相隔半年，雅高Accor又推出全球酒店住3晚俾2晚優惠，今日起會員優先訂購（無都可以免費申請）。由主打廉價嘅宜必思（Ibis），到中價嘅索菲特（Sofitel）/諾富特（Novotel）/美居（Mercure），或豪華版嘅鉑爾曼（Pullman）/美憬閣（MGallery）/美爵（Grand Mercure）等等都有，住邊款就豐儉由人喇！入住日期為3月31日至5月31日（最少住3晚），目的地方面亞太區都有唔少，包括泰國、日本、韓國、新加坡、馬來西亞等等；歐洲、澳紐覆蓋率都多，美加就冇參與。

Check過系統，部份酒店復活節都有優惠，一般日子唔太難搵（泰國潑水節都有），其中曼谷Novotel Bangkok on Siam Square每晚HK$680起（4日3夜每晚連稅計，已折，下同）；札幌Mercure Sapporp每晚HK$453起；首爾ibis Ambassador Seoul Insadong（仁寺洞）每晚HK$580起，ibis Styles Ambassador Seoul Myeongdong（明洞）每晚HK$715起；釜山ibis budget Ambassador Busan Haeundae（海雲台）每晚HK$431起；新加坡ibis Singapore Novena每晚HK$584起；吉隆坡Pullman Kuala Lumpur Bangsar每晚HK$514起。其他澳紐歐洲等地平房可上番官網發掘。提提您，Search完後見到房價旁邊有 “3 = 2” – Special offer, get an extra night! 3 nights for the price of 2! 先代表正貨。最後訂房日期為4月14日。

提提您：特價房不可退款，部份包早餐。如果您有雅高白金卡，訂MGallery、Pullman、Sofitel、Grand Mercure、Mecure、Novotel時不妨訂基本級別，入住前幾日就Send Email問酒店可否Upgrade，若然成功，咁就平上加平喇！

Le Club AccorHotels 會員免費申請網址：http://www.accorhotels.com/gb/leclub/index.shtml

網址：www.accorhotels.com

（覺得抵可用Whatsapp同LINE Share俾朋友架）

雅高Accor全球酒店住3晚俾2晚，復活節都有！5月31日前入住

英航香港來回歐洲票價一向高企，不過呢一招可能幫大家慳唔少：只要先搭國泰（或馬航，相信您都唔會搭）由吉隆坡返香港，然後隔一段日子（因為可中停香港）再搭英航飛歐洲（換言之拆開兩個Trip玩），來回淨機票HK$1,330起，連稅HK$2,718起，可謂極品抵買！至於航點，基本上覆蓋英航所有歐洲城市，熱門如巴塞隆拿（來回連稅，下同）HK$3,235起、馬德里HK$3,323起、阿姆斯特丹HK$3,337起、米蘭HK$3,393起、巴黎HK$3,408起、斯德哥爾摩HK$3,414起、羅馬HK$3,431起、奧斯陸HK$3,525起、蘇黎世HK$3,535起、布達佩斯HK$3,571起、倫敦HK$3,605起、維也納HK$3,626起、慕尼黑HK$3,722起、布魯塞爾HK$3,781起、法蘭克福HK$3,802起，但更有睇頭係一眾冷門又罕劈嘅地點，例如直布羅陀HK$3,305起、華沙HK$3,313起、薩格勒布HK$3,320起、里斯本HK$3,333起、尼斯HK$3,455起，數之不盡，仲可以坐A380兼可免費中停倫敦及Open Jaw添（最平Open Jaw就係圖中嘅倫敦入巴塞隆拿出）！大家不妨花時間組合心水來回城市。Check過系統，供應量不太多，平飛主要係6月中前出發，之後出發就冇咁平。

