一講非洲就諗到機票好貴？其實最平連稅三千幾蚊，就可實現踏足非洲土地的夢想：埃塞俄比亞航空香港經阿迪斯阿貝巴飛南非約翰內斯堡來回HK$1,980（連稅HK$3,536）起，呢口價飛非洲大陸比較少見，暑假都有供應，帶埋小朋友放假去睇野生動物啦！其他非洲城市都有，連稅計：嘉柏隆里HK$3,283起、塞舌爾HK$3,918起、奈羅比HK$4,720起。當中塞舌爾全年都適合玩水，陽光海灘、渡假天堂，英國皇室威廉王子同凱蒂都係曾經響樹度蜜月。而奈羅比三月份開始就可以睇動物大遷徙。呢張飛出發日期特遠，由即日起至2016年9月（官網最遠賣到明年9月），Check過系統，平飛供應量多，機票有效期為12個月，上官網訂票。

網址：www.ethiopianairlines.com

（覺得抵可用Whatsapp同LINE Share俾朋友架）

靚價到暑假！埃塞俄比亞航空來回約翰內斯堡或非洲連稅$3,283起，2016年9月前出發

新加坡距離香港唔遠，啱哂大家Weekend去個Short Trip。除咗有剛獲得TripAdvisor第三名嘅新加坡動物園之外，仲有大人小朋友最啱玩嘅新加坡環球影城同啱哂情侶去又好浪漫嘅濱海灣花園，當然唔少得一系列嘅南洋美食啦。如果可以俾您免費去新加坡玩，你最想同邊個去同做啲咩呢？依家只要參加 SingaporeInvites 有獎遊戲，即有機會免費帶埋佢地一齊去新加坡玩番轉！

遊戲方法好簡單，只要upload一張您嘅夢想新加坡體驗嘅相片，再用150字以內寫出您想邀請嘅對象（最多3個人）以及呢趟旅程對您嘅意義，經Instagram或網站上Share就有機會贏到來回機票、3晚酒店住宿同作品所提及嘅體驗等！參與遊戲次數不限，只要夠創意又夠人氣就好大機會贏到，遊戲將於12月6日截止，而獎品合共25份，得獎名單將於12月31日公佈，得獎者亦將收到電郵通知獲獎。事不宜遲，把握機會贏取呢個別具意義嘅旅程啦！

請留意網站內嘅條款同細則。

網址：www.yoursingapore.com/singaporeinvites

（覺得抵可用Whatsapp同LINE Share俾朋友架）

SingaporeInvites 幫您實現新加坡夢想旅程，即Share相片+文字贏取4日3夜行程，12月6日截止

住喺香港想睇動物真係好難，想睇大笨象同長頸鹿最近都要去深圳啦吓！不如今個冬天，遠走高飛，飛到肯亞首都奈羅比，喺國家公園同老虎Say Hello！肯亞航空最近推出優惠：香港經曼谷來回肯亞奈羅比HK$5,550（連稅HK$6,212）起，呢口價以少有優惠嘅奈羅比線都算抵玩，出發日期由即日至12月10日，Check過系統，供應量足，機票有效期為2個月，最後出票日期為11月30日。

網址：www.expedia.com.hk

（覺得抵可用Whatsapp同LINE Share俾朋友架）

親歷大自然，肯亞航空來回內羅比HK$5,550起，12月10日前出發

廉航Ryanair（瑞安航空）延續優惠：歐洲內陸航線單程連稅£9.99（約HK$118/TWD495）起，適合之前買了歐洲便宜機票的粉絲，用以接駁不同城市。航點包括：瑞典、挪威、德國、法國、愛爾蘭、蘇格蘭、比利時、瑞士、荷蘭、波蘭、意大利、丹麥等，優惠航點太多，未能盡錄，詳情可到官網看看（留意Ryanair於倫敦是使用史坦斯特機場Stansted Airport出發，而通常也會飛小型及偏遠機場，要留意交通費）。以上價格包括手提行李10kg，而寄艙行李單程每件15kg £15（約HK$178/TWD743），出發日期由11月1日至2016年2月29日（需於出發前14天完成訂票），最後出票日期為11月3日香港/台灣時間早上07:59。

部分航線票價：
曼徹斯特－都柏林，單程連稅£9.99（約HK$118/TWD495）起
曼徹斯特－布魯塞爾/奧斯陸/斯圖加特，單程連稅£14.99（約HK$178/TWD743）起
曼徹斯特－巴黎/巴塞隆拿/華沙，單程連稅£19.99（約HK$237/TWD990）起

倫敦－巴素爾/多蒙特/奧斯陸，單程連稅£9.99（約HK$118/TWD495）起
倫敦－愛丁堡/斯德哥爾摩/米蘭，單程連稅£14.99（約HK$178/TWD743）起

