新航個仔：廉航酷航（Scoot）突然推出一隻限時劈，由依家到今晚香港時間9:00咋！新加坡來回珀斯及黃金海岸機票可以憑折扣Code：HI_GERI!（全部大階）以半價入手！出發日期為3/2 – 31/3，新加坡飛珀斯來回連稅SGD306.76起（約HK$1,852），飛黃金海岸來回連稅SGD346.42起（HK$2,092起）（以上不包行李寄艙及飛機餐），兩者差距咁細，梗係飛東岸嘅黃金海岸抵啲（況且珀斯遲啲都有勁多fanfares）！加埋香港<->新加坡廉航機票，三千頭埋晒單，超抵！Check過系統，供應量充足，趁未有人知，拿拿聲起手！

如果筆直鬆少少，建議買商務客艙，飛珀斯來回連稅SGD524.76起（約HK$3,170），飛黃金海岸來回連稅SGD616.42起（HK$3,723），呢個價已包埋行李寄艙20kg及飛機餐及機上娛樂，性價比其實係好過經濟客位嘅～

網址：www.flyscoot.com

（覺得抵請記得按Like同Share俾朋友）

2月打後又係南半球秋季，平機票已排隊出籠。之前搶唔到廉航酷航（Scoot）超平澳洲機票嘅，佢阿媽新航又有好嘢益您：出發日期為17/2 – 10/4；28/4 – 31/5，經新加坡轉機來回墨爾本／悉尼／布里斯班HK$1,280起，飛珀斯／阿德萊德／達爾文HK$1,490起，連稅計，墨爾本HK$4,479／悉尼HK$4,592／布里斯班HK$4,594／珀斯HK$4,693／阿德萊德HK$4,719／達爾文HK$4,749，全部唔過五千，可不同城市往返（Open Jaw），比同樣要新加坡轉機嘅酷航貴HK$1K左右，但新航係傳統航空公司，呢口價已包埋行李寄艙同飛機餐，加上可以搭A380 + 5星級影音娛樂 + 免費中停新加坡，性價比贏酷航（除非您係堅背包客，唔駛行李寄艙 + 唔介意冇嘢食，又或者係去Working Holiday）！只可惜機票有效期得14日，想留1個月就要加HK$630。唔介意涼涼地去澳洲，呢隻盤絕對諗得過！最後出票日期為31/1。

網址：www.singaporeair.com

（覺得抵請記得按Like同Share俾朋友）

又係時候為大家介紹本週（20/1 – 26/1）TopCashBack.com內各大旅遊網站回贈比率，啱用就經TopCashBack.com去卜酒店／機票啦！本週焦點當然係卡塔爾航空，因為佢做緊環球劈（今日仲宣佈延期一日即23/1先截飛，詳情請睇：http://flyagain.la/?p=11992），可配合TCB提供嘅2%現金回贈，例如HK$5,000機票可以回贈約HK$100落TCB戶口度，已經決定訂卡塔爾航空嘅fans，記得順手經TCB入卡航官網卜飛喇！記住：拎回贈係0成本架！

想知TopCashBack.com回贈網究竟係乜東東，教學請按此：http://flyagain.la/?p=5933，免費申請TopCashBack.com戶口請按此：http://bit.ly/12tfxda。每次訂酒店訂機票，記得養成順手拎回贈習慣，積少成多又飛啦！

– Accorhotels（包括ibis，Mecure，Grand Mecure，Pullman，Novotel，MGallery，All Season，Formule 1等等）：4%
– Agoda：6%
– AirFrance：1.2%
– AsiaRooms.com：5%
– Best Western：5%（包括住房及購買禮券）
– Booking.com：4%
– British Airways：酒店 + 租車5%；酒店或租車5%；機票 + 租車3%；機票 + 酒店3%；長途機票1.25%；短途機票0.5%
– CheapTickets.com：預先付款酒店（Pre-paid）7.5%（如使用優惠Code，2%回贈）；現場先付酒店US$5.5，機票US$4.5，租車US$4
– Etihad Airways：2%
– Expedia：訂Expedia特別價格（Expedia Special Rate）6%，其他酒店2%；機票US$2.25，租車2%，遊輪假期US$25
– HostelBookers.com：3%
– HotelClub.com：14%
– Hotels.com：7%
– KLM Royal Dutch Airlines：2%
– LateRooms.com：5%
– LowCostHolidays：機票US$2.5；酒店或套票4%（用折扣Code：TCB10OFF，訂房可減10%，1月內有效）
– Marriott International：3%
– Orbitz：預先付款酒店（Pre-paid）7.5%（如使用優惠Code，2%），現場先付酒店5%（如使用優惠Code，2%），機票US$3.5，租車US$4，遊輪假期3%
– Qatar Airways：2% <–本週推介
– Radisson Hotels：5%
– Rail Europe：3%
– Rakuten Travel（樂天國際版）：5%
– Swiss International Air Lines：短途US$6；長途US$9；商務客位US$12
– Venere：7%
– Virgin Atlantic Airways：3%
– Wyndham Hotels：5%

如使用上有問題，歡迎留言討論。

（覺得抵請記得按Like同Share俾朋友）

今期香港航空話飛就飛Last Minute Deal，最大亮點係北京：出發日期27/2 – 15/3，來回淨機票HK$740起，連稅HK$1,412起，來回航班冇限制，呢口價飛北京的確近期少見，唔介意凍嘅可以入手；飛杭州HK$590起，連稅HK$1,262起，平過fanfares價；福州來回HK$340起，連稅HK$1,012起。如果係紫荊會會員，首次訂即減HK$50，之後訂就改為回贈50 eCredit等將來使用（免費申請網址：http://bit.ly/XiCJvm）。機票有效期7日，最後出票日期為本週五24/1。

