X
呵欠呵欠！今個禮拜港航「話飛就飛」不單止航點縮水，航點本身仲幾無睇頭。來回機票計：南京/杭州HK$950起（連稅HK$1,267起）、札幌HK$4,050起（連稅HK$4,322起）。前者價錢竟然拍得住港龍？後者價錢雖然同上期一樣，淡季嚟講唔算平。出發日期由3月29日至4月15日，機票有效期7日，最後出票日期為3月20日（特價機票各有指定航班，出發日期各有不同，詳情請睇官網），真係好好好鍾意先上港航官網買。
（覺得抵可用Whatsapp同LINE Share俾朋友架）
港航Last Minute劈，來回南京/杭州$950、札幌$4,050起，今晚00:00開售
HotelClub推出台北酒店45折起優惠，仲可以用埋87折Code，抵上加抵。各間酒店入住日期各有不同（請見下文介紹），加上好快就截止訂房，啱就即刻買喇：
1. 花園大酒店（Taipei Garden Hotel）每晚HK$727起（45折起，已用Code及未連稅），鄰近西門町商圈，行去西門捷運站只要5分鐘，另外，酒店屬於5星級嘅服務水平，房間面積都比一段嘅台北酒店為大，一家4口齊齊住都夠，入住日期由依家至8月31日，最後訂房日期為3月23日；
2. 皇家季節酒店 – 南西館（Royal Seasons Hotel Taipei – Nanjing W）每晚HK$572起（住兩晚或以上45折起，已用Code及未連稅），由酒店行2分鐘就到寧夏夜市，行去中山捷運站/台北車站/高鐵站約10分鐘，入住日期由依家至8月31日，最後訂房日期為3月23日；
3. 蜂巢（Bee House – Taipei Station Branch）每晚HK$519起（平日入住6折起，已用Code及未連稅），成日推介，因為經常賣晒！位於華陰街商圈，呢度由飾品、服飾、日用品、進口零食等都有得賣，行過去台北車站/高鐵站都喺10分鐘。入住日期由3月24日至8月31日，訂房日期由3月24日至4月7日；
4. 第一大飯店（First Hotel）每晚HK$460起（已用Code及未連稅），距離捷運松江南京站約3分鐘路程，旁邊就係四平陽光商圈，買嘢超方便，如果由由桃園機場坐灰狗巴士，酒店前面就有站，方便攞住大大件行李嘅您；
5. 萊恩精品旅館（Lion Hotel）每晚HK$434起（已用Code及未連稅），行5分鐘到捷運府中站，10分鐘行到高鐵板橋站，方便玩台北或南下其他城市，另外，酒店已包早餐，夜晚仲可以試下當地人先去嘅湳雅夜市，呢口價平住都唔錯。
此此外，只要先登入HotelClub會員，訂房仲有額外會員優惠，加上每次訂房可獲最高7%回贈，俾您下次訂房扣減。咁點先可以一次過用折扣Code + 最高7%會員回贈？方法如下：
Step 1：先喺右上角輸入資料登記做會員
Step 2：會員Login後，喺主頁左下角”I have a promotion code”或”我有促銷代碼”一欄輸入折扣Code（今次係：LIVE13（13% off），折扣Code於4月3日前有效，入住日期由依家至12月31日）
Step 3：Search完後，頁頂應該見到黃底黑字：”Congratulations! You have entered a valid promotion code”或”恭喜！您輸入的promotion code代碼為有效代碼”，否則代表該地區唔用得折扣Code。此外，要留意唔係間間酒店都用到Code，要確保酒店上有”PROMO CODE ELIGIBLE”或”可使用促銷代碼”字樣先用得（一般大型連鎖酒店唔用得）
Step 4：揀心水房間 -> 登記人客資料 -> 俾信用卡資料 -> 進行交易
Step 5：成功訂購後會收到電郵確認通知，就咁拎呢個Email去Check-in啦！
網址：www.hotelclub.com/zh_hk/
（覺得抵可用Whatsapp同LINE Share俾朋友架）
HotelClub台北酒店45折起優惠，可用87折Code
