除咗HK Express，佢嘅好姊妹港航今晚（10月13日）00:00都有「話飛就飛」，今期都有三個熱門東南亞航點：香港來回曼谷HK$800（連稅HK$1,122）起、峇里島HK$1,650（連稅HK$1,935）起；另外，單程飛台北HK$350（連稅HK$494）起。以上各價曼谷就最抵搶，除咗價錢吸引，仲可以揀早機出發；至於，好耐冇見嘅峇里島，想等國泰嘅Fanfares？不如「話飛就飛」啦；最後，仲有「台港歐」系列嘅朋友，單程台北就最啱買。出發日期為10月23日至11月12日，機票有效期7日，詳細航班限制同價錢可睇港航官網，最後出票日期為10月16日。

網址：www.hongkongairlines.com

（覺得抵可用Whatsapp同LINE Share俾朋友架）

港航Last Minute劈，單程台北$350、來回曼谷$800、峇里島$1,650起，10-11月指定日期出發

想去越南歎番個地道火車頭，聯合航空呢張平機票啱喇：香港來回越南胡志明市HK$918（連稅HK$1,303）起，聯合有行李架！近排對手越南航空雖然做緊全航點劈價，但都唔夠佢平，貨量又足，只可惜航班時間超差（去程21:55-23:35；返程05:55-09:25），勝在可放工上機，落機就返工，肯玩到咁癲又唔錯。幫大家Check過，今年聖誕12月23日出發、27日返都有此價，要買快手。出發日期由即日起至12月31日，機票有效期7日，10月28日前到Hutchgo HK出票。

請留意：去越南持特區護照及BNO均需申請簽證，單次旅遊費用為HK$640，可直接上灣仔道越南領事館申請，需時約1星期。想平啲？可於網上透過越南方面的旅行社代理申請簽證批准信，再憑此信件於入境越南做落地簽證，總費用約HK$413，不過申請落地簽證可能較為耗時。

網址：www.hutchgo.com.hk

（覺得抵可用Whatsapp同LINE Share俾朋友架）

聖誕有！聯合航空香港來回胡志明市$918起，12月31日前出發

印尼除咗玩峇里，其實仲有唔少選擇，搭華航來回雅加達HK$1,448（連稅HK$1,696）起、泗水HK$1,680（連稅HK$2,024）起，啱哂想去細探印尼古文化嘅您。其中小小編推介飛泗水轉火車去日惹睇世界文化遺產：普蘭巴南同景點婆羅浮屠。另外，如果呢張飛用嚟送印傭姐姐返鄉下，只要印傭喺香港機場出示有效工作證明及僱傭合約正本，可額外享有15kg免費托運行李。出發日期由依家至12月23日、12月28日至12月31日，機票有效期為1個月，最後訂飛日期為11月16日，Check過系統，供應量足，啱就上官網買。

網址：www.china-airlines.com

（覺得抵可用Whatsapp同LINE Share俾朋友架）

平印印盤！中華航空來回雅加達$1,448、泗水$1,680起，12月31日前出發

捷特航空成日都有平飛，平極都三千以上，今次推出Last Minute超平咖喱盤：香港直航來回新德里HK$1,600（連稅HK$2,399）起，比高位時期狂劈近千蚊，轉飛其他印度城市HK$2,789起，平上次幾百蚊，連稅計：海得拉巴HK$3,241起、清奈HK$3,259起、班加羅爾HK$3,267起、加爾各答HK$3,313起、齋浦爾/烏代浦HK$3,387起。呢口價係因為10月25日起轉冬季航班時間而推出，以往香港飛新德里到達時間係晚上11點，係新班表下去程為12:05-16:00，回程為02:10-09:40。但出發日期只限10月25日至11月10日，適用出發日子唔多，但勝在平飛供應足，留意番唔可以Stopover或Openjaw（不同城市往返）。機票有效期1個月，官網沒有此價，上Hutchgo HK買。