至於餘下嘅曼谷，依家有黑色旅遊警示，唔去係常識吧！

網址：www.hongkongairlines.com

（覺得抵請記得按Like同Share俾朋友）

廉航HK Express（香港快運）又推出限時晒冷劈，先講價錢：淨機票來回台中／昆明HK$120起，布吉／清邁／檳城HK$160起，沙巴HK$320起，大阪／東京HK$860起。來回連稅計，台中HK$559起，昆明HK$596起，布吉HK$688起，清邁HK$688起，檳城HK$674起，沙巴HK$834起，大阪HK$1,443起，東京HK$1,379起，出發日期為30/3 – 30/6。Check過系統，復活節，5.1黃金週都冇平。以上價格不包行李寄艙同飛機餐，最後出票日期為26/1。

網址：www.hkexpress.com

訂快運機票，請留意以下3點：

1. 如訂購時見到：機票預定成功，工作人員正在處理的字眼，但又冇俾過任何錢，即代表失敗，請重新訂過！

2. 如訂購成功，強烈建議先Screen Capture或影相或抄底PNR預訂編號，因為快運有時好耐都冇確認電郵寄番，呢個號碼方便您向快運追查機票狀況。

3. 如有任何問題，請第一時間致電Hotline 3902 0288，記得揀英文，好快有人接聽，揀中文十世冇人聽！

相關文章：必睇！香港快運訂票10大Q&A：http://flyagain.la/?p=9895

（覺得抵請記得按Like同Share俾朋友）

尋晚先話Agoda劈日本房，對手Expedia今日跟割！由依家到25/1（週六）推出5日日本酒店限時劈，參與酒店有38間，入住日期為21/1 – 31/3（視乎房間供應，以下價格為2人入住不連稅）。今日fanfares有大阪機票，若然已入手，不妨Book大阪心齋橋哈頓酒店HK$419起（http://flyagain.la/20n0），免費上網+ 免費取消！樓下就係美國村，勁多潮店Shopping，過條馬路就係心齋橋，呢間小弟住過，真心推介！新札幌太陽道大飯店HK$209起，嘩仲平過Agoda呀救命（http://flyagain.la/gvm6）！沖繩沖繩港酒店HK$394起（http://flyagain.la/01si），包早餐包上網！近鐵路旭橋站；東京芝公園酒店HK$744起（http://flyagain.la/6qbh），近羽田機場 + 築地市場！仲有福崗同京都選擇，記得見橙色字”限時優惠”先係正貨。

網址：www.expedia.com.hk

（覺得抵請記得按Like同Share俾朋友）

維珍航空又有靚靚英式筍盤等大家品嚐：直飛倫敦以及經倫敦轉飛愛丁堡／鴨巴甸以及曼徹斯特，2人同行每人來回淨機票HK$3,980起，1人飛就HK$4,180起，出發日期由依家到17/6。呢隻盤有3大賣點：1. 倫敦係直航；2. 機票有效期長達2個月，方便您見女皇耐啲（^.^）；3. 免費停倫敦，大可以玩完蘇格蘭再玩埋倫敦。最後出票日期為30/1。

提提您：以上為淨機票價格，未包括稅款及燃料附加費：每張倫敦機票HK$3,570起；鴨巴甸／愛丁堡／曼徹斯特HK$3,851起。此外，想買2人同行或中停倫敦嘅機票，須透過維珍航空熱線2532 6060或去各大旅行社出飛，網上訂購只限買1人成行機票。

網址：www.virginatlantic.com.hk

（覺得抵請記得按Like同Share俾朋友）

國泰港龍fanfares第65週又嚟啦！記得今早08:00開倉喎！今次推出11個城市，自由揀日子估計為10/04/2014 – 23/04/2014，指定日子估計介乎23/01/2014 – 03/02/2014。前者有機會貼近復活節出遊，後者好大機會係農曆新年，聽早早啲起身搶喇！

地點　淨機票 ｜連稅價（評語）

三亞 HK$490 | HK$1,163（平過港航）
寧波 HK$790 | HK$1,463（冇乜意見）
金邊 HK$790 | HK$1,541（新年就正）
上海(浦東) HK$790 | HK$1,463（新年唔去）
西安 HK$890 | HK$1,563（希望四月）
檳城 HK$990 | HK$1,703（新年空城）
亞庇 HK$1,090 | HK$1,803（非常抵買）
大阪 HK$1,890 | HK$2,670（復活節呀！）
約翰內斯堡 HK$1,990 | HK$4,351（新年佳選）
布里斯班 HK$2,890 | HK$5,615（四月一般）
紐約(甘迺迪) HK$3,490 | HK$5,906（應該四月）

以上只作參考用途，其他稅項及附加費或會有所變動。

國泰FanFares網址： www.cathaypacific.com

港龍FanFares網址： www.dragonair.com

「國泰港龍fanfares往績全紀錄」（by Google Doc)：http://bit.ly/Y5JkUl　<–記得Bookmark！

相關文章；官方親自Share！國泰港龍fanfares至勁搶飛攻略！http://flyagain.la/?p=7434

（覺得抵請記得按Like同Share俾朋友）