今次介紹嘅美國轉機組合都幾少見！先由香港坐港航飛北京，然後轉搭同系嘅海南航空飛美國芝加哥/聖荷西/西雅圖，淨機票HK$950（連稅HK$4,526）起，算係近期少見靚價。最大賣點係有效期長達3個月，探親旅遊都啱用，而且可以Openjaw（不同城市往返），不走回頭路。由北京飛芝加哥/聖荷西都係用787夢幻客機飛行，而且飛芝加哥仲可以復活節去（3月22/23/24日去、4月5日或之後返）。出發日期由1月11日至6月30日，機票有效期3個月，上Expedia香港出票。

網址：www.expedia.com.hk

相關文章：秒懂必讀！睇埋Expedia手拉手零經驗訂票教學：http://flyagain.la/31983

（覺得抵可用Whatsapp同LINE Share俾朋友架）

復活節有！港航+海航香港來回芝加哥/聖荷西/西雅圖連稅$4,526起，坐787夢幻客機，6月30日前出發

新加坡航空好耐都冇出澳洲優惠，有就要睇睇：香港經新加坡來回澳洲各地HK$2,358起，連稅計：珀斯HK$4,785起、布里斯班HK$4,891起、墨爾本HK$4,960起、悉尼HK$4,900起、阿德萊德HK$5,011起、達爾文HK$5,132起、開恩茲HK$5,359起。以上各價與上次優惠相約，唔算超平，勝在可以一雞兩味中停新加坡（需補約HK$295稅項），玩埋就抵啦！而且可以OpenJaw（不同城市往返），可選搭A380優質航班往返新加坡（去程SQ863 14:10-18:10；回程SQ860 08:25-12:25）。出發日期由2月15日至3月23日、3月29日至6月30日，Check過系統，供應量足。機票有效期為14日，最後訂票日期為3月31日，官網較貴，上Ctrip買。

提提您：想訂中停新加坡？方法好簡單，首先搵咗來回香港至澳洲有平飛的日子先（例如3月1日至3月11日，香港-珀斯），抄底呢個日子，再用Multi-city/Stopover（多個目的地/中途停留）功能搜尋，舉例輸入3月1日由香港-珀斯；3月8日珀斯-新加坡；3月11日新加坡-香港，就可以Search到，以上例子連稅HK$5,080起。

網址：www.ctrip.com.hk

相關文章：秒懂必讀！睇埋Ctrip手拉手零經驗訂票教學：http://flyagain.la/34618

（覺得抵可用Whatsapp同LINE Share俾朋友架）

一雞兩味！新加坡航空香港來回澳洲6大城市連稅$4,785起，6月30日前出發

馬來西亞另一間低成本航空馬印航空，將於2月5日起正式開辦香港來回吉隆坡直航航線，同另一間廉航「空氣亞洲」正面交鋒！單程連稅HK$844起，來回連稅HK$1,401起（唔知點解，獨立買單程比買來回時之一程要貴），馬印航空係包30kg行李，加上設有機上個人娛樂系統，又有USB插頭叉電，雖然唔係震撼平，但性價比而言比「空氣亞洲」更So。Check過系統，呢口價除咗農曆新年外，其他大時大節都有，例如復活節，勞動節，暑假，中秋節等等都有！唔駛請假！正呀！至於之前買咗卡塔爾航空「吉歐港」朋友，亦可以考慮用嚟補票。

提提您：馬印航空之飛機餐及揀位需額外收費，詳情請睇官網。

航班時間：
OD606 HKG 1510 / 1905 KUL
OD605 KUL 1015 / 1410 HKG

網址：www.malindoair.com

新航線！大節日都有！馬印航空香港來回吉隆坡連稅$1,401起，包30kg行李