就算加埋香港飛吉隆坡AirAsia飛，來回埋單唔駛四千！比尋晚介紹嘅漢莎Double Open Jaw更有睇頭，事關搭英航+國泰可以將里數儲入Avio里數計劃中，以100%計一共約賺13,xxx里以上（不過留意4月28日後購買就要用新方法計里數，由以往100%大幅降至25%，幸好以出票日期計而非旅遊日期），足以換取一張來回台北機票！咁您話抵唔抵呢？機票有效期長達1年，官網冇呢口價，即刻去Expedia搶飛！

提提您：第一段吉隆坡返香港必須要飛，一旦No Show，其後行程均會被航空公司取消，敬請留意！

網址：www.expedia.com.hk

（覺得抵可用Whatsapp同LINE Share俾朋友架）

國泰吉隆坡返香港 + 英航香港來回歐洲，連稅$2,718起，坐A380再賺台北機票！6月份出發

想今個月Last Minute飛台北，呢隻可以望下，但貨量不多：長榮來回台北HK$650起，連稅HK$929起，去程指定3月19日（週四），24日（週二）及26日（週四）飛，須坐BR810（21:50 / 23:35），回程雖然有指定航班但選擇唔少，機票有效期7日。似乎得19及26日兩個選擇較可取，因為只需請週五一日假就飛到台北。如果俾HK$790，可以揀其他指定日子及班次，不過唔多著數，寧願揀番港航好過。最後出票日期為3月26日，上官網訂。

網址：www.evaair.com

（覺得抵請記得按Like同Share俾朋友）

Last Minute劈，長榮台北3月尾指定日子$650起

復活節正日飛首爾／釜山，貴到小鳳姐都唔唱好！不過如果請前請後，大韓呢隻Last Minute新盤要搶：來回淨機票HK$2,048起，連稅HK$2,455起，出發日期：首爾3月14日；17日至19日；23日至26日；29日至31日，釜山3月19日；25日至27日及31日。呢隻飛有三大賣點：1.機票有效期長達3個月，慢慢玩都得；2.可以OpenJaw；3.復活節前出發都有（例如首爾3月30日去4月6日返，首爾3月30日去釜山4月9日返）。Check過系統，釜山供應量極少，首爾就多少少，可能係貨尾卦？係就快啲去ZUJI買。

網址：www.zuji.com.hk

（覺得抵可用Whatsapp同LINE Share俾朋友架）

復活節最後機會！大韓來回首爾及釜山$2,048起，可OpenJaw，3月31日前出發

法航荷航（同公司嚟）新推出直航平貨，頗有睇頭：來回巴黎及阿姆斯特丹淨機票HK$4,150起，連稅計：阿姆斯特丹HK$4,876起，巴黎HK$5,109起，當中以阿姆最抵玩，因為就算轉機都好少平，今次直航連稅唔駛HK$5K，真係太抵了吧！出發日期由依家至5月31日、10月3日至12月31日，不過Check過系統，平飛主要集中喺10至12月秋冬時份，當中阿姆貨量較多，巴黎貨量極少（或者一程要轉機先有平）。至於轉機盤，由於佢哋啲燃油附加費出晒名貴，計落仲貴過中東三寶，咁梗係食三寶好過。官網有”顯示整個月份”選擇，較易搵到平飛組合。機票有效期1個月，最後出票日期為4月5日。

網址：www.klm.com

（覺得抵可用Whatsapp同LINE Share俾朋友架）

直航罕筍！法航飛巴黎及荷航飛阿姆斯特丹來回$4,150起，12月31日前出發

成日講日韓台，今日講啲冷門但又平嘅貨色：北歐航空（SAS）將於今年9月10日起復辦香港直航瑞典斯德哥爾摩，佢有一批轉機嘅北歐城市平飛，其中最值得推介係冰島首都雷克雅維克：來回淨機票HK$5,540起，連稅HK$6,741起，可免費中停斯德哥爾摩（補番機場稅就得），比起之前最平嘅芬蘭航空平足一兩千蚊，希望以後有競爭下價錢再跌啦！Check過系統，呢口價以10月較易搵到，11月打後都係貴HK$600，不過去程要轉多一次機，無咁方便。留意斯德哥爾摩來回雷克雅維克係坐番冰島航空（Icelandair）。如果經官網訂飛，去程點都要轉多一次機，去Expedia買啦！只需斯德哥爾摩轉一次就得，唔駛經北京／上海轉多一次。最後出票日期為3月31日。

