香港快運直飛札幌未有消息，想平飛北海道睇櫻花或花海，唯有靠大阪或東京轉飛喇！捷星日本（Jetstar Japan）今日推出一系列劈盤，其中以大阪或東京來回札幌頗有睇頭：東京飛札幌單程連稅¥4,190起（約HK$332），來回 x 2 = ¥8,380起（約HK$623），大阪飛札幌單程連稅¥4,490起（約HK$334），來回 x 2 = ¥8,980起（約HK$668），您亦可以自製Open Jaw（例如大阪去札幌 + 札幌返東京），無任歡迎，出發日期由8/4 – 16/7，Check過系統，供應量充足（5.2札幌開花期就貴啲），難得連7月頭都有，學生哥考完試飛去玩都得！加埋香港<->日本廉航機票，埋單分分鐘兩千幾左右就KO札幌。建議先買呢套內陸廉航機票，香港<->日本稍後再等快運或樂桃開倉先補飛。以上所有價格不包括行李寄艙及飛機餐，最後出票日期為27/1香港時間下午3點。

網址：www.jetstar.com

（覺得抵請記得按Like同Share俾朋友）

新航個仔：廉航酷航（Scoot）突然推出一隻限時劈，由依家到今晚香港時間9:00咋！新加坡來回珀斯及黃金海岸機票可以憑折扣Code：HI_GERI!（全部大階）以半價入手！出發日期為3/2 – 31/3，新加坡飛珀斯來回連稅SGD306.76起（約HK$1,852），飛黃金海岸來回連稅SGD346.42起（HK$2,092起）（以上不包行李寄艙及飛機餐），兩者差距咁細，梗係飛東岸嘅黃金海岸抵啲（況且珀斯遲啲都有勁多fanfares）！加埋香港<->新加坡廉航機票，三千頭埋晒單，超抵！Check過系統，供應量充足，趁未有人知，拿拿聲起手！

如果筆直鬆少少，建議買商務客艙，飛珀斯來回連稅SGD524.76起（約HK$3,170），飛黃金海岸來回連稅SGD616.42起（HK$3,723），呢個價已包埋行李寄艙20kg及飛機餐及機上娛樂，性價比其實係好過經濟客位嘅～

網址：www.flyscoot.com

（覺得抵請記得按Like同Share俾朋友）

2月打後又係南半球秋季，平機票已排隊出籠。之前搶唔到廉航酷航（Scoot）超平澳洲機票嘅，佢阿媽新航又有好嘢益您：出發日期為17/2 – 10/4；28/4 – 31/5，經新加坡轉機來回墨爾本／悉尼／布里斯班HK$1,280起，飛珀斯／阿德萊德／達爾文HK$1,490起，連稅計，墨爾本HK$4,479／悉尼HK$4,592／布里斯班HK$4,594／珀斯HK$4,693／阿德萊德HK$4,719／達爾文HK$4,749，全部唔過五千，可不同城市往返（Open Jaw），比同樣要新加坡轉機嘅酷航貴HK$1K左右，但新航係傳統航空公司，呢口價已包埋行李寄艙同飛機餐，加上可以搭A380 + 5星級影音娛樂 + 免費中停新加坡，性價比贏酷航（除非您係堅背包客，唔駛行李寄艙 + 唔介意冇嘢食，又或者係去Working Holiday）！只可惜機票有效期得14日，想留1個月就要加HK$630。唔介意涼涼地去澳洲，呢隻盤絕對諗得過！最後出票日期為31/1。

網址：www.singaporeair.com

（覺得抵請記得按Like同Share俾朋友）