發日期由依家到2016年9月20日（新年及暑假除外），香港出發來回連稅計：威尼斯HK$3,942起、米蘭HK$3,985起、斯圖嘉特HK$4,254起、維也納HK$4,259起、愛丁堡HK$4,766起，其他都過五千，唔想推介。可以OpenJaw，例如威尼斯入米蘭走，來回連稅HK$3,985起，呢個係最平組合。Check過系統，供應量暫時充足。機票有效期1個月，最後出票日期為12月9日，官網有售。

網址：www.etihad.com

（覺得抵可用Whatsapp同LINE Share俾朋友架）

跟劈！阿堤哈德航空來回歐洲連稅$3,942起，2016年9月20日出發

年年暑假，歐洲機票都好貴，不過下年有救星啦！卡塔爾航空剛剛劈咗批明年（2016年）最旺季嘅歐洲機票，出發日期連7至8月都有！來回連稅好多都唔過HK$5,000，不加反減，無論您係學生抑或工作人士，快搶呀：出發日期為2016年7月1日至10月31日，來回連稅計：莫斯科及伊斯坦堡HK$4,549起、阿姆斯特丹HK$4,563起、米蘭HK$4,600起、斯德哥爾摩HK$4,685起、蘇黎世HK$4,700起、日內瓦HK$4,725起、巴黎HK$4,812起（法國現時仍有黃色外遊警示）、布達佩斯HK$4,854起、羅馬HK$4,857起、華沙HK$4,913起、慕尼黑HK$4,935起、柏林HK$4,939起、巴塞隆拿HK$4,985起、威尼斯HK$4,987起、馬德里HK$5,021起、法蘭克福HK$5,050起、曼徹斯特HK$5,520起、倫敦HK$5,823起，仲有其他航點等您發掘。可以OpenJaw（不同城市往返），例如阿姆斯特丹入斯德哥爾摩出，來回連稅HK$4,683起。Check過系統，7至8月供應量暫見充裕，有心下年去歐洲者，呢個價無謂等（除非又有「乜港乜」票），況且卡航有30kg行李寄艙配額，幫大家掃多啲貨。機票有效期1個月（最遲要2016年10月31日前返香港），可上官網買。

想睇下卡塔爾航空787夢幻客機試搭報告？請睇：http://flyagain.la/qr-flight-report

網址：www.qatarairways.com

（覺得抵可用Whatsapp同LINE Share俾朋友架）

嘩嘩嘩！暑假好平呀！卡塔爾航空來回歐洲連稅$4,549起，包30kg行李，2016年10月31日前出發

剛剛先搭完維珍航空去倫敦，轉個頭佢出咗隻超超超平直航盤，賣點係明年復活節都有：2人同行飛倫敦每位HK$3,653（連稅HK$5,367）起，1人去就加HK$562（連稅HK$5,929）起，以直航嚟講真係少有！仲可以坐全新787夢幻客機！Check過系統，2016年3月25日去4月5日返都有此價，完全夾到復活節加清明節長假，有心去就要快手卜！至於特級經濟客位來回連稅HK$13,031起，比英航平一半；出發日期由依家到12月31日，2016年1月11日至6月17日，其中3月打後係首次開賣，貨量較多。機票有效期14日（2人同行）或1個月（1人出發），最後出票日期為10月13日，Ctrip比官網平幾舊，梗係上Ctrip買。

想知維珍787飛倫敦係點，不妨參考我哋親身直擊：
經濟客位：http://flyagain.la/g87c
特級經濟客位：http://flyagain.la/d2lw
非凡商務客位：http://flyagain.la/d5z2

提提您：2人同行機票必須同時去同時返，任何一人不上機，另一位也不能上機，敬請留意。

網址：www.ctrip.com.hk

（覺得抵請記得按Like同Share俾朋友）

速搶！復活節都有！維珍航空2人同行來回倫敦$3,653起，2016年6月17日前出發