長榮航空又再推出台北機票，下個月又可以去個Short Trip玩玩喇。來回台北淨機票HK$630起，連稅HK$959起，又一次連稅平過HK$1K嘅選擇喇！不過呢口價供應唔多，不過想星期五放工上機玩埋Weekend都有唔少選擇，去程限坐BR810 21:50 / 23:35，至於回程冇限制，視乎供應。出發日期由4月11日至28日、5月3日至21日、5月25至6月27日。Check過系統，呢口價供應量唔多，想去玩嘅要Check多幾個日子睇睇喇！機票有效期7日，最後出票日期3月31日，啱就上Priceline買。
（覺得抵可用Whatsapp同LINE Share俾朋友架）
長榮台北突劈破千！來回連稅$959起，6月27日前出發
相隔半年，雅高Accor又推出全球酒店住3晚俾2晚優惠，今日起會員優先訂購（無都可以免費申請）。由主打廉價嘅宜必思（Ibis），到中價嘅索菲特（Sofitel）/諾富特（Novotel）/美居（Mercure），或豪華版嘅鉑爾曼（Pullman）/美憬閣（MGallery）/美爵（Grand Mercure）等等都有，住邊款就豐儉由人喇！入住日期為3月31日至5月31日（最少住3晚），目的地方面亞太區都有唔少，包括泰國、日本、韓國、新加坡、馬來西亞等等；歐洲、澳紐覆蓋率都多，美加就冇參與。
Check過系統，部份酒店復活節都有優惠，一般日子唔太難搵（泰國潑水節都有），其中曼谷Novotel Bangkok on Siam Square每晚HK$680起（4日3夜每晚連稅計，已折，下同）；札幌Mercure Sapporp每晚HK$453起；首爾ibis Ambassador Seoul Insadong（仁寺洞）每晚HK$580起，ibis Styles Ambassador Seoul Myeongdong（明洞）每晚HK$715起；釜山ibis budget Ambassador Busan Haeundae（海雲台）每晚HK$431起；新加坡ibis Singapore Novena每晚HK$584起；吉隆坡Pullman Kuala Lumpur Bangsar每晚HK$514起。其他澳紐歐洲等地平房可上番官網發掘。提提您，Search完後見到房價旁邊有 “3 = 2” – Special offer, get an extra night! 3 nights for the price of 2! 先代表正貨。最後訂房日期為4月14日。
提提您：特價房不可退款，部份包早餐。如果您有雅高白金卡，訂MGallery、Pullman、Sofitel、Grand Mercure、Mecure、Novotel時不妨訂基本級別，入住前幾日就Send Email問酒店可否Upgrade，若然成功，咁就平上加平喇！
Le Club AccorHotels 會員免費申請網址：http://www.accorhotels.com/gb/leclub/index.shtml
（覺得抵可用Whatsapp同LINE Share俾朋友架）
雅高Accor全球酒店住3晚俾2晚，復活節都有！5月31日前入住
英航香港來回歐洲票價一向高企，不過呢一招可能幫大家慳唔少：只要先搭國泰（或馬航，相信您都唔會搭）由吉隆坡返香港，然後隔一段日子（因為可中停香港）再搭英航飛歐洲（換言之拆開兩個Trip玩），來回淨機票HK$1,330起，連稅HK$2,718起，可謂極品抵買！至於航點，基本上覆蓋英航所有歐洲城市，熱門如巴塞隆拿（來回連稅，下同）HK$3,235起、馬德里HK$3,323起、阿姆斯特丹HK$3,337起、米蘭HK$3,393起、巴黎HK$3,408起、斯德哥爾摩HK$3,414起、羅馬HK$3,431起、奧斯陸HK$3,525起、蘇黎世HK$3,535起、布達佩斯HK$3,571起、倫敦HK$3,605起、維也納HK$3,626起、慕尼黑HK$3,722起、布魯塞爾HK$3,781起、法蘭克福HK$3,802起，但更有睇頭係一眾冷門又罕劈嘅地點，例如直布羅陀HK$3,305起、華沙HK$3,313起、薩格勒布HK$3,320起、里斯本HK$3,333起、尼斯HK$3,455起，數之不盡，仲可以坐A380兼可免費中停倫敦及Open Jaw添（最平Open Jaw就係圖中嘅倫敦入巴塞隆拿出）！大家不妨花時間組合心水來回城市。Check過系統，供應量不太多，平飛主要係6月中前出發，之後出發就冇咁平。