提提您：請預先在家列印登機證，否則現場才做會被收取手續費。

網址：www.ryanair.com

（覺得抵可用Whatsapp同LINE Share俾朋友架）

延減！歐洲廉航Ryanair歐洲內陸航線單程連稅約$118/TWD495起，2016年2月29日前出發

唔少鐘意旅行嘅朋友都喜愛探索冷門地方，古巴對好多人嚟講都係一生總要到一次嘅旅遊目的地，前往古巴一般係經加拿大轉機，但價錢長期企硬，連稅普遍貴過2萬，如果想平不如揀經莫斯科轉機：坐俄羅斯航空來回古巴夏灣那HK$9,459（連稅HK$11,586）起，雖然轉機時間比加拿大轉長啲，不過價錢平近半，仲可偷轉機時間閃遊莫斯科，抵玩指數高！最吸引係復活節假都有少量供應（舉例2016年3月25日出發，4月4日返都有，請4日假就有11日假期）。講到古巴就係去尋找鐵幕痕跡，或者列入世界文化遺產嘅哈瓦那舊城區，都係必去嘅地方，深入體會呢個神秘國度。出發日期由即日至2016年6月30日，Check過系統，平日供應充足，旺季都有少量供應。機票有效期為170日，留意優惠唔可以Stopover莫斯科，上Ctrip買。

簽證資料：持有特區護照或BNO之香港居民前往古巴需向古巴駐港領事館辦理旅遊簽證，可親自或委托他人遞交申請（簽證費用為HK$250，需遞交申請表格、相片、護照正副本、來回機票副本及酒店訂房單據副本作申請，需時約6個工作天）（資料來源：http://flyagain.la/b4h7）

網址：www.ctrip.com.hk

（覺得抵可用Whatsapp同LINE Share俾朋友架）

復活節型一次！俄羅斯航空來回古巴夏灣那$9,459起，2016年6月30日前出發

以色列對好多教徒嚟講，一生人總想朝聖一次，就算唔係信徒，或多或少對聖經故事都有一定認識，不如就計劃一吓聖地之旅，俾自己過一個更有意義嘅旅程。俄羅斯航空推出優惠，經莫斯科來回以色列特拉維夫HK$3,545（連稅HK$4,824）起。出發日期由即日至2016年6月30日，其中復活節假期都有（舉例以3月25日出發，3月31日返都有，請4日假就可以有7日嘅假期），而嚟到以色列當然要去耶穌一生中行神跡最多嘅迦百農（Capernaum）同去耶路撒冷感受耶穌最後一程悲壯嘅苦路！當然仲有已列入聯合國教科文組織世界遺產嘅耶路撒冷古城及城牆。以來回連稅平過HK$5K，真係極度罕有，值得大家入手！機票有效期為170日，Check過系統，平日供應充足，而復活節旺季都有少量供應，留意優惠唔可以Stopover莫斯科，上Ctrip買。

提提您：來往以色列嘅安檢極度嚴格，加上保安人員會問長問短，緊記留意保安要求，預留時間，以免上唔到機。

網址：www.ctrip.com.hk

（覺得抵可用Whatsapp同LINE Share俾朋友架）

復活節踏上苦路行！俄航來回以色列特拉維夫$3,545起，2016年6月30日前出發

緬甸航空12月4日啟航香港至緬甸仰光嘅直航航線，順手推出首航價：來回淨機票HK$1,860（連稅HK$2,692）起，呢口價唔算平，Fanfares周不時都做到連稅千八蚊左右，但佢勝在聖誕、農曆新年、復活節等多個大旺季都有，買到呢批先叫抵。Check過系統，供應量足，聖誕可揀12月23日去、27日返；農曆新年可揀2016年2月8日去、12日返；復活節可揀3月25日去、28日返（1日假都唔駛請）。出發日期由12月4日至2016年9月7日，到官網出票。

提提您：持特區護照前往緬甸需要辦理簽證，可經緬甸大使館網上申請，單次費用為USD50。

航班時間：
去程：UB004 13:55-15:35（逢周五）、14:50-16:30（逢周一、三、日）
回程：UB003 07:55-12:25（逢周五）、09:00-13:30（逢周一、三、日）

網址： www.flymna.com

（覺得抵可用Whatsapp同LINE Share俾朋友架）

新航線優惠！緬甸航空香港直航仰光$1,860起，2016年9月7日前出發

阿斯塔納航空？好多人未聽過，其實佢係哈薩克嘅航空公司，少有筍貨，今次真抵：香港直航來回哈薩克阿拉木圖HK$3,170（連稅HK$3,585）起，香港直航只此一家，平平地想體驗中亞風情都唔錯。不過更抵玩就係經阿拉木圖轉飛土耳其伊斯坦堡，淨機票HK$2,150（連稅HK$3,925）起，連稅四千有找，拍得住歐洲平霸俄航，更可用中停方法自制一雞兩味兼玩阿拉木圖，只需加約HK$194起（用Multiple Destinations功能Search）。

唔想加錢又想玩阿拉木圖都得，因為回程喺阿拉木圖有18小時轉機時間，您都可以入境快閃觀光（香港特區護照持有人可免簽證進入哈薩克停留14日）。至於阿斯塔納航空都有飛阿姆斯特丹、法蘭克福、倫敦等歐洲城市，但要轉兩次機，小小編就唔介紹了。出發日期由11月6日至2016年6月30日，機票有效期1個月，上官網出票。

航班時間：
香港-阿拉木圖：KC930 09:45-14:35、阿拉木圖-伊斯坦堡：KC911 17:55-20:40 (二、五)
伊斯坦堡-阿拉木圖：KC912 21:55-06:05+1、阿拉木圖-香港：KC929 00:15-08:10+1 (三、日)

網址：airastana.com

罕貨！阿斯塔納航空直航哈薩克阿拉木圖$3,170起，轉飛伊斯坦堡$2,150起，2016年6月30日前出發