想知印度捷特航空係乜東東，可以睇番我哋嘅試搭報告（詳情請睇：http://flyagain.la/7d83），唔差架！

網址：www.hutchgo.com.hk

（覺得抵可用Whatsapp同LINE Share俾朋友架）

狂劈近千！捷特航空香港直航印度新德里$1,600、轉飛其他城市$2,789起，11月10日前出發

虎航新加坡站週四例牌閃光優惠，今次澳門粉絲留意：澳門單程飛新加坡SGD66（來回連稅約HK$1,038）起，比上期平約HK$100左右，有需要先出手。至於由新加坡出發飛東南亞航點都有促銷，最值得推薦是馬來西亞怡保，單程淨機票SGD0（連稅SGD34，約HK$186）起、胡志明市SGD5（連稅SGD39，約HK$214）起，適合已入手來回新加坡機票的粉絲，其他航點可上官網瀏覽。出發日期由10月18日至11月23日（各航點之出發日期各有不同，詳情請睇官網）。以上價格不包行李寄艙及飛機餐，最後出票日期為香港時間10月9日7:59am前，到虎航新加坡站訂票。

網址：www.tigerair.com

（覺得抵可用Whatsapp同LINE Share俾朋友架）

一天秒殺！虎航澳門來回新加坡連稅$1,038起，新加坡飛怡保/胡志明市$0起，11月23日前出發

越南航空官方網站成立7週年，推出全線航點9折優惠，部份航點頗有睇頭，連稅計：直航河內HK$1,634起、胡志明市HK$1,775起，經越南轉機：金邊HK$1,828起、峴港HK$1,882起、莫斯科HK$4,009起、墨爾本HK$4,484起、悉尼HK$4,564起、倫敦HK$4,832起，呢口價以4條歐洲及澳洲航線唔駛HK$5K最吸引，至於越南兩大直航航線唔夠之前平，唔急可等，仲有其他航點可上官網睇睇。出發日期由即日至12月14日、2016年1月11日至1月22日、2月21日至3月31日，Check過系統，供應量足，機票有效期1個月，最後出票日期為10月9日。

請留意：越南轉機不入境不需簽證，要入境的話，不論持特區護照及BNO均需申請簽證，單次旅遊費用為HK$640，可直接上灣仔道越南領事館申請，需時約1星期。想平啲？多謝「又飛啦旅人團」粉絲報料，於網上透過越南方面的旅行社代理申請簽證批准信，再憑此信件於入境越南做落地簽證，總費用約HK$413，不過要留意落地簽證可能較為耗時。

網址：www.vietnamairlines.com

（覺得抵可用Whatsapp同LINE Share俾朋友架）

限賣3日！越南航空全線9折優惠，連稅越南$1,634起、澳洲$4,484起、倫敦$4,832起，2016年3月31日前出發

皇家汶萊航空無論機隊抑或服務均極有水準，同區內新加坡航空有得Flight！近日就推出經汶萊首都斯里巴加灣轉機早餐優惠，來回連稅計：沙巴HK$2,047起、峇里HK$2,502起、杜拜HK$3,609起、墨爾本HK$3,966起。呢口價首推澳洲夏天旺季都跌破4K嘅墨爾本線！另外仲有兩大賣點：1. 由斯里巴加灣飛墨爾本及杜拜用全新波音787夢幻客機、2. 可以一雞兩味，Stopover玩埋汶萊。Check過系統，供應量足，機票有效期為30日，最後出票日期為11月30日，上官網買飛。

出發日期：
沙巴及峇里：2016年1月4日至2月3日、2月13日至3月22日、3月28日至5月31日；
杜拜：2016年2月22日至3月31日
墨爾本：2016年1月11日至3月22日、4月18日至5月27日。

網址：www.bruneiair.com

（覺得抵可用Whatsapp同LINE Share俾朋友架）

一雞兩味！皇家汶萊航空搭787來回杜拜$3,609、墨爾本$3,966起，2016年5月31日前出發

馬可孛羅會將於2016年4月15日起改制，除咗入會年齡由18歲調低至12歲外，仲用全新嘅積分計算，由依家以會籍里數及會籍航段計算嘅方式，改為會籍積分方式計算，而會籍積分將會根據客艙級別、Class Code以及飛行距離來計算。連以往唔會獲取任何會籍級別嘅Class Code（S, N, Q），都可以累積會籍積分。

