嚟自印度又叫9W嘅捷特航空又有歐洲線優惠：香港經孟買或新德里來回歐洲HK$1,179起，連稅計：布魯塞爾HK$5,213起 、巴黎HK$5,225起、倫敦HK$6,336起，飛布魯塞爾比上期都減唔少，巴黎個價都OK，飛倫敦就預咗貴。相比起俄航現時做緊的優惠或者日港歐台日，顯得呢張飛吸引力真係唔高。勝在可中停印度一次（要補機場稅及留意入境需簽證，用多個目的地功能Search），如果玩埋就揀佢啦。要留意呢張飛唔可以OpenJaw，但您都可用廉航、火車或巴士轉到鄰近城市。出發日期由即日起至2016年3月31日，Check過系統，供應量足，大假期未見有平，機票有效期1個月，最後出票日期10月8日，官網較貴，上Ctrip買。

網址：www.ctrip.com.hk

（覺得抵可用Whatsapp同LINE Share俾朋友架）

一雞兩味！捷特航空飛布魯塞爾/巴黎/倫敦來回連稅$5,213起，2016年3月31日前出發

好耐冇同大家發掘南非平機票，埃塞俄比亞航空有筍貨：香港經阿迪斯阿貝巴飛南非約翰內斯堡來回HK$2,005（連稅HK$3,727）起，呢口價飛非洲大陸比較少見，而且依幾個月正係當地春季，氣候怡人，幾適宜去南非。出發日期由即日起至2016年3月31日，Check過系統，平飛供應量多，聖誕節（12月24/25日）出發或出年復活節都有此價。機票有效期為3個月，最後出票日期為9月30日，上Ctrip訂票。

網址：www.ctrip.com.hk

（覺得抵可用Whatsapp同LINE Share俾朋友架）

冷門罕平！埃塞俄比亞航空香港飛約翰內斯堡連稅$3,727起，2016年3月31日前出發

飛胡志明市，大家一向睇漏聯合航空：香港來回越南胡志明市淨機票HK$919（連稅HK$1,342）起，呢口價擺明同越南航空鬥搶客，而且貨量都多，只可惜航班時間好差（去程21:55-23:35；返程05:55-09:25），勝在可放工上機，落機就返工，肯玩到咁癲又唔錯。幫大家Check過，今年聖誕12月24日出發、29日返都有此價，要買就快手。出發日期由即日起至12月31日，機票有效期7日，9月30日前到Hutchgo HK出票。

請留意：去越南持特區護照及BNO均需申請簽證，單次旅遊費用為HK$640，可直接上灣仔道越南領事館申請，需時約1星期。想平啲？可於網上透過越南方面的旅行社代理申請簽證批准信，再憑此信件於入境越南做落地簽證，總費用約HK$413，不過要留意落地簽證可能較為耗時。

網址：www.hutchgo.com.hk

（覺得抵可用Whatsapp同LINE Share俾朋友架）

聖誕有平！聯合航空香港來回胡志明市$919起，12月31日前出發

阿聯酋航空歐洲線有平唔係新鮮事，不過今期佢首賣明年初期貨，即管睇睇：經杜拜轉機來回歐洲淨機票HK$3,730起，連稅計：阿姆斯特丹HK$5,388起、布魯塞爾HK$5,404起、法蘭克福HK$5,590起、蘇黎世HK$5,601起、巴黎HK$5,604起、莫斯科HK$5,636起、伊斯坦堡HK$5,660起、巴塞隆拿HK$5,693起、漢堡HK$5,817起、馬德里HK$6,001起、米蘭HK$6,024起、杜塞爾多夫HK$6,112起、倫敦HK$6,211起，不及上期優惠咁平，但大部份航點重回六千以下，想享受嘅朋友都可以考慮。

去程航班香港飛杜拜限坐EK387/EK383，回程杜拜返香港限坐EK386/EK380，可以OpenJaw（不同城市往返）。如果想中停杜拜，補番少少機場稅就得（先揀”進階搜索”，再將香港<->杜拜及杜拜<->歐洲拆開兩程搜尋價格）。出發日期由依家至12月17日、12月27日至12月31日、2016年1月12日至1月31日，機票有效期為1個月，最後出票日期為9月16日，上官網買。

網址：www.emirates.com

（覺得抵可用Whatsapp同LINE Share俾朋友架）

翻叮！阿聯酋航空香港來回歐洲連稅$5,388起，可中停杜拜，2016年1月31日前出發

正呀喂！Samsung Galaxy Note 5/S6 edge+/S6 edge手機用家依家只需透過Samsung Galaxy Apps下載長空Online（下載版）及香港航空Apps，即可以優惠價買香港航空指定經濟艙機票，精選航點包括（來回未連稅計）：三亞HK$400起、曼谷HK$700起、沖繩HK$1,000起、峇里HK$1,700起、鹿兒島HK$1,940起、札幌HK$3,850起，3月18日前出發！呢口價算平，日子仲比其他優惠多好多選擇！優惠至10月7日，有「機」就快啲訂咗先啦！