航班時間（香港<->斯德哥爾摩）：
SK964 HKG0905 – 1435ARN 333 週二、五、日
SK964 HKG0905 – 1435ARN 343 週一及六
SK963 ARN1500 – 0720+1HKG 333 週一、四、六
SK963 ARN1500 – 0720+1HKG 343 週五、日

網址：www.expedia.com.hk

（覺得抵請記得按Like同Share俾朋友）

平睇北極光！北歐航空來回冰島雷克雅維克連稅$6,741起，可中停斯德哥爾摩，9至10月出發

澳門粉絲，暴掃呀！今日凌晨，AirAsia每月一度嘅買酒店送機票優惠又開始，不過今次只有澳門來往曼谷，香港就無份lu！價錢方面：如果訂3日2夜曼谷套票（日子冇定，只係舉例），機票 + 2星旅店 + 所有稅款埋單每人只需HK$377起，再講一次：係連機票連酒店連稅呀！真係船飛價搭飛機！當然想住番正常啲嘅酒店，埋單都係幾舊水，俾盡您住5星級W Bangkok每人埋單只係HK$1,2XX左右，太恐怖平啦！出發日期由3月12日至4月30日，Check過系統，暫時去程有$0機票仲有3月16,17,19,23,24,25,31日、4月1,13,21日，回程仲有$0嘅日子有3月17,18,19,23,24,25,26,31日、4月1,2,22,27,28,29日，雖然無復活節份，但日子選擇暫時仲算多，既然咁鬼吸引，相信好快就賣晒，行動要快！最後出票日期為3月15日（一如以往：齋買機票係冇$0，必須出套票先有）。

此外，經Expedia買套票有樣好，可以免費Stay Behind：只要喺Search Engine度揀選”我只需要在部分旅程中入住酒店”，再揀埋需要住房嘅日子就掂，其他日子您住邊都得，勁有彈性。即刻去發掘下其他筍套票啦～

網址：www.expedia.com.hk

（覺得抵可用Whatsapp同LINE Share俾朋友架）

船飛價搭飛機！澳門飛曼谷AirAsia 3日2夜套票每人連稅$377起，3至4月出發

酷航剛喺農曆新年先劈一鑊，估唔到咁快又翻劈，價錢仲比上次低！來回連稅計：新加坡HK$766起、澳洲珀斯HK$2,268起（已包去程Scoot-Thru轉機服務，酷航硬性規定，因為去程轉機時間太少）、悉尼HK$2,504起、黃金海岸HK$2,505起，比上次來回共平HK$100（新加坡）及HK$240（澳洲），回復平時劈價力度，出發日期同上次一樣由依家到5月28日，因為翻劈，貨量未必太多，要睇住喇！香港來回新加坡以及新加坡來回珀斯坐全新787夢幻客機。由於酷航係廉航，可以分開買單程，啱晒去Working Holiday／留學／探親朋友選購。以上價格不包行李寄艙同飛機餐，最後出票日期至3月7日。

提提您：
新加坡每程寄艙行李費：15kg HK$120、20kg HK$132
澳洲每程寄艙行李費：15kg HK$330、20kg HK$372
至於飛新加坡航班時間方面，早機出發，凌晨機返，一落機返工，慳返日假實行玩到盡！
去程：TZ221 07:05 – 10:50（2015年3月31日前）；07:10 – 10:50（2015年4月1日後）
回程：TZ220 01:50 – 05:40（2015年3月31日前）；01:50 – 05:40（2015年4月1日後）

網址：www.flyscoot.com

（覺得抵可用Whatsapp同LINE Share俾朋友架）

翻劈！今午12:00賣！酷航來回連稅新加坡$766、珀斯$2,268、悉尼黃金海岸$2,504起，5月28日前飛