以幾個熱門城市為例（Class Code）：

台北（超短途1-750里數）：5分（經濟艙S、N、Q、M、L、V）；10分（經濟艙Y、B、H、K及特選經濟艙E、W、R）；15分（商務客位J、C、D、I）；20分（頭等艙F、A）

新加坡、首爾、東京（短途751-2,750里數）：5分（經濟艙S、N、Q）；10分（經濟艙M、L、V）；15分（經濟艙Y、B、H、K及特選經濟艙E、W、R）；25分（商務客位D、I）；30分（商務客位J、C）；25分（頭等艙F、A）

開恩茲、杜拜（中途2,751-3,700里數）：5分（經濟艙S、N、Q）；20分（經濟艙M、L、V）；25分（經濟艙Y、B、H、K及特選經濟艙E）；30分（特選經濟艙W、R）；50分（商務客位D、I）；60分（商務客位J、C）；70分（頭等艙F、A）

悉尼（中長途3,751-5,000里數）：10分（經濟艙S、N、Q）；30分（經濟艙M、L、V）；35分（經濟艙Y、B、H、K及特選經濟艙E）；45分（特選經濟艙W、R）；70分（商務客位D、I）；85分（商務客位J、C）；100分（頭等艙F、A）

溫哥華、巴黎、米蘭、倫敦（長途5,001-7,500里數）：10分（經濟艙S、N、Q）；35分（經濟艙M、L、V）；45分（經濟艙Y、B、H、K及特選經濟艙E）；55分（特選經濟艙W、R）；90分（商務客位D、I）；105分（商務客位J、C）；125分（頭等艙F、A）

紐約、芝加哥、多倫多（超長途7,501或以上里數）：10分（經濟艙S、N、Q）；40分（經濟艙M、L、V）；50分（經濟艙Y、B、H、K及特選經濟艙E）；60分（特選經濟艙W、R）；100分（商務客位D、I）；120分（商務客位J、C）；140分（頭等艙F、A）

而廣受歡迎嘅會籍禮遇將會繼續保留，例如：優先登機及優先預辦登機手續及銀卡或以上級別之會員可無限次使用機場貴賓室等。喺變更後會員及其貴賓均有機會賺取額外的機場貴賓室使用券：綠卡（累積達200 積分可賺取一張商務機場貴賓室使用券供會員或其同行貴賓使用）、銀卡（累積達450積分可賺取兩張商務機場貴賓室使用券供同行貴賓使用）、金卡（累積達800積分可賺取兩張商務機場貴賓室使用券供同行貴賓或「兌換名單」成員使用）、鑽石卡（累積達1,400積分可賺取兩張頭等機場貴賓室使用券供同行貴賓或「兌換名單」成員使用）。

當然仲有其他禮遇，可瀏覽返佢哋嘅介紹。聽落個禮遇好似正咗，但要留意呀！入門級別嘅綠卡1年入會費就由現時嘅USD50大大提升至USD100，如果想keep住張綠卡就要有100分，想upgrade上銀卡要300分、金卡600分或鑽石卡1,200分。大家計一計就知難咗好多先可以upgrade喇（但如果您坐商務艙或頭等艙則較為容易）。如果唔想比貴咗一倍嘅入會費就要喺2016年4月14日前申請呀 ^^

最後補充少少，現時嘅馬可孛羅會會員，所有現時嘅賬戶結餘將會於新制後轉換至會籍積分，可以用官網嘅積分計算器參考吓；而「亞洲萬里通」會籍將不會受馬可孛羅會的更新影響。

網址：www.cathaypacific.com

（覺得抵可用Whatsapp同LINE Share俾朋友架）

 

馬可孛羅會轉新制！會籍禮遇多咗？綠卡會籍年費提升至USD100，再計計續會您就知…