就算加埋香港飛吉隆坡AirAsia飛，來回埋單唔駛四千！比尋晚介紹嘅漢莎Double Open Jaw更有睇頭，事關搭英航+國泰可以將里數儲入Avio里數計劃中，以100%計一共約賺13,xxx里以上（不過留意4月28日後購買就要用新方法計里數，由以往100%大幅降至25%，幸好以出票日期計而非旅遊日期），足以換取一張來回台北機票！咁您話抵唔抵呢？機票有效期長達1年，官網冇呢口價，即刻去Expedia搶飛！
提提您：第一段吉隆坡返香港必須要飛，一旦No Show，其後行程均會被航空公司取消，敬請留意！
（覺得抵可用Whatsapp同LINE Share俾朋友架）
國泰吉隆坡返香港 + 英航香港來回歐洲，連稅$2,718起，坐A380再賺台北機票！6月份出發
Expedia啱啱推出酒店大哂冷優惠！合共50個城市實有啱您心水，其中熱點包括：大阪、首爾、台北、曼谷、洛杉磯、悉尼、巴黎，部份酒店折扣高達半價，入住日期由依家至5月21日，今次推介呢啲平酒店俾大家：
1. 大阪：阪心齋橋方舟大酒店（http://flyagain.la/yftx）每晚HK$376起（未連稅，下同），位處心齋橋購物區，地點超正！本身亦喺長崛橋地鐵站上面，如果行去道頓崛食一蘭拉麵都係8分鐘，方便首選；
2. 首爾：鐘路華美達酒店（http://flyagain.la/qgba）每晚HK$703起，由機場坐6002號巴士就會到酒店，而酒店正對面就係廣藏市場，想食地道韓國小食同買平手信就最啱，行5分鐘就到鐘路五街地鐵站；
3. 台北：日安西門城市旅店（http://flyagain.la/hdcq）每晚HK$464起，酒店位於西門町市中心，行去捷運站約3分鐘，附近有好多商店同餐廳。酒店以價廉簡單為主，適合筆值唔多嘅您；
4. 曼谷：蘇閣索酒店（http://flyagain.la/uvct）每晚HK$546起，酒店行5分鐘就到Phaya Thai BTS同Airport Link，方便夜機到或早機到嘅朋友仔，行10分鐘就到Victory Monument夜市，性價比高嘅酒店；
5. 洛杉磯：貝斯特韋斯特長灘酒店（http://flyagain.la/9w02）每晚HK$702起，酒店正對面就有電車站，方便前住長灘市區，至於行去著名嘅長灘沙灘都係15分鐘，加上由Best Western酒店經營，有信心保證；
6. 悉尼：膳食酒店（http://flyagain.la/nb3c）每晚HK$801起，酒店位處大街（George Street）之上，正門就有免費巴士行駛Gorge Street，行20分鐘就到漁人碼頭食海鮮，附近仲有唔少商埸，啱哂第一次黎悉尼玩嘅您；
7. 巴黎：貝西諾富特酒店（http://flyagain.la/zu28）每晚HK$1,163起，行1分鐘就到地鐵Bercy站，經過酒店前面嘅小公園就係塞納河，同愛人漫步河邊都係唔錯選擇，至於，行去里昂火車站約10分鐘，分便遊走南法或其他歐洲城市。
其他平房可以上番Expedia搵，最後訂房日期為4月14日。
提提您：想賺「亞洲萬里通」里數，要經以下Expedia指定網址訂房（要留意右上角有「亞洲萬里通」標誌，平時就咁入www.expedia.com.hk係冇里數賺嘅），填寫旅客資料時記得輸入有效嘅「亞洲萬里通」會員號碼，完成入住後4至8週內，里數會自動存入您AsiaMiles帳戶內，每消費HK$10即可獲2里程（不足HK$10不作計算，只計淨房價，稅款不可賺取里數），每次預訂不設最低消費額，多訂多賺。
1. 登記入住人士先可獲得里數，例如朋友A比錢，朋友B入住，咁就要填朋友B Asia Miles 帳戶號碼啦！
2. 記住入住人姓名一定要同Asia Miles帳戶姓名一樣，如果不同（例如Chan Tai Man vs Peter Chan），您就唔會獲得有關里數。
（覺得抵可用Whatsapp同LINE Share俾朋友架）
Expedia大哂冷！50大城市酒店半價起，可儲「亞洲萬里通」里數，5月21日前入住
X