旅遊日期由11月1日至2016年3月18日（部分日子除外），優惠日期至10月7日為止，優惠機票有期及詳情請參閱網站之條款及細則：www.samsung.com

（覺得抵可用Whatsapp同LINE Share俾朋友架）

Samsung用家尊享！下載Apps即享港航機票折扣，往返日本$1,000起

毛里裘斯位處非洲印度洋，除咗風光怡人，由於係荷、法、英嘅前殖民地，亦瀰漫歐陸風情，呢次介紹冷盤熱價：中國南方航空深圳直航來回毛里裘斯淨機票人民幣1,990（約HK$2,417）起，連稅計人民幣4,083（約HK$4,891）起，平時香港出發直航都超碼過7千，所以呢口價就算上深圳飛都抵喇。香港各區都有直通巴往返深圳寶安機場，車費約HK$100-120左右。出發日期由即日起至12月6日，機票有效期7日，9月30日前上官網出票。

航班時間：（深圳－毛里裘斯）
去程：CZ6659 17:05-22:30 逢星期一、六
回程：CZ6660 01:30-14:55 逢星期二、日

網址：www.csair.com

冷盤熱價！中國南方航空深圳直航毛里裘斯$2,417起，12月6日前出發

虎航慶祝11周年生日，突然推出香港或澳門出發優惠：香港飛新加坡來回連稅HK$726起、澳門出發HK$952起，價格比近幾次仲平接近HK$200，值得入手。經新加坡飛其他航點都有平，香港出發來回印尼峇里連稅HK$1,285起、馬爾代夫HK$1,765起。澳門出發來回印尼峇里連稅HK$1,511起、馬爾代夫HK$1,991起，飛馬代呢口價更係超抵。以上價格不包行李寄艙及飛機餐，如果經新加坡轉機，可加HK$115選購行李直掛Tigerconnect服務，無需出境重新辦理登機手續，同時獲得價值約HK$125現金券於轉機時作餐飲或購物消費。如需出境則需付約HK$125稅項；從香港出發，旅遊日期由10月13日至11月18日，澳門出發旅遊日期為10月11日至11月30日。最後出票日期為香港時間9月13日11:59pm前，上虎航官網買。

行李寄艙費用：
香港/澳門－新加坡：每程15KG HK$145、20KG HK$156、25KG HK$174。
新加坡－峇里：每程15KG $104、20KG $116、25KG $145。
新加坡－馬爾代夫（馬累）：每程15KG $150、20KG $174、25KG $203。

網址：www.tigerair.com

（覺得抵可用Whatsapp同LINE Share俾朋友架）

虎航生日狂減！香港/澳門飛新加坡來回連稅$726，轉飛峇里$1,285、馬爾代夫$1,765起，11月18日前出發

最近英航出咗香港<->歐洲線優惠，剛剛我哋發現「港歐亞」因此重生：坐英國航空香港直飛倫敦（其他歐洲城市就唔得），由歐洲城市經倫敦轉機返港，再飛東南亞城市（呢一程可稍後先飛），來回連稅HK$4,696起，俾上次再平咗。賣點之一是坐傳統名牌英航直飛倫敦，部分機程更由A380空中巨無霸執飛！歐洲返港航點選擇極多：馬德里、巴塞隆拿、華沙、米蘭、羅馬、法蘭克福、慕尼黑、巴黎、威尼斯、阿姆斯特丹、布魯塞爾、奧斯陸等，而返回香港後可Stop Over（中停）一段時間才開始第三段航程（與第一程出發起計2個月內），變相拆開兩個旅程。亞洲目的地可揀曼谷、吉隆坡、峇里（登巴薩）、新加坡、檳城等，亦可選中國如上海、北京、廣州等，搭國泰、港龍或港航。舉例第一程香港往倫敦11月16日出發，11月23日由歐洲返港，11月30日由香港往亞洲，來回連稅如下：

（第一程）香港直航倫敦//（第二程）巴塞隆拿->香港 //（第三程）香港->吉隆坡 HK$4,696起
（第一程）香港直航倫敦//（第二程）華沙->香港 //（第三程）香港->曼谷 HK$4,728起
（第一程）香港直航倫敦//（第二程）馬德里->香港 //（第三程）香港->新加坡 HK$4,785起
（第一程）香港直航倫敦//（第二程）斯德哥爾摩->香港 //（第三程）香港->廣州 HK$5,038起
（第一程）香港直航倫敦//（第二程）漢堡->香港 //（第三程）香港->北京 HK$5,093起
（第一程）香港直航倫敦//（第二程）巴黎->香港 //（第三程）香港->檳城 HK$5,111起
（第一程）香港直航倫敦//（第二程）柏林->香港 //（第三程）香港->上海 HK$5,151起
（第一程）香港直航倫敦//（第二程）阿姆斯德丹->香港 //（第三程）香港->登巴薩 HK$5,270起

以上只屬舉例，可選的機票組合極多，大家不妨花時間組合心水來回城市。至於從東南亞城市返香港，可選擇一眾廉航如Airasia、虎航、HK Express單程機票，如在中國城市可選直通車（廣州）、春秋航空（上海）返港，以第一個例子，只要加購HK Express單程曼谷往香港機票連稅約HK$569起，即約5千頭就可玩齊歐洲及東南亞，相當抵玩！出發日期由10月5日至12月5日、12月24日至12月31日、2016年1月11日至2月3日、2月9日至3月15日，機票有效期2個月（夠晒長喇！），最後出票日期為10月23日，上Expedia香港出票。

網址：www.expedia.com.hk

（覺得抵可用Whatsapp同LINE Share俾朋友架）

港歐亞復活！英航直飛倫敦，歐洲返港再飛東南亞來回連稅$4,696起，可坐A380，2016年3